ହାଇଦ୍ରାବାଦ: ଜ୍ୟୋତିଷ ଶାସ୍ତ୍ର ଭଳି ଅଙ୍କ ଜ୍ୟୋତିଷ ମଧ୍ୟ ରହିଛି । ଯାହାଦ୍ବାରା ଆପଣ କୌଣସି ବ୍ୟକ୍ତିର ଆଚରଣ ଓ ସେ କିଭଳି ବ୍ୟକ୍ତିତ୍ବ ସେ ବିଷୟରେ ଜାଣିପାରିବେ । ଅଙ୍କ ଶାସ୍ତ୍ରରେ ବ୍ୟକ୍ତିଙ୍କ ଜନ୍ମ ତାରିଖକୁ ନେଇ ସେମାନଙ୍କ ବିଷୟରେ ଗଣନା କରାଯାଇଥାଏ । କେଉଁ ଲୋକମାନେ ଆପଣଙ୍କ ଭଲ ବନ୍ଧୁ ହେବେ ଏବଂ କେଉଁ ସଂଖ୍ୟା ଆପଣଙ୍କର ପାଇଁ ଭାଗ୍ୟବାନ ତାହା ଆପଣ ଜାଣିପାରିବେ । ଏଥିପାଇଁ ଆପଣଙ୍କୁ ଆପଣଙ୍କର ଜନ୍ମ ତାରିଖର ମୂଳାଙ୍କ ବାହାର କରିବାକୁ ପଡ଼ିବ । ତେବେ ଆପଣଙ୍କ ଜନ୍ମ ତାରିଖ ଅନୁଯାୟୀ କେଉଁ ସଂଖ୍ୟା ଆପଣଙ୍କର ଲକି ନମ୍ବର ଜାଣନ୍ତୁ....
ମୂଳାଙ୍କ -1
ଯଦି ଆପଣଙ୍କର ଜନ୍ମ ତାରିଖ ମାସର 1, 10, 19 କିମ୍ବା 28 ତାରିଖରେ ପଡେ ତେବେ ଆପଣଙ୍କ ଲକି ନମ୍ବର 1 । ଏହି ମୂଳାଙ୍କ ସଂଖ୍ୟା ଥିବା ଲୋକଙ୍କ ଇଷ୍ଟ ଗ୍ରହ ହେଉଛନ୍ତି ସୂର୍ଯ୍ୟ । ଏମାନଙ୍କ ପାଇଁ ଶୁଭ ସଂଖ୍ୟା ହେଉଛି 1, 2, 3 ଏବଂ 9 । ତେଣୁ, ଯଦି କୌଣସି ବ୍ୟକ୍ତିର ଜନ୍ମ ତାରିଖ ଏହି ସଂଖ୍ୟାଗୁଡ଼ିକ ମଧ୍ୟରୁ କୌଣସି ସଂଖ୍ୟା ହୋଇଥାଏ ତେବେ ସେମାନେ ଆପଣଙ୍କର ଭଲ ବନ୍ଧୁ ହୋଇପାରେ । ସେମାନଙ୍କ ସହ ଆପଣଙ୍କର ଭଲ ସମ୍ପର୍କ ରହିବ । ଏହି ମୂଳାଙ୍କ ଥିବା ବ୍ୟାକ୍ତିମାନେ ମୁଖ୍ୟତଃ ସ୍ପଷ୍ଟବାଦୀ । ପ୍ରତ୍ୟେକ କାର୍ଯ୍ୟକୁ ନିର୍ଭୟର ସହ ସମ୍ପାଦନ କରିଥାନ୍ତି । ଲୋକମାନେ ଭାବିଚିନ୍ତି ନିଷ୍ପତ୍ତି ନିଅନ୍ତି ।
ମୂଳାଙ୍କ -2
ସେହିପରି ଯଦି ଆପଣଙ୍କ ଜନ୍ମ ତାରିଖ 2, 11, 20 କିମ୍ବା 29 ତାରିଖରେ ପଡ଼ୁଛି ତେବେ ଆପଣଙ୍କର ମୂଳାଙ୍କ ସଂଖ୍ୟା 2 । ଏହି ମୂଳାଙ୍କ ସଂଖ୍ୟା ଥିବା ଲୋକଙ୍କ ଇଷ୍ଟ ଗ୍ରହ ହେଉଛନ୍ତି ଚନ୍ଦ୍ର । 1, 2, 4 ଏବଂ 7 ମୂଳାଙ୍କ ଥିବା ସଂଖ୍ୟା ଆପଣଙ୍କ ପାଇଁ ଶୁଭ । ଏହି ସଂଖ୍ୟାଗୁଡ଼ିକ ଆପଣଙ୍କର ଲକି ନମ୍ବର । ଏହି ମୂଳାଙ୍କ ଥିବା ବ୍ୟକ୍ତିମାନେ କର୍ମନିଷ୍ଠ । ସରଳ ବିଶ୍ବାସୀ ସ୍ବଭାବର ହୋଇଥାନ୍ତି । ଇଷ୍ଟ ଗ୍ରହ ଚନ୍ଦ୍ର ହୋଇଥିବାରୁ ଏମାନଙ୍କ ମନ ନିର୍ମଳ ଓ ଶାନ୍ତ ସ୍ବଭାବର ।
ମୂଳାଙ୍କ-3
3, 12, 21 ଓ 30 ତାରିଖରେ ଜନ୍ମ ହୋଇଥିବା ବ୍ୟକ୍ତିଙ୍କ ମୂଳାଙ୍କ ହେଉଛି 3 । ଏହି ମୂଳାଙ୍କ ସଂଖ୍ୟା ଥିବା ଲୋକଙ୍କ ଇଷ୍ଟ ଗ୍ରହ ହେଉଛନ୍ତି ବୃହସ୍ପତ୍ତି । 3, 6 ଓ 9 ତାରିଖରେ ଜନ୍ମ ହୋଇଥିବା ବ୍ୟକ୍ତି ଆପଣଙ୍କର ଭଲ ବନ୍ଧୁ ହୋଇପାରିବେ । ଏହାସହ ଏହି ତାରିଖ ମଧ୍ୟ ଆପଣଙ୍କ ପାଇଁ ଶୁଭ । 3 ମୂଳାଙ୍କ ଥିବା ବ୍ୟକ୍ତି ଅତି ସୌଭାଗ୍ୟବାନ । ଉଚ୍ଚାଭିଳାଷୀ ସ୍ବଭାବର ହୋଇଥାନ୍ତି । ଖୋଲା ମନୋଭାବ ପୋଷଣ କରନ୍ତି । ସମ୍ପର୍କ ଗଢ଼ିବା ଉପରେ ଧ୍ୟାନ ଦିଅନ୍ତି ।
ମୂଳାଙ୍କ-4
4, 13, 22, ଓ 31 ତାରିଖରେ ଜନ୍ମ ହୋଇଥିବା ଲୋକଙ୍କ ମୂଳାଙ୍କ ହେଉଛି 4 । ଏହା ରାହୁ ଗ୍ରହଙ୍କ ଅଙ୍କ ମନାଯାଏ । ଆପଣଙ୍କ ପାଇଁ 4, 13, 22 ଓ 31 ତାରିଖ ଶୁଭ । 4 ମୂଳାଙ୍କ ଥିବା ବ୍ୟକ୍ତି ବିଶେଷମାନେ ରୋକଠୋକ କହିବାରେ ବିଶ୍ବାସ କରନ୍ତି । ଅନ୍ୟମାନଙ୍କୁ ସହଜରେ ବିଶ୍ବାସ କରନ୍ତି ନାହିଁ । ପରିସ୍ଥିତି ଦେଖି ନିଷ୍ପତ୍ତି ନେଇଥାନ୍ତି ।
