ପ୍ୟାରିସ ଅଲିମ୍ପିକ୍ସ 2024; କମାଲ କଲେ ମନୁ ଓ ସରବଜୋତ ଯୋଡ଼ି, ସ୍ୟାଣ୍ଡ ଆନିମେସନରେ ଶୁଭେଚ୍ଛା - Sand Animation For Olympian - SAND ANIMATION FOR OLYMPIAN
Published : Aug 1, 2024, 4:04 PM IST
ବ୍ରହ୍ମପୁର: ପ୍ୟାରିସ ଅଲିମ୍ପିକ୍ସରେ 10 ମିଟର ଏୟାର ପିସ୍ତଲ ଯୁଗଳ ବର୍ଗ ଇଭେଣ୍ଟରେ ଭାରତର ଷ୍ଟାର ସୁଟର ମନୁ ଭାକର ଏବଂ ସରବଜୋତ ସିଂହ ବ୍ରୋଞ୍ଜ ପଦକ ଜିତିଛନ୍ତି । ଏହାସହିତ ଭାରତକୁ ମିଳିଛି ଦ୍ବିତୀୟ ପଦକ । ଏହି ଅବସରରେ ବିଜେତା ମନୁ ଭାକର ଓ ସରବଜୋତଙ୍କୁ ସ୍ୟାଣ୍ଡ ଆନିମେସନରେ ଶୁଭେଚ୍ଛା ଜଣାଇଛନ୍ତି ବ୍ରହ୍ମପୁର ସହରର ବାଲୁକା ଶିଳ୍ପୀ ସତ୍ୟ ମହାରଣା । ବାଲିରେ ମନୁ ଓ ସରବଜୋତଙ୍କ ଫଟୋଚିତ୍ର ଆଙ୍କିଛନ୍ତି ।
ଏହା ବି ପଢନ୍ତୁ- ଅଲିମ୍ପିକ୍ସ ବିଜେତା ମନୁ ଓ ସରବଜୋତଙ୍କୁ ବାଲୁକାକଳାରେ ଶୁଭେଚ୍ଛା
ଗତ ମଙ୍ଗଳବାର ପ୍ୟାରିସ ଅଲିମ୍ପିକ୍ସରେ ଦକ୍ଷିଣ କୋରିଆକୁ ୧୬–୧୦ରେ ପରାସ୍ତ କରି 10 ମିଟର ଏୟାର ପିସ୍ତଲ ଯୁଗଳ ବର୍ଗ ଇଭେଣ୍ଟରେ ଭାରତର ଷ୍ଟାର ସୁଟର ମନୁ ଭାକର ଏବଂ ସରବଜୋତ ସିଂହ ବ୍ରୋଞ୍ଜ ପଦକ ଜିତିଥିଲେ । ମନୁ ଭାକର ଏହା ପୂର୍ବରୁ ମହିଳାଙ୍କ ୧୦ ମିଟର ଏୟାର ପିସ୍ତଲ ଇଭେଣ୍ଟରେ ବ୍ରୋଞ୍ଜ ପଦକ ସହିତ ପ୍ୟାରିସ ଅଲିମ୍ପିକ୍ସରେ ଭାରତର ଖାତା ଖୋଲିଥିଲେ । ଏଥିଲାଗି ଦେଶର ଏଭଳି ସଫଳତାକୁ ନେଇ ସତ୍ୟ ବାଲୁକା କଳା ମାଧ୍ୟମରେ ଦୁଇ ପ୍ରତିଭାକୁ ଶୁଭେଚ୍ଛା ଜଣାଇଛନ୍ତି ।
ଇଟିଭି ଭାରତ, ବ୍ରହ୍ମପୁର