ହାଇଦ୍ରାବାଦ:ଇଣ୍ଡିଆନ ପ୍ରିମିୟର ଲିଗ(IPL) ଟୁର୍ନାମେଣ୍ଟର ସବୁଠୁ ସଫଳତମ ଟିମ- ମୁମ୍ବାଇ ଇଣ୍ଡିଆନ୍ସ ଷଷ୍ଠ ଥର ଚମ୍ପିଆନ ଲକ୍ଷ୍ୟରେ ନୂଆ ସଂସ୍କରଣରେ ନଜର ଆସିବ । ବିଶ୍ବର ଶ୍ରେଷ୍ଠ ଟି-୨୦ ଲିଗ୍ ଆଇପିଏଲର ପଞ୍ଚଦଶ ସଂସ୍କରଣ ମାର୍ଚ୍ଚ ୨୬ରୁ ଆରମ୍ଭ ହେବାକୁ ଯାଉଛି । ତେବେ ପାଞ୍ଚ ଥର ଚାମ୍ପିୟନ ହୋଇସାରିଥିବା ରୋହିତ ଶର୍ମାଙ୍କ ନେତୃତାଧୀନ ମୁମ୍ବାଇ ପଲଟନ ପ୍ରଦର୍ଶନ ଉପରେ ଏଥର ସମସ୍ତଙ୍କର ନଜର ରହିବ ।
କାରଣ ମେଗା ଖେଳାଳି ନିଲାମରେ ଚାମ୍ପିୟନ ମୁମ୍ବାଇ ଟିମର ସଦସ୍ୟ ଥିବା ଏକାଧିକ ଷ୍ଟାର ଖେଳାଳିଙ୍କୁ ଅନ୍ୟ ଟିମ କିଣିସାରିଛନ୍ତି ଓ IPL ୨୦୨୨ର ଲିଗ ପର୍ଯ୍ୟାୟର ସମସ୍ତ ମ୍ୟାଚ୍ ଘରୋଇ ପରିବେଶ ମୁମ୍ବାଇ ଓ ପୁନେରେ ଖେଳାଯିବ । ରୋହିତ ଶର୍ମା, ଜଶପ୍ରୀତ ବୁମରା ଓ କିରଣ ପୋଲାର୍ଡ ଓ ସୂର୍ଯ୍ୟକୁମାର ଯାଦବଙ୍କୁ ରିଟେନ କରିଥିଲା ଟିମ । ପାଞ୍ଚ ଥରର ଟ୍ରଫି ବିଜେତା ମୁମ୍ବାଇ ଫେବୃଆରୀ ଅନୁଷ୍ଠିତ ହୋଇଥିବା ନିଲାମରେ କିଛି ନୂଆ ଖେଳାଳିଙ୍କୁ ଉପରେ ମଧ୍ୟ ବିଶ୍ବାସ ଦେଖାଇଛି, ଯେଉଁମାନେ କି ଟିମର ମ୍ୟାଚ୍ ବିଜେତା ହୋଇପାରନ୍ତି ।
କ୍ୟାପେଟନ ରୋହିତ ଶର୍ମା ପୁଣିଥରେ ରେକର୍ଡ ଷଷ୍ଠଥର ଟ୍ରଫି ଜିତିବା ଲକ୍ଷ୍ୟ ନେଇ ମାର୍ଚ୍ଚ ୨୭ରୁ ମୈଦାନରେ ଆକ୍ସନରେ ନଜର ଆସିବେ । ଟୁର୍ନାମେଣ୍ଟରେ ଧୀମା ଆରମ୍ଭ ପାଇଁ ପରିଚିତ ମୁମ୍ବାଇ ଏଥର ରଣନୀତିରେ ପରିବର୍ତ୍ତନ କରିବାର ଯଥେଷ୍ଟ ସମ୍ଭାବନା ରହିଛି । ନୂଆ ଦୁଇଟି ଟିମ ସାମିଲ ହୋଇଥିବାରୁ ପ୍ରତିଯୋଗିତା ଆହୁରି ପ୍ରତିନ୍ଦ୍ବନ୍ଦ୍ବୀତା ହେବାର ସମ୍ଭାବନା ଥିବାରୁ, ପ୍ରଥମ ମ୍ୟାଚ୍ରୁ ହିଁ ବିଜୟ ଉପରେ ଫୋକସ କରିପାରେ ଟିମ ।
ନଜର ପକାନ୍ତୁ IPL 2022ରେ ମୁମ୍ବାଇ ଇଣ୍ଡିଆନ୍ସର ଲିଗ ପର୍ଯ୍ୟାୟ ମ୍ୟାଚ୍ ସୂଚୀ ଉପରେ:
ମ୍ୟାଚ୍ ୧, ମାର୍ଚ୍ଚ ୨୭, ରବିବାର: ଦିଲ୍ଲୀ କ୍ୟାପିଟାଲ୍ସ ବନାମ ମୁମ୍ବାଇ ଇଣ୍ଡିଆନ୍ସ(ବ୍ରାବୋର୍ନୋ ଷ୍ଟାଡିୟମ-CCI, ମୁମ୍ବାଇ) ଅପରାହ୍ନ ୩:୩୦ ।
ମ୍ୟାଚ୍ ୨, ଏପ୍ରିଲ ୨, ଶନିବାର: ମୁମ୍ବାଇ ଇଣ୍ଡିଆନ୍ସ ବନାମ ରାଜସ୍ଥାନ ରୟାଲ୍ସ(ଡିୱାଇ ପାଟିଲ ଷ୍ଟାଡିୟମ, ମୁମ୍ବାଇ) ଅପରାହ୍ନ ୩:୩୦ ।
ମ୍ୟାଚ୍ ୩, ଏପ୍ରିଲ ୬, ବୁଧବାର: କୋଲକାତା ନାଇଟ ରାଇଡର୍ସ ବନାମ ମୁମ୍ବାଇ ଇଣ୍ଡିଆନ୍ସ(MCA ଷ୍ଟାଡିୟମ, ପୁନେ) ସନ୍ଧ୍ୟା ୭:୩୦ ।
ମ୍ୟାଚ୍ ୪, ଏପ୍ରିଲ ୯, ଶନିବାର: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ମୁମ୍ବାଇ ଇଣ୍ଡିଆନ୍ସ(MCA ଷ୍ଟାଡିୟମ, ପୁନେ) ସନ୍ଧ୍ୟା ୭:୩୦ ।
ମ୍ୟାଚ୍ ୫, ଏପ୍ରିଲ ୧୩, ବୁଧବାର: ମୁମ୍ବାଇ ଇଣ୍ଡିଆନ୍ସ ବନାମ ପଞ୍ଜାବ କିଙ୍ଗ୍ସ (MCA ଷ୍ଟାଡିୟମ, ପୁନେ) ସନ୍ଧ୍ୟା ୭:୩୦ ।
ମ୍ୟାଚ୍ ୬, ଏପ୍ରିଲ ୧୬, ଶନିବାର: ମୁମ୍ବାଇ ଇଣ୍ଡିଆନ୍ସ ବନାମ ଲକ୍ଷ୍ନୌ ସୁପର ଜିଆଣ୍ଟସ(ବ୍ରାବୋର୍ନୋ ଷ୍ଟାଡିୟମ-CCI, ମୁମ୍ବାଇ) ଅପରାହ୍ନ ୩:୩୦ ।