ମା' ବିରଜାଙ୍କ ସ୍ୱନକ୍ଷତ୍ର, ସାବିତ୍ରୀ ବେଶରେ ଦେଲେ ଦର୍ଶନ - SAVITRI BESHA OF MAA BIRAJA

Maa Biraja Savitri Besh ଯାଜପୁର: ଆଜି ପବିତ୍ର ତ୍ରିବେଣୀ ଅମାବାସ୍ୟା । ଏହି ଅବସରରେ ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ସ୍ୱନକ୍ଷତ୍ର ତଥା ଜନ୍ମୋତ୍ସବ ପାଳିତ ହେଉଛି । ପରମ୍ପରା ଅନୁଯାୟୀ, ସମସ୍ତ କାର୍ଯ୍ୟ ସ୍ଥିର କରାଯାଇଥିବାବେଳେ ସାଧାରଣ ଭକ୍ତଙ୍କ ଦର୍ଶନ ପାଇଁ ବ୍ୟାପକ ବ୍ୟବସ୍ଥା କରାଯାଇଛି । ବ୍ରହ୍ମମୁହୂର୍ତ୍ତ ଦେବୀଙ୍କ ନିତ୍ୟସ୍ନାନ ଓ ବେଶ କାର୍ଯ୍ୟ ସରିବା ପରେ ଦେବୀଙ୍କୁ ସ୍ୱନକ୍ଷତ୍ର ବିହିତ ମହାସ୍ନାନ କରାଯାଇଛି । 

ଏହା ବି ପଢନ୍ତୁ...ସଂଗମ ନଗରୀରେ ବିଦେଶୀ ପକ୍ଷୀଙ୍କ ସମାଗମ, ପ୍ରୟାଗରାଜକୁ ଛୁଟୁଛନ୍ତି ପର୍ଯ୍ୟଟକ

ଏହା ବି ପଢନ୍ତୁ...ବିରଜା ପରିକ୍ରମା ପ୍ରକଳ୍ପ ଓ ହାଟ ବିବାଦ, ଜିଲ୍ଲା ପ୍ରଶାସନ ପକ୍ଷରୁ ମତାମତ ଗ୍ରହଣ

ସ୍ନାନ ପରେ ସାବିତ୍ରୀ ବେଶରେ ଶ୍ରଦ୍ଧାଳୁମାନଙ୍କୁ ଦର୍ଶନ ଦେଇଛନ୍ତି ମା' ବିରଜା । ପରେ ସିଂହାସନ ଉପରେ ଷୋଡଶ ଉପଚାରରେ ପୂଜାବିଧି କରାଯାଇଛି । ଆଜିର ଦିନରେ ଶ୍ରଦ୍ଧାଳୁମାନେ ମନ୍ଦିର ଆସି ମା'ଙ୍କୁ ଦର୍ଶନ କରିଛନ୍ତି ।  ଶୃଙ୍ଖଳିତ ଦର୍ଶନ ପାଇଁ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ମନ୍ଦିରକୁ ଫୁଲରେ ସଜାଯାଇଛି । ଏହାସହ ଆଲୋକମାଳାରେ ଝଲସୁଛି ମନ୍ଦିର ପରିସର ।

ଇଟିଭି ଭାରତ, ଯାଜପୁର