ଆଖଣ୍ଡଳମଣି ପୀଠରେ ଦେବଦମ୍ପତିଙ୍କ ବିବାହ ସମ୍ପନ୍ନ - bhadrak shital sasthi - BHADRAK SHITAL SASTHI
Published : Jun 12, 2024, 1:35 PM IST
SHITAL SASTHI 2024: ଭଦ୍ରକ: ଦେବଦମ୍ପତି ବିବାହ ଉତ୍ସବ ପାଇଁ ଚଳଚଞ୍ଚଳ ବାବା ଆଖଣ୍ଡଳମଣିଙ୍କ ପୀଠ । ବାବା ଆଖଣ୍ଡଳମଣିଙ୍କ ପୀଠରେ ଶିବ ବିବାହ ଅନୁଷ୍ଠିତ ହୋଇଯାଇଛି । ବିବାହ ପାଇଁ ବର ପିତା ଏବଂ କନ୍ୟା ପିତାଙ୍କ ଘରେ ବନ୍ଧୁ ପରିଜନଙ୍କର ଭିଡ଼ ଜମିଥିବାବେଳେ ମାନବୀୟ ଲିଳାରେ ମଣିବାବା ମାତା ପାର୍ବତୀଙ୍କ ପାଣି ଗ୍ରହଣ କରିଥିଲେ । ରୀତିନୀତି ମୁତାବକ ଭୋରରୁ ପହଡ ଖୋଲିବା ପରେ ମଙ୍ଗଳ ଆଳତୀ ସମ୍ପନ୍ନ ହେବା ପରେ ମହାସ୍ନାନ, ଘର୍ଷଣଲାଗି, ଜଳ ଲାଗି କରାଯାଇ ଦିଗମ୍ବର ବେଶରେ ସଜ୍ଜିତ କରାଯାଇ ପହିଲି ବାଲ୍ୟ ଭୋଗ ଲାଗି କରାଯାଇଥିଲା । ପରେ ପହଡଖିଆ ଅନ୍ନନୀତି ଲାଗି ହେବା ସହ ବାବାଙ୍କୁ ବରଣ କରିବା ପାଇଁ ପାର୍ବତୀ ଭାଇ ସାଜିଥିବା ପବନ ପୁତ୍ର ହନୁମାନ ବରଧରା ବେଶରେ ଗମନ କରିଥିଲେ ବର ପିତାଙ୍କ ଘରକୁ । ବାଜା, ବାଣ, ରୋଷଣୀରେ ପ୍ରକମ୍ପିତ ହୋଇଥିଲା ଶୋଭାଯାତ୍ରା ।
ଏହି ଅବସରରେ ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ବାଦ୍ୟ ଏବଂ ନୃତ୍ୟ ଶିଳ୍ପୀ ମଣ୍ଡଳୀ ଯୋଗ ଦେଇଥିଲେ । ଏଥିସହ ଘଣ୍ଟ, ବାଦ୍ୟ ଏବଂ ସଂକୀର୍ତ୍ତନ ମଣ୍ଡଳୀଙ୍କ ନୃତ୍ୟରେ ଉତ୍ସବମୁଖର ହୋଇ ଉଠିଥିଲା । ତେବେ ଗ୍ରାମ ଦେବତୀଙ୍କ ପାଖରେ ଦିଅଁ ମଙ୍ଗୁଳା କାର୍ଯ୍ୟ ସମ୍ପନ୍ନ ହେବା ପରେ ରାତିରେ ବିଶାଳ ଶୋଭାଯାତ୍ରା ସହ ବରାନୁଗମନ କାର୍ଯ୍ୟକ୍ରମ ଶେଷ ହୋଇଥିଲା ।
ଏହା ମଧ୍ୟ ପଢନ୍ତୁ .....ବିବାହ କରି ମନ୍ଦିରକୁ ବାହୁଡିଲେ ଭୋଳାନାଥ, ଚତୁର୍ଦ୍ଦିଗ ଉତ୍ସବମୁଖର - BOUDH SHITAL SASTHI
ଇଟିଭି ଭାରତ, ଭଦ୍ରକ