ବାଲେଶ୍ୱରରେ ଭୋଟ ଗଣତି ଆରମ୍ଭ - Odisha election results 2024
Published : Jun 4, 2024, 9:26 AM IST
Balasore Vote counting: ବାଲେଶ୍ୱର: ଆରମ୍ଭ ହୋଇଯାଇଛି ଭୋଗ ଗଣତି । ବିଭିନ୍ନ ଦଳର ଏଜେଣ୍ଟମାନେ ଗଣତି ପ୍ରକ୍ରିୟା ପାଇଁ ସକାଳ ସମୟରେ ଗଣତି କେନ୍ଦ୍ରରେ ପହଞ୍ଚିଛନ୍ତି । ବାଲେଶ୍ୱର ଜିଲ୍ଲାରେ ଚାରୋଟି ଗଣତି କେନ୍ଦ୍ର ହୋଇଥିବା ବେଳେ ଲୋକସଭା ପାଇଁ 88 ଏବଂ ବିଧାନ ସଭା ପାଇଁ 88ଟି ଇଭିଏମ ଟେବୁଲ ହୋଇଛି । ଏହାସହ ପୋଷ୍ଟାଲ ବାଲଟ ପାଇଁ 52ଟି ଟେବୁଲ କରାଯାଇଛି ।
ବାଲେଶ୍ୱର ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଲୋକସଭା ପାଇଁ ଗଣତି ହେବାସହ ସଦର, ରେମୁଣା ଏବଂ ବସ୍ତା ନିର୍ବାଚନ ମଣ୍ଡଳୀ ପାଇଁ ଗଣତି ଜାରି ରହିଛି । ସେହିପରି ରେମୁଣା ଡିଗ୍ରୀ କଲେଜରେ ସୋର ଏବଂ ସିମୁଳିଆ ନିର୍ବାଚନ ମଣ୍ଡଳୀ ପାଇଁ ଗଣତି କରାଯାଉଛି । ଏହାସହ ସରକାରୀ ଆଇଟିଆଇରେ ଜଳେଶ୍ୱର, ଭୋଗରାଇ ପାଇଁ ଏବଂ ନୀଳଗିରି ଠାରେ ନୀଳଗିରି ନିର୍ବାଚନ ମଣ୍ଡଳୀ ପାଇଁ ଗଣତି ପ୍ରକ୍ରିୟା ଜାରି ରହିଛି । ସେହିପରି ଗଣତି କାର୍ଯ୍ୟ ସୁଚାରୁ ରୁପେ ପରିଚାଳନା ପାଇଁ ଟେବୁଲ ବ୍ୟବସ୍ଥା କରାଯାଇଛି । ପ୍ରଥମେ ପୋଷ୍ଟାଲ ବାଲଟ ପରେ ଇଭିଏମ ଗଣତି ପ୍ରକ୍ରିୟା ଆରମ୍ଭ ହୋଇଛି ।
ଇଟିଭି ଭାରତ, ବାଲେଶ୍ୱର