ପାଲଲହଡାରେ ଶୋଭାଯାତ୍ରା କରି ନାମାଙ୍କନ ଦାଖଲ କଲେ ବିଜେପି ପ୍ରାର୍ଥୀ - PALLAHARA ASSEMBLY CONSTITUENCY
Published : May 4, 2024, 10:33 PM IST
Pallahara BJP MLA Candidate: ଅନୁଗୋଳ: ଜିଲ୍ଲାର ପାଲଲହଡା ନିର୍ବାଚନ ମଣ୍ଡଳୀରେ ଦମ ଦେଖାଇଛି ବିଜେପି । ବିଜେପି ପ୍ରାର୍ଥୀ ଅଶୋକ ମହାନ୍ତି ଆଜି ପାଲଲହଡା ନିର୍ବାଚନ ମଣ୍ଡଳୀ ପାଇଁ ଦଳ ପକ୍ଷରୁ ପ୍ରାର୍ଥୀପତ୍ର ଦାଖଲ କରିଥିବା ବେଳେ ଏକ ବିରାଟ ପଟୁଆରରେ ପାଲଲହଡା ସହର ପରିକ୍ରମା କରିଥିଲେ । ଆଜି ଅନୁଗୋଳ ଜିଲ୍ଲାର ପାଲଲହଡା ନିର୍ବାଚନ ମଣ୍ଡଳୀ ପାଇଁ ଦୁଇ ପ୍ରତିଦ୍ବନ୍ଦୀ ଦଳ ବିଜେପି ଓ ବିଜେଡି ଦଳର ପ୍ରାର୍ଥୀ ମାନେ ନିଜର ଶକ୍ତି ପ୍ରଦର୍ଶନ କରିଛନ୍ତି । ଗତକାଲି ଏହି ନିର୍ବାଚନ ମଣ୍ଡଳୀ ପାଇଁ ବିଜେଡି ସେଠାକାର ବିଧାୟକ ମୁକେଶ ପାଲ ଶକ୍ତି ପଦର୍ଶନ କରିଥିବା ବେଳେ ଆଜି ନିଜର ଶକ୍ତି ଦେଖାଛନ୍ତି ବିଜେପି ପ୍ରାର୍ଥୀ ଅଶୋକ ମହାନ୍ତି । ଅଶୋକ ମହାନ୍ତି ଆଜି ପାଟୁଆରରେ ଯାଇ ନିଜ ନିଜର ପ୍ରାର୍ଥୀପତ୍ର ଦାଖଲ କରିଛନ୍ତି ।
ଏହା ମଧ୍ୟ ପଢନ୍ତୁ ... ଢେଙ୍କାନାଳରେ ଷଷ୍ଠ ଦିନରେ ନାମାଙ୍କନ ଭରିଲେ 7 ସ୍ବାଧୀନ ପ୍ରାର୍ଥୀ - MLA Candidates File Nomination
ସେ ପାଲଲହଡାର ଶିବ ମନ୍ଦିରରେ ପୂଜାର୍ଚ୍ଚନା ପରେ ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ ସେଠାରେ ନିଜର ପ୍ରାର୍ଥୀପତ୍ର ଦାଖଲ କରିଛନ୍ତି । ଏକ ବିରାଟ ପଟୁଆରରେ ଅଶୋକ ପୁରା ସହର ପରିକ୍ରମା କରିଥିଲେ । ତାଙ୍କ ଶୋଭାଯାତ୍ରାରେ ଦଳୀୟ କର୍ମକର୍ତ୍ତା ଓ ସ୍ଥାନୀୟ ଲୋକପ୍ରତିନିଧି ମାନେ ସାମିଲ ଥିଲେ । ତେବେ ପ୍ରାର୍ଥୀପତ୍ର ଦାଖଲ ଅବସରରେ ଅଶୋକ କହିଛନ୍ତି ଯେ ଲୋକେ ଯେଉଁ ବିଶ୍ବାସ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ରଖିଛନ୍ତି ତାକୁ ସେ କାମରେ କରି ଦେଖାଇବେ । ପାଲଲହଡା ଅଞ୍ଚଳର ସାମଗ୍ରିକ ଉନ୍ନତି ହୋଇନାହିଁ । ସ୍ଥାନୀୟ ବିଧାୟକ କେବଳ ଠିକାଦାର ପୋଷିବା ପାଇଁ ପିସି ନେଇ କାମ କରିଛନ୍ତି । ତେଣୁ ଲୋକେ ମୋଦିଜୀ ଓ ଧର୍ମେନ୍ଦ୍ର ପ୍ରଧାନ ଉପରେ ଏଥର ଭରସା ରଖି ତାଙ୍କୁ ଜିତାଇବେ ।
ଇଟିଭି ଭାରତ, ଅନୁଗୋଳ