‘ଓଡିଶାର ଫଳାଫଳ ସମସ୍ତଙ୍କୁ ଚକିତ କରିବ, ଲୋକସଭା ଆସନ ସଂଖ୍ୟା 15ରୁ 20 ପର୍ଯ୍ୟନ୍ତ ଯିବ’- Dharmendra On Exit Polls

ହାଇଦ୍ରାବାଦ: ଆଜି ସଂଧ୍ୟାରେ ଅନ୍ତିମ ପର୍ଯ୍ୟାୟ ମତଦାନ ଶେଷ ହେବା ପରେ ବୁଥ ବାହୁଡା ଜନମତ ବା ‘ଏକଜିଟ ପୋଲ’ ପ୍ରକାଶ ପାଇଛି । ଏଥିରେ ଦେଶରେ ବିଜେପି ନେତୃତ୍ବାଧୀନ ‘ଏନଡିଏ’ ମେଣ୍ଟ ପ୍ରାୟ 350ରୁ ଅଧିକ ଆସନ ଜିତୁଥିବା ବେଳେ ଏକାଧିକ ରାଜ୍ୟରେ ମଧ୍ୟ ପୂର୍ବ-ରେକର୍ଡ ଅତିକ୍ରମ କରିବା ନେଇ ପୂର୍ବାକଳନ ପ୍ରକାଶ କରିଛନ୍ତି । ଏହା ପରେ ବିଜେପି ଶିବିରରେ ଉତ୍ସାହ ଦେଖିବାକୁ ମିଳିଛି ।

‘ଏକଜିଟ ପୋଲ’ ଉପରେ ପ୍ରତିକ୍ରିୟା ରଖି କେନ୍ଦ୍ରମନ୍ତ୍ରୀ ତଥା ଚଳିତଥରର ସାଂସଦ ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ କହିଛନ୍ତି,‘‘ ଭୋଟ ଗଣତି ଆରମ୍ଭ ହେବା ପରେ ଦେଶେ ସଂଖ୍ୟା 400ରେ ପହଞ୍ଚିବ । ଆମ ଆଶା ଅନୁଯାୟୀ ଓଡିଶାରେ ଦଳର ଲୋକସଭା ଆସନ ସଂଖ୍ୟା ପ୍ରାୟ 15ରୁ ଅଧିକ ହେବ ଏବଂ ଏହା 15-20 ମଧ୍ୟରେ ରହିବ । ଓଡିଶାର ଫଳାଫଳ ସମସ୍ତଙ୍କୁ ଚକିତ କରିବ ।’’

ବ୍ୟୁରୋ ରିପୋର୍ଟ, ଇଟିଭି ଭାରତ