ହାଇଦ୍ରବାଦ: ଦୀର୍ଘ ୧୭ ବର୍ଷ ପରେ T୨୦ ବିଶ୍ବକପ ହାତେଇଛି ଭାରତ । ଯାହାକୁ ନେଇ ପ୍ରତ୍ୟେକଟି ଭାରତୀୟ ମନରେ ଭରିଯାଇଛି ଅପୂର୍ବ ଖୁସି । ହେଲେ ବିଶ୍ୱକପ ନିଜର କରିବା ସହ ୩ ଭାରତୀୟ କିମ୍ବଦନ୍ତୀ ଖେଳାଳି ଅନ୍ତରାଷ୍ଟ୍ରୀୟ T୨୦ ଫର୍ମାଟକୁ ଅଲବିଦା କହିଛନ୍ତି । କ୍ୟାପଟେନ ରୋହିତ ଶର୍ମା ଏବେ କୌଣସି ଅନ୍ତରାଷ୍ଟ୍ରୀୟ T୨୦ ମ୍ୟାଚରେ ନଜର ଆସିବେ ନାହିଁ । ଖେଳ ସରିବା ପରେ ପ୍ରେସମିଟରେ ଏନେଇ ଘୋଷଣା କରିଛନ୍ତି ହିଟମ୍ୟାନ । ଏହାକୁ ନେଇ ନିରାଶ ହୋଇଛନ୍ତି ଫ୍ୟାନ୍ସ । ଅନ୍ୟପଟେ ହିଟମ୍ୟାନଙ୍କ ଅବସରକୁ ନେଇ ତାଙ୍କ ପତ୍ନୀ ବେଶ ଭାବବିହ୍ୱଳ ହୋଇପଡିଥିବା ଦେଖିବାକୁ ମିଳିଛି ।
Ritika Sajdeh's emotional Instagram post for Rohit Sharma. 🥹❤️ pic.twitter.com/8rB37LcDQk
— Mufaddal Vohra (@mufaddal_vohra) July 1, 2024
ହିଟମ୍ୟାନଙ୍କ ସନ୍ନ୍ୟାସକୁ ନେଇ ତାଙ୍କ ପତ୍ନୀ ରିତିକା ଇନଷ୍ଟାଗ୍ରାମରେ ଏକ ଭାବପ୍ରବଣ ଭରା ପୋଷ୍ଟ କରିଛନ୍ତି । ସେ ଲେଖିଛନ୍ତି, "ତୁମେ ଯାହା ହାସଲ କରିଛ ଏବଂ ଏହି ଖେଳ ଓ ଏହାକୁ ପସନ୍ଦ କରୁଥିବା ଲୋକଙ୍କ ଉପରେ ଏହାର ପ୍ରଭାବ ପଡିବ । ତୁମ ପତ୍ନୀ ଭାବରେ ଏହି କଥାକୁ ନେଇ ମୁଁ ବହୁତ ଗର୍ବିତ କିନ୍ତୁ ତୁମ ଖେଳକୁ ଭଲ ପାଉଥିବା ବ୍ୟକ୍ତି ଭାବରେ ଯଦି ମୁଁ କହିବି ତେବେ ଏହି ଖେଳଠାରୁ ତୁମେ ନିଜକୁ କୌଣସି ଅଂଶରେ ଦୂରରେ ରଖିବା ମୋ ପାଇଁ ଦୁଃଖଦାୟକ । ମୁଁ ଜାଣେ ତୁମେ ଏହି ଟିମ ପାଇଁ କଣ ସବୁଠୁ ଭଲ ସେ ବିଷୟରେ ତୁମେ ଚିନ୍ତା କରିଛ । କିନ୍ତୁ ଏହା ଦେଖିବା ସହଜ ନୁହେଁ ଯେ ତୁମେ ସେହି ଖେଳର କୌଣସି ଅଂଶକୁ ଛାଡିବା । ମୁଁ ତୁମକୁ ବହୁତ ଭଲ ପାଏ ଓ ମୋତେ ତୁମକୁ ନିଜର କହିବାରେ ବହୁତ ଗର୍ବ ଅନୁଭବ ହୋଇଥାଏ ।
ରିତିକା ସୋମବାର ଦିନ ଇନଷ୍ଟାଗ୍ରାମରେ ସୋସିଆଲ ମିଡିଆରେ ରୋହିତଙ୍କ ପାଇଁ ଏହି ପୋଷ୍ଟ କରିଛନ୍ତି । ସେ ଆଉ ମଧ୍ୟ ଲେଖିଛନ୍ତି ଯେ, ରୋହିତଙ୍କୁ ତାଙ୍କର ବିଶ୍ୱକପ ଜିତିବାର ସ୍ୱପ୍ନକୁ ପୂରଣ କରୁଥିବାର ଦେଖିବା ବେଶ ଭାବଭରା ଓ ପ୍ରେରଣାଦାୟକ । ଟି୨୦ ଫର୍ମାଟରୁ ବିଦାୟ ନେବା ରୋହିତଙ୍କ ଖେଳର ପ୍ରଶଂସକ ଭାବେ ଏହା ବେଶ ଦୁଃଖଦାୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
