ନୂଆଦିଲ୍ଲୀ: ପ୍ରତିକ୍ଷାର ଅନ୍ତ ଘଟିଲା । ବିଶ୍ବକପ ଧରି ଭାରତକୁ ଫେରିଲା ଟିମ ଇଣ୍ଡିଆ । ବାର୍ବାଡସରୁ ବିଶ୍ବ ଚାମ୍ପିଅନ ଟିମକୁ ଧରି ଉଡାଣ ଭରିଥିବା ବିମାନ ଆଜି ଦିଲ୍ଲୀ ବିମାନବନ୍ଦରରେ ଅବତରଣ କରିଛି । ଖେଳାଳିଙ୍କୁ ସ୍ବାଗତ କରିବାକୁ ହଜାର ହଜାର ଦର୍ଶକଙ୍କ ଭିଡ ଲାଗିଛି ବିମାନବନ୍ଦରରେ । ଇଣ୍ଡିଆ... ଇଣ୍ଡିଆ... ନାରାରେ କମ୍ପୁଛି ଆଇଜିଆଇ ଏୟାରପୋର୍ଟ । 17 ବର୍ଷ ପରେ ଭାରତକୁ ବିଶ୍ବକପ ଟ୍ରଫି ଆସିଛି । ବିଦେଶ ମାଟିରେ ଟିମ୍ ଇଣ୍ଡିଆ ବିଜଯୀ ହୋଇଥିବା ବେଳେ ଭାରତ ମାଟିରେ ଜମିଥିଲା ବିଜୟ ଉତ୍ସବ । 140 କୋଟି ଭାରତୀୟ ଟିମ ଇଣ୍ଡିଆ ବିଜୟର ସେଲିବ୍ରେସନ କରିଥିଲେ ।
#WATCH | Delhi: A supporter of the Men's Indian Cricket Team, Lovely Chawla says, " we have been waiting here since 4 am. we knew that team india would land in delhi and we are here to welcome them."
— ANI (@ANI) July 4, 2024
team india has arrived at delhi airport after winning the #T20WorldCup2024… pic.twitter.com/waqoQc6AvP
ଚମ୍ପିଆନ ଦଳକୁ ଭେଟିବେ ମୋଦି: ଗତକାଲି ବାର୍ବାଡସରୁ ସ୍ବତନ୍ତ୍ର ଏୟାର ଇଣ୍ଡିଆ ବିମାନ ଖେଳାଳିଙ୍କୁ ଧରି ଦିଲ୍ଲୀ ଅଭିମୁଖେ ଉଡାଣ ଭରିଥିଲା । ଆଜି ଭୋର 6ଟା ସମୟରେ ବିମାନ ଅବତରଣ କରିଛି । ଏହାପରେ ଦିଲ୍ଲୀର ଆଇଟିସି ମୌର୍ଯ୍ୟ ହୋଟେଲକୁ ଯିବେ ସମସ୍ତ ଖେଳାଳି । ପୂର୍ବାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚମ୍ପିଆନ ଦଳକୁ ଭେଟିବାର କାର୍ଯ୍ୟକ୍ରମ ରହିଛି । ମୋଦି ଖେଳାଳିଙ୍କୁ ଭେଟି ଅଭିନନ୍ଦନ ଜଣାଇବେ ।
#WATCH | " it's home" tweets bcci as team india lands at delhi airport after winning the #T20WorldCup2024 trophy.
— ANI (@ANI) July 4, 2024
(Video Source: BCCI) pic.twitter.com/4j6W79ueDD
#WATCH | Coach Rahul Dravid, Yuzvendra Chahal and Jasprit Bumrah along with Team India arrive at Delhi airport, after winning the #T20WorldCup2024 trophy. pic.twitter.com/wYCx91SkpP
— ANI (@ANI) July 4, 2024
ଭିକ୍ଟ୍ରି ପରେଡରେ କମ୍ପିବ ମାୟନଗରୀ: ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବା ପରେ ସ୍ବତନ୍ତ୍ର ବିମାନ ଯୋଗେ ମୁମ୍ବାଇ ଯାତ୍ରା କରିବେ ସମସ୍ତ ଖେଳାଳି । ବିମାନବନ୍ଦରରେ ପହଞ୍ଚିବା ପରେ ନରିମାନ ପଏଣ୍ଟକୁ ନିଆଯିବ । ସନ୍ଧ୍ୟା 5ଟା ସମୟରେ ଭିକ୍ଟ୍ରି ସସେଲିବ୍ରେସନରେ କମ୍ପିବ ମାୟାନଗରୀ ମୁମ୍ବାଇ । ନରିମାନ ଠାରୁ ଓ୍ବାଙ୍ଖଡେ ଷ୍ଟାଡିୟମ ପର୍ଯ୍ୟନ୍ତ ଭିକ୍ଟ୍ରି ପରେଡ ବା ବିଜୟ ଶୋଭାଯାତ୍ରା କରିବେ ଚମ୍ପିଆନ ଦଳ । ଏହାପରେ ଷ୍ଟାଡିୟମରେ ଖେଳାଳାଙ୍କୁ ସମ୍ମାନିତ କରାଯିବ ।
#WATCH | Delhi: Team India's bus at Terminal 3 of Delhi airport as the Men's Indian Cricket Team has landed at the airport after winning the #T20WorldCup2024 trophy. pic.twitter.com/gqHBbn1357
— ANI (@ANI) July 4, 2024
ବିଜୟ ଶୋଭାଯାତ୍ରାରେ ସାମିଲ ହେବାକୁ ଫ୍ୟାନ୍ସଙ୍କୁ ରୋହିତଙ୍କ ନିମନ୍ତ୍ରଣ: ଚଳିତ ଟି 20 ବିଶ୍ବକପ ସଂସ୍କରଣରେ ଭାରତ ବିଶ୍ବ ଚମ୍ପିଆନ ହେବା ପରେ 4 ଦିନ ଧରି ବାରବାଡୋସରେ ଝଡରେ ଫସିଥିଲା ଟିମ୍ ଇଣ୍ଡିଆ । ଫାଇନାଲରେ ଦକ୍ଷିଣ ଆଫ୍ରିକାକୁ ହରାଇ ଚମ୍ପିଆନ ହୋଇଛି ରୋହିତଙ୍କ ଟିମ୍ । ଆଜି ଆୟୋଜିତ ହେବାକୁ ଥିବା ବିଜୟ ଶୋଭାଯାତ୍ରାରେ ଯୋଗ ଦେବାକୁ ପ୍ରଶଂସକଙ୍କୁ ନିମନ୍ତ୍ରଣ କରିଛନ୍ତି କ୍ୟାପଟେନ ରୋହିତ ଶର୍ମା ଓ ବିସିସିଆଇ ସଚିବ ଜୟ ଶାହ।
