ହାଇଦ୍ରାବାଦ: ଘରକୁ ଆସୁଛି ଟ୍ରଫି । ଆସନ୍ତାକାଲି (ଗୁରୁବାର) ସକାଳ 6ଟା ସମୟରେ ଦିଲ୍ଲୀରେ ପହଞ୍ଚିବେ ବିଶ୍ବବିଜୟୀ । ସ୍ବତନ୍ତ୍ର ବିମାନରେ ଆସୁଛନ୍ତି ଟି-20 ବିଶ୍ବକପ୍ ଚମ୍ପିଆନ୍ ଟିମର ଖେଳାଳି । ଓ୍ବେଷ୍ଟ ଇଣ୍ଡିଜ ବାରବାଡସରେ ଫସିଥିବା ଟିମ୍ ଇଣ୍ଡିଆ ଖେଳାଳି ଫେରୁଛନ୍ତି ସ୍ବଦେଶ । ପ୍ରବଳ ଝଡ ତୁଫାନ ପାଇଁ ବରଲିରେ ଫସିଥିଲା ଟିମ୍ ଇଣ୍ଡିଆ ।
Team India will return to the country on July 4, a special flight carrying the team will land in Delhi early morning
— ANI (@ANI) July 3, 2024
The team's departure from stranded was delayed by Hurricane Beryl.
The flight arranged by BCCI's Jay Shah will also carry the members of Indian media who were… pic.twitter.com/HqrAVHs7sL
ତେବେ ବିସିସିଆଇ ସମ୍ପାଦକ ଜୟ ଶାହଙ୍କ ପ୍ରୟାସ ପରେ ସ୍ବତନ୍ତ୍ର ଚାର୍ଟାଡ ବିମାନରେ ଆସୁଛନ୍ତି ଖେଳାଳି । ସୂଚନା ମୁତାବକ, ଝଡ ପାଇଁ ଟିମ୍ ଇଣ୍ଡିଆର ଉଡାଣରେ ବିଳମ୍ବ ହୋଇଥିଲା । ଏପଟେ ଟିମ୍ ସହିତ ଫସିଥିବା ଭାରତୀୟ ସାମ୍ବାଦିକଗଣଙ୍କୁ ମଧ୍ୟ ଫେରିବାର ସୁଯୋଗ ପ୍ରଦାନ କରିଛନ୍ତି ଜୟ ଶାହ । ସମାନ ବିମାନରେ ଉଭୟ ଖେଳାଳି ଏବଂ ଦେଶର ବିଭିନ୍ନ ଗଣମାଧ୍ୟମର କ୍ରୀଡା ସାମ୍ବାଦିକ ମଧ୍ୟ ଭାରତ ଫେରିବେ ।
It's coming home 🏆#TeamIndia pic.twitter.com/Pxx4KGASb8
— BCCI (@BCCI) July 3, 2024
17 ବର୍ଷ ଅପେକ୍ଷାର ଅନ୍ତ ଘଟିଛି । ଆଇସିସି ଟି-20 ବିଶ୍ବକପରେ ଚମ୍ପିଆନ ହୋଇଛି ଟିମ୍ ଇଣ୍ଡିଆ । ଗତ ଶନିବାର ହାଇଭୋଲଟେଜ ଫାଇନାଲ ମ୍ୟାଚରେ ଦକ୍ଷିଣ ଆଫ୍ରିକାକୁ ହରାଇ ବିଶ୍ବ ବିଜୟୀ ହୋଇଛି ଟିମ୍ ଇଣ୍ଡିଆ । ଏହାପରେ ଝଡ ତୁଫାନ ପାଇଁ ଫସିଥିଲା ରୋହିତ ବ୍ରିଗେଡ୍ । ତେବେ ଆଜି ବିସିସିଆଇ ସୋସିଆଲ ମିଡିଆ ଏକ୍ସରେ ଘରକୁ ଆସୁଛି ଟ୍ରଫି ଲେଖି ଟି-20 ଆଇସିସି ଟ୍ରଫି ଭିଡିଓ ପୋଷ୍ଟ କରୁଛି । ଭାରତ ଫେରିବା ପରେ ଜୋରଦାର ସେଲିବ୍ରେସନ ହେବ ବୋଲି ଏହା ସୂଚନା ଦେଉଛି । ଏହା ପୂର୍ବରୁ ବିସିସିଆଇ କ୍ରିକେଟରଙ୍କ ପାଇଁ ଟଙ୍କାର ବର୍ଷା କରିଥିଲା । 125 କୋଟି ପୁରସ୍କାର ରାଶି ଘୋଷଣା କରିଥିଲା ।
Believe. Become. Conquer!
— BCCI (@BCCI) July 2, 2024
Some glorious moments from #TeamIndia's dressing room after the victory in Barbados 🏆#Champions #T20WorldCup2024 pic.twitter.com/eYB7PXuLGH
ଫାଇନାଲ ମ୍ୟାଚ ପରେ ଓ୍ବେଷ୍ଟଇଣ୍ଡିଜରେ ବାରବାଡୋସରେ ଭୟଙ୍କର ରୂପ ନେଲା ଘୂର୍ଣ୍ଣିଝଡ ବେରିଲ । ଘୂର୍ଣ୍ଣିଝଡରେ ଫସିଲା ଟିମ୍ ଇଣ୍ଡିଆ । ବାତ୍ୟା ଭିତରେ ଟିମ ଇଣ୍ଡିଆ ଖେଳାଳି କେମିତି ସ୍ବଦେଶ ଫେରିବେ ସେନେଇ ଚିନ୍ତା ବଢିଥିଲା । ବାରବାଡୋସରେ ବାତ୍ୟା ଯୋଗୁଁ ବିମାନ ଉଡାଣ ବନ୍ଦ ରହିଥିଲା । ଖେଳାଳିଙ୍କୁ ଭାରତକୁ ଫେରିଇ ଆଣିବା ପାଇଁ ଦିଲ୍ଲୀକୁ ସିଧାସଳଖ ବିମାନ ଉଡ଼ାଣ ପାଇଁ ଏକ ଚାର୍ଟାଡ୍ ବିମାନ ଆଣିବାକୁ ବିସିସିଆଇ ଉଦ୍ୟମ କରିଥିଲା ।
ଏହା ବି ପଢନ୍ତୁ- ବାରବାଡୋସରେ ଭୟଙ୍କର ଘୂର୍ଣ୍ଣିଝଡ; ସ୍ବଦେଶ ଫେରିବା ଚିନ୍ତାରେ ବିଶ୍ୱ ଚମ୍ପିଆନ ଟିମ୍ ଇଣ୍ଡିଆ, ଚାର୍ଟାଡ୍ ବିମାନ ପଠାଇବ ବିସିସିଆଇ - Hurricane Beryl
ନ୍ୟାସନାଲ ହୁରିକେନ ସେଣ୍ଟର ରବିବାର କହିଥିଲା ଯେ, ଦକ୍ଷିଣ-ପୂର୍ବ କାରିବିଆନ୍ର ୱିଣ୍ଡୱାର୍ଡ ଦ୍ୱୀପପୁଞ୍ଜରେ ଘୂର୍ଣ୍ଣିଝଡ ବେରିଲ୍ ଶକ୍ତିଶାଳୀ କ୍ୟାଟେଗୋରି-4 ବାତ୍ୟାରେ ପରିଣତ ହୋଇଥିଲା । ୱିଣ୍ଡୱାର୍ଡ ଦ୍ୱୀପପୁଞ୍ଜରେ ଏହା ତାଣ୍ଡବ ରଚିପାରେ ବୋଲି ପୂର୍ବାନୁମାନ କରାଯାଇଥିଲା । ବାରବାଡୋସରେ ବିମାନ ବନ୍ଦ ଉଡାଣ ଉପରେ ରୋକ ଲାଗିଥିଲା । ବିମାନ ଉଡାଣ ବନ୍ଦ ଥିବାରୁ ଟିମ ଇଣ୍ଡିଆ ଖେଳାଳି, ବିସିସିଆଇ ଅଧିକାରୀ, ଗଣମାଧ୍ୟମ ପ୍ରତିତିଧି ସ୍ବଦେଶ ଫେରିବା ବଦଳରେ କାରେବିଆନରେ ଆଇଲାଣ୍ଡରେ ଫସି ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
