ଢେଙ୍କାନାଳ: କମିବାର ନାଁ ନେଉନି କୋରୋନା । ଯିଏ ଯେତେ ସଚେତନ ହେଲେବି କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ସୋମବାର ଢେଙ୍କାନାଳରେ 55 ନୂଆ ଆକ୍ତାନ୍ତ ଚିହ୍ନଟ ହୋଇଥିବା ବେଳେ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 4683ରେ ପହଞ୍ଚିଛି ।
ମୋଟ 55 ଜଣଙ୍କ ମଧ୍ୟରୁ ପରଜଙ୍ଗ ବ୍ଳକରୁ ସର୍ବାଧିକ ୨୭ ଜଣ, ଗଦିଁଆରୁ ଜଣେ, ସଦର, ଓଡାପଡା ଓ ଭୁବନରୁ ୨ଜଣ ଲେଖାଏଁ ଚିହ୍ନଟ ହୋଇଛନ୍ତି। ସେହିପରି କାମାକ୍ଷାନଗର ବ୍ଳକ ଓ ଢେଙ୍କାନାଳ ମୁନିସପାଲଟିରୁ ୩ଜଣ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୨୯ ଜଣ ହୋମକ୍ବାରେଣ୍ଟାଇନରୁ, ୧୧ଜଣ ସ୍ଥାନୀୟ ଆକ୍ରାନ୍ତ ଓ ୧୫ ଜଣ କଟକ ଭୁବନେଶ୍ବର ମେଡିକାଲରୁ ଚିହ୍ନଟ କରାଯାଇଛି ।
55 ଜଣଙ୍କ ଭିତରୁ 29 ଜଣ କେବଳ ହୋମକ୍ବାରେନଣ୍ଟାଇନରୁ ଚିହ୍ନଟ ହୋଇଥିବା ବେଳେ 11ଜଣ ସ୍ଥାନୀୟ ଆକ୍ରାନ୍ତ ବୋଲି ଜଣାପଡିଛି । ଆକ୍ରାନ୍ତମାନଙ୍କୁ ଜିଲ୍ଲାର ବିଭିନ୍ନ କୋଭିଡ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଛି । ଜିଲ୍ଲାରେ ସୋମବାର ତିରିଶ ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ ସୁଦ୍ଧା ଜିଲ୍ଲାରେ ୪୬୮୩ ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିରୁ ୪୨୬୫ଜଣ ସୁସ୍ଥହୋଇ ଘରକୁ ଫେରିଛନ୍ତି । ଏଯାବତ ୪୦୫ ଜଣ ଆକ୍ରାନ୍ତ ଚିକତ୍ସିତ ଅଛନ୍ତି। ଜିଲ୍ଲାରେ ଆଜି ସୁଧା ୯୩ ହଜାର୩୪୭ଟି କରୋନା ଟେଷ୍ଟ ହୋଇସାରିଛି। କରୋନାରେ ଜିଲ୍ଲାରେ ୧୩ ଜଣଙ୍କ ମୂତ୍ୟୁ ହୋଇଥିବା ସୂଚନା ମିଳିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
