ବିଧାନସଭା ବଜେଟ ଅଧିବେଶନ, ଦେଖନ୍ତୁ LIVE

ଭୁବନେଶ୍ୱର: ସୋମବାରଠାରୁ ବିଧାନସଭା ବଜେଟ ଅଧିବେଶନ ଆରମ୍ଭ ହୋଇଛି । ଆଜି ଅଧିବେଶନର ପଞ୍ଚମ ଦିନ । ଦିନ 10ଟା 30ରୁ ଆରମ୍ଭ ହୋଇଛି ଗୃହ କାର୍ଯ୍ୟ । ବିଧାନସଭା ଅଧିବେଶନର ପ୍ରଥମ ଦିନରେ ଅଭିଭାଷଣ ରଖି ରାଜ୍ୟପାଳ ରଘୁବର ଦାସ ପରିକ୍ରମା ପ୍ରକଳ୍ପର ଲୋକାର୍ପଣ ଉପରେ ମତ ରଖିଥିଲେ । ଦ୍ୱିତୀୟ ଦିନରେ ସମସ୍ତ ଗ୍ରାମକୁ ପାଣି ଯୋଗାଣ ନେଇ ମତ ରଖିଥିଲେ ମନ୍ତ୍ରୀ ଅମାତ । ତୃତୀୟ ଦିନରେ ରାଜ୍ୟପାଳଙ୍କ ଅଭିଭାଷଣ ଉପରେ ଆଗତ ଧନ୍ୟବାଦ ପ୍ରସ୍ତାବ ଆଲୋଚନାର ଉତ୍ତର ରଖି ବିରୋଧୀଙ୍କୁ ସିଧା ନିଶାନା କରିଥିଲେ ମୁଖ୍ୟମନ୍ତ୍ରୀ । ଗୁରୁବାର ଚତୁର୍ଥ ଦିନରେ 2024-25 ଆର୍ଥିକ ବର୍ଷ ପାଇଁ କାମଚଳା ବଜେଟ ବିଧାନସଭାରେ ଆଗତ କରିଥିଲେ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ । ବଜେଟ ଆଗତ କରିବା ପୂର୍ବରୁ ଅର୍ଥମନ୍ତ୍ରୀ ବାଚସ୍ପତି ଓ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । 1 ଲକ୍ଷ 18 ହଜାର କୋଟିର କାମଚଳା ବଜେଟ ଉପସ୍ଥାପନା କରିଥିଲେ ଅର୍ଥମନ୍ତ୍ରୀ ।