ଶୋଭାଯାତ୍ରାରେ ଆସି ନାମାଙ୍କନ ଭରିଲେ ବିଜେଡ଼ି ବିଧାୟକ ପ୍ରାର୍ଥୀ ପ୍ରମୋଦ ମଲ୍ଲିକ - Pramod Mallick Files Nomination
Published : May 8, 2024, 8:49 PM IST
Niali BJD Candidate File Nomination: କଟକ: ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଆରମ୍ଭ ହୋଇଯାଇଛି ନାମାଙ୍କନ ଦାଖଲ ପ୍ରକ୍ରିୟା । ଆସନ୍ତା ଜୁନ 1 ତାରିଖ ଦିନ କଟକ ଜିଲ୍ଲା ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ସାଲେପୁର ମାହାଙ୍ଗା ଏବଂ ନିଆଳି ବିଧାନସଭା ଆସନ ପାଇଁ ମତଦାନ ହେବାକୁ ଯାଉଛି । ସେହି ପରିପ୍ରେକ୍ଷୀରେ ଆଜି କଟକ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ପ୍ରାର୍ଥୀ ପତ୍ର ଦାଖଲ ଆରମ୍ଭ ହୋଇଛି । ନିଆଳି ବିଧାନସଭା ଆସନ ପାଇଁ ବିଧାୟକ ଡ଼ଃ. ପ୍ରମୋଦ ମଲ୍ଲିକ ବିଜେଡି ଦଳରୁ ପୁଣିଥରେ ନିଆଳି ବିଧାନସଭା ପାଇଁ ପ୍ରାର୍ଥୀ ହୋଇ ନାମାଙ୍କନ ପତ୍ର ଦାଖଲ କରିଛନ୍ତି ।
ପ୍ରମୋଦ ନାମାଙ୍କନ ପତ୍ର ଦାଖଲ କରିବା ପାଇଁ ଏକ ବିଶାଳ ଶୋଭାଯାତ୍ରାରେ ତାଙ୍କ ସମର୍ଥକ ମାନଙ୍କ ସହ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଥିଲେ l ନାମାଙ୍କନ ଦାଖଲ ପରେ ସେ ତାଙ୍କ ପ୍ରତିକ୍ରିୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅଶେଷ ଧନ୍ୟବାଦ ଦେଇଛନ୍ତି l ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ଆଉ ଥରେ ମୋ ଉପରେ ବିଶ୍ୱାସ ରଖି ମୋତେ ଆଉ ଥରେ ନିଆଳି ନିର୍ବାଚନ ମଣ୍ଡଳୀରେ ନିଆଳିବାସୀଙ୍କ ପାଇଁ କାମ କରିବାକୁ ସୁଯୋଗ ଦେଇଛନ୍ତି l ମୁଁ ସଦାସର୍ବଦା ନିଆଳିବାସୀଙ୍କ ପାଇଁ ଅଛି ଏବଂ ରହିଥିବି ମଧ୍ୟ । ନିଆଳିବାସୀ ମଧ୍ୟ ମୋତେ ସେତିକି ଭଲପାଇବା ଏବଂ ଆଶୀର୍ବାଦ ମୋ ଉପରେ ରଖିଛନ୍ତି ଯାହା ପାଇଁ ମୁଖ୍ୟମନ୍ତ୍ରୀ ମୋତେ ଆଉ ଥରେ ନିଆଳିବାସୀଙ୍କ ପାଇଁ କାମ କରିବାକୁ ସୁଯୋଗ ଦେଲେ l ବିଜୁ ଜନତା ଦଳ କଥାରେ ନୁହେଁ କାମରେ ବିଶ୍ୱାସ ରଖେ ସେଥିପାଇଁ ସାରା ଓଡିଶାବାସୀ 5 ବର୍ଷ ହେବ ଗୋଟେ ଲୋକଙ୍କୁ ଏବଂ ଗୋଟିଏ ଦଳକୁ ବାଛୁଛନ୍ତି l ମୋର ବିଶ୍ୱାସ ଏଥିର ନିର୍ବାଚନରେ ମଧ୍ୟ ବିଜେଡ଼ି କେବଳ ନିଆଳିରୁ ନୁହେଁ ପୁରା ଓଡିଶାରୁ ଏକ ତାରଫା ଭାବେ ଜିତି ସରକାର ଗଠନ କରିବେ ବୋଲି କହିଛନ୍ତି ନିଆଳି ବିଜେଡି ବିଧାୟକ ପାର୍ଥୀ ଡ଼ଃ. ପ୍ରମୋଦ ମଲ୍ଲିକ l
ଇଟିଭି ଭାରତ, କଟକ