ସାଇକେଲ ଚଲାଇ ନାମାଙ୍କନ ଭରିବାକୁ ଗଲେ ସିଦ୍ଧାର୍ଥ ରାଉତରାୟ - Sidharth Routray File Nomination
Published : May 10, 2024, 11:35 AM IST
Sidharth Routray to File Nomination ନିମାପଡା: ଆଜି ନାମାଙ୍କନ ଭରିବେ କଂଗ୍ରେସ ପ୍ରାର୍ଥୀ ସିଦ୍ଧାର୍ଥ ରାଉତରାୟ । ତେବେ ପ୍ରାର୍ଥୀପତ୍ର ଦାଖଲ କରିବା ସମୟରେ ସବୁ ପ୍ରାର୍ଥୀ ବିଶାଳ ରାଲି କରି ଯାଉଥିବା ବେଳେ ନିଆରା ଢଙ୍ଗରେ ନାମାଙ୍କନ ପତ୍ର ଦାଖଲ କରିବାକୁ ବାହାରିଛନ୍ତି ସିଦ୍ଧାର୍ଥ । ନିମାପଡ଼ା ହରିପୁର ବଜାରରୁ ନିଜେ ସାଇକେଲ ଚଳାଇ କର୍ମୀମାନଙ୍କ ସହିତ ନାମାଙ୍କନ ପାଇଁ ପୁରୀ ଅଭିମୁଖେ ଯାତ୍ରା କରିଛନ୍ତି । ଆଜି ନିମାପଡ଼ା ଆସନ ପାଇଁ ସିଦ୍ଧାର୍ଥ ରାଉତରାୟ କଂଗ୍ରେସ ଦଳ ପକ୍ଷରୁ ନାମାଙ୍କନ ପତ୍ର ଦାଖଲ କରିବେ । ଆଇରନ ମ୍ୟାନ ଭାବରେ ପରିଚିତ ସିଦ୍ଧାର୍ଥ ନିମାପଡ଼ା ରାଜନୀତିରେ ପାଦ ଥାପିବା ଦିନଠାରୁ ସାଇକେଲରେ ବିଭିନ୍ନ ପଞ୍ଚାୟତ ବୁଲି ଲୋକମାନଙ୍କ ପାଖରେ ପହଞ୍ଚୁଥିବା ବେଳେ ଆଜି ନାମାଙ୍କ ପତ୍ର ଦାଖଲ କରିବାକୁ ମଧ୍ୟ ସାଇକେଲରେ ବାହାରିଛନ୍ତି । ଦୁର୍ନୀତି ଭଷ୍ଟାଚାର ବିରୋଧରେ ନିମାପଡ଼ା ଭୋଟର ତାଙ୍କ ସପକ୍ଷରେ ମତଦାନ କରିବେ ବୋଲି ଆଶାବାଦୀ ଅଛନ୍ତି ସିଦ୍ଧାର୍ଥ ରାଉତରାୟ । ନାମାଙ୍କନ ପାଇଁ ବାହାରିବା ପୂର୍ବରୁ ସିଦ୍ଧାର୍ଥ କହିଛନ୍ତି, "ବଦଳିବ ଓଡ଼ିଶା ବଦଳିବ ନିମାପଡା । ପ୍ରଥମେ ଚାଷୀର ଆୟ ବୃଦ୍ଧି ପାଇବ । ସବୁ କ୍ଷେତ୍ରରେ ଓଡ଼ିଶା ପଛୁଆ ରହିଛି । ଆମେ ଉନ୍ନତି ପାଇଁ ଚେଷ୍ଟା କରିବା । ଖରାରେ କାହାକୁ ହଇରାଣ କରିବି ନାହିଁ, ତେଣୁ ସାଇକେଲରେ ବାହାରିଲି ।"
ଏହା ମଧ୍ୟ ପଢନ୍ତୁ: ନିମାପଡ଼ାରେ କଂଗ୍ରେସର ଶକ୍ତି ପ୍ରଦର୍ଶନ, କର୍ମୀ ସମ୍ମିଳନୀରେ ରୋଡମ୍ୟାପ୍ ତିଆରି କଲେ ପ୍ରାର୍ଥୀ - Congress Workers Meeting
ଇଟିଭି ଭାରତ, ନିମାପଡା