କଟକରେ ବୁଲେଟ ରାଣୀ ରାଜଲକ୍ଷ୍ମୀ ମାଣ୍ଡା - Bulletrani In Cuttack - BULLETRANI IN CUTTACK
Published : Mar 24, 2024, 2:09 PM IST
Bullet Raani Rajalakshmi Manda: କଟକ: ଭୋଟ ଫର ନେସନ ବାର୍ତ୍ତା ନେଇ କଟକରେ ପହଞ୍ଚିଲେ ରାଜଲକ୍ଷ୍ମୀ ମାଣ୍ଡା। 12 ଫେବୃଆରୀରେ ତାମିଲନାଡୁର ମଦୁରାଇରୁ ବାଇକ ଯୋଗେ ଯାତ୍ରା ଆରମ୍ଭ କରିଥିବା ରାଜଲକ୍ଷ୍ମୀ ଠିକ 40 ଦିନ ମଧ୍ୟରେ କଟକରେ ପହଞ୍ଚିଛନ୍ତି । କଟକରେ ପହଞ୍ଚିବା ପରେ ତାଙ୍କୁ ବିଜେପି ପକ୍ଷରୁ ଭବ୍ୟ ସ୍ୱାଗତ କରାଯାଇଥିଲା । କର୍ପୋରେଟର ଗଗନ ଓଝା ଓ ଲକ୍ଷ୍ମୀଧର ବେହେରା ଓ ଅନ୍ୟକର୍ମୀମାନେ ରାଜଲକ୍ଷ୍ମୀଙ୍କୁ ଫୁଲମାଳ ଦେଇ ସ୍ୱାଗତ କରିଥିଲେ ।
ବିଜେପି ସରକାରଙ୍କୁ ଆଗାମୀ ନିର୍ବଚନରେ 400 ପାର କରେଇବା ପାଇଁ ଏହି ଯାତ୍ରା ଆରମ୍ଭ ହୋଇଥିବା କହିଛନ୍ତି ରାଜଲକ୍ଷ୍ମୀ । ଏଯାବତ 15 ରାଜ୍ୟରେ ବୁଲି ଏହି ବାର୍ତ୍ତା ବାଣ୍ଟିବେ ସେ । ଭାରତକୁ ଆହୁରି ବିକାଶ ଓ ବିଶ୍ୱ ଗୁରୁ କରିବା ପାଇଁ ମୋଦିଙ୍କୁ ଭୋଟ ଦେବା ପାଇଁ ଲୋକଙ୍କୁ ନିବେଦନ କରୁଛନ୍ତି ଏହି ବୁଲେଟ ରାଣୀ । ଏହାସହ ରାଜଲକ୍ଷ୍ମୀଙ୍କ କଟକ ଗସ୍ତରେ ବେଶ ଉତ୍ସାହିତ ରହିଛନ୍ତି ବିଜେପି କର୍ମୀ । ସେ ତାମିଲନାଡୁରୁ ଯାତ୍ରା ଆରମ୍ଭ କରିବା ପରେ ଆନ୍ଧ୍ରପ୍ରଦେଶ, ତେଲେଙ୍ଗାନା,ଗୋଆ ମହାରାଷ୍ଟ୍ର , ଛତିଶଗଡ଼ ପରେ ଓଡ଼ିଶାରେ ପହଞ୍ଚିଥିଲେ ରାଜଲକ୍ଷ୍ମୀ । ଆଉ ଆଜି କଟକରେ ପହଞ୍ଚି ବିଜେପିର ମନୋବଳ ବୃଦ୍ଧି କରିବା ସହ କେନ୍ଦ୍ରରେ ଆଉ ଥରେ ବିଜେପି ସରକାର ଗଠନ କରିବା ନେଇ ନାରାବାଜି କରିଥିଲେ । ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ଆଶୀର୍ବାଦ ନେଇଥିଲେ ସେ ଯାହା ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା।
ଏହା ମଧ୍ୟ ପଢନ୍ତୁ- ଆଜି ଓଡ଼ିଶା ପାଇଁ ଘୋଷଣା ହୋଇପାରେ ବିଜେପିର ପ୍ରାର୍ଥୀ ତାଲିକା: ସମ୍ବଲପୁରରୁ ଧର୍ମେନ୍ଦ୍ର, ପୁରୀରୁ ସମ୍ବିତ ଲଢିବା ଚର୍ଚ୍ଚା
ଇଟିଭି ଭାରତ, କଟକ