ହାଇଦ୍ରାବାଦ: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି)ର ଷ୍ଟାର ଖେଳାଳି ଏବି ଡି ଭିଲିୟର୍ସ ଆଇପିଏଲ କ୍ୟାରିୟରରେ ଏକ ବଡ ମାଇଲଷ୍ଟୋନକୁ ଅତିକ୍ରମ କରିଛନ୍ତି । ଦକ୍ଷିଣ ଆଫ୍ରିକୀୟ ଖେଳାଳି ଡିଭିଲିୟର୍ସ ଆଇପିଏଲ ଇତିହାସରେ 4500 ପୂରଣ କରିବାରେ ଷଷ୍ଠ ବ୍ୟାଟ୍ସମ୍ୟାନ ହୋଇଛନ୍ତି । ଏଥିସହିତ ଡେଭିଡ ୱାର୍ଣ୍ଣରଙ୍କ ପରେ ଦ୍ବିତୀୟ ବିଦେଶୀ ଖେଳାଳି ଭାବେ ଏହି ସଫଳତାର ଅଧିକାରୀ ହୋଇଛନ୍ତି ।
ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଖେଳାଯାଇଥିବା ମ୍ୟାଚରେ ଏହି ମାଇଲଷ୍ଟୋନକୁ ଅତିକ୍ରମ କରିଛନ୍ତି ଡିଭିଲିୟର୍ସ । ଏହାପୂର୍ବରୁ ବିରାଟ କୋହଲି, ସୁରେଶ ରାଇନା, ରୋହିତ ଶର୍ମା, ଡେଭିଡ ୱାର୍ଣ୍ଣର, ଓ ଶିଖର ଧାୱନ ଏହି କ୍ଲବରେ ସାମିଲ ହୋଇସାରିଛନ୍ତି ।