ਤੇਲੰਗਾਨਾ/ਚਾਰਲਾ:ਤੇਲੰਗਾਨਾ ਦੇ ਭਦਰਾਦਰੀ-ਕੋਠਾਗੁਡੇਮ ਜ਼ਿਲ੍ਹੇ ਵਿੱਚ ਬੁੱਧਵਾਰ ਨੂੰ ਇੱਕ ਸੀਆਰਪੀਐਫ ਦੇ ਸਹਾਇਕ ਕਮਾਂਡੈਂਟ ਦੀ ਇੱਕ ਏਕੇ-47 ਰਾਈਫਲ ਤੋਂ ਅਚਾਨਕ ਗੋਲੀ ਚੱਲਣ ਨਾਲ ਮੌਤ ਹੋ ਗਈ। ਪੁਲਿਸ ਨੇ ਦੱਸਿਆ ਕਿ ਸੀਆਰਪੀਐਫ 81 ਬਟਾਲੀਅਨ ਦੇ ਸਹਾਇਕ ਕਮਾਂਡੈਂਟ ਸ਼ੇਸ਼ਾਗਿਰੀ ਰਾਓ 'ਏਰੀਆ ਡੋਮੀਨੇਸ਼ਨ' ਦੌਰੇ ਤੋਂ ਵਾਪਿਸ ਪਰਤਦੇ ਸਮੇਂ ਫਿਸਲ ਗਏ। ਜਿਸ ਕਾਰਨ ਉਹ ਜ਼ਮੀਨ 'ਤੇ ਡਿੱਗ ਗਿਆ।
ਜਦੋਂ ਉਹ ਜ਼ਮੀਨ 'ਤੇ ਡਿੱਗਿਆ ਤਾਂ ਅਚਾਨਕ ਉਸਦੀ ਏ.ਕੇ.-47 ਰਾਈਫਲ ਤੋਂ ਗੋਲੀ ਚੱਲ ਗਈ ਅਤੇ ਉਹ ਗੋਲੀ ਉਸਦੀ ਛਾਤੀ ਵਿੱਚ ਜਾ ਲੱਗੀ। ਪੁਲਿਸ ਨੇ ਦੱਸਿਆ ਕਿ ਜ਼ਖਮੀ ਹਾਲਤ 'ਚ ਹਸਪਤਾਲ ਲਿਜਾਂਦੇ ਸਮੇਂ ਸ਼ੇਸ਼ਾਗਿਰੀ ਰਾਓ ਦੀ ਰਸਤੇ 'ਚ ਮੌਤ ਹੋ ਗਈ।
ਉਨ੍ਹਾਂ ਦੇ ਦੇਹਾਂਤ ਤੋਂ ਬਾਅਦ ਜ਼ਿਲ੍ਹਾ ਐਸਪੀ ਰੋਹਿਤਰਾਜੂ, ਓਐਸਡੀ ਸਾਈ ਮਨੋਹਰ, ਏਐਸਪੀ ਪਰਿਤੋਸ਼ ਪੰਕਜ ਅਤੇ ਸੀਆਰਪੀਐਫ ਅਧਿਕਾਰੀਆਂ ਨੇ ਭਦਰਚਲਮ ਏਰੀਆ ਹਸਪਤਾਲ ਵਿੱਚ ਸ਼ੇਸ਼ਾਗਿਰੀ ਦੀ ਦੇਹ ਨੂੰ ਸ਼ਰਧਾਂਜਲੀ ਦਿੱਤੀ। ਸੀਆਈ ਰਾਜਵਰਮਾ ਨੇ ਦੱਸਿਆ ਕਿ ਇਸ ਘਟਨਾ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਸ਼ੇਸ਼ਾਗਿਰੀ ਦਾ ਪਰਿਵਾਰ ਆਂਧਰਾ ਪ੍ਰਦੇਸ਼ ਦੇ ਅਨੰਤਪੁਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ ਅਤੇ ਵਰਤਮਾਨ ਵਿੱਚ ਹੈਦਰਾਬਾਦ ਵਿੱਚ ਰਹਿੰਦਾ ਹੈ। ਉਸ ਦੀ ਪਤਨੀ ਅਤੇ ਦੋ ਬੱਚੇ ਹਨ। ਇਸ ਦੇ ਨਾਲ ਹੀ ਸ਼ੇਸ਼ਗਿਰੀ ਰਾਓ ਦੇ ਦੇਹਾਂਤ ਦੀ ਜਾਣਕਾਰੀ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤੀ ਗਈ ਹੈ। ਇਸ ਖਬਰ ਤੋਂ ਬਾਅਦ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਕਾਫੀ ਸਦਮੇ 'ਚ ਹਨ।
ਜ਼ਿਲ੍ਹੇ ਦੇ ਚਾਰਲਾ ਥਾਣਾ ਖੇਤਰ ਦੇ ਪੁਸੁਗੁੱਪਾ ਕੈਂਪ ਵਿੱਚ ਸੀਆਰਪੀਐਫ ਦੀ 81 ਬਟਾਲੀਅਨ ਤਾਇਨਾਤ ਹੈ। ਜਿਸ ਦੀ ਸਰਹੱਦ ਛੱਤੀਸਗੜ੍ਹ ਦੇ ਨਾਲ ਭਦ੍ਰਾਦਰੀ-ਕੋਠਾਗੁਡੇਮ ਜ਼ਿਲ੍ਹੇ ਨਾਲ ਲੱਗਦੀ ਹੈ।
