ପ୍ରଥମ ପର୍ଯ୍ୟାୟର ନିର୍ବାଚନ ପାଇଁ ଶେଷ ପର୍ଯ୍ୟାୟ ପ୍ରଚାର, ଗୋପାଳପୁରରେ ବିଜେଡିର ଜୋରଦାର ପ୍ରଚାର - BJD Election Campaign In Gopalpur
Published : May 10, 2024, 10:42 PM IST
BJD Election Campaign In Gopalpur ବ୍ରହ୍ମପୁର: ରାଜ୍ୟରେ ପ୍ରଥମ ପର୍ଯ୍ୟାୟ ମତଦାନ ପାଇଁ ଶେଷ ପର୍ଯ୍ୟାୟରେ ପହଞ୍ଚିଲାଣି ପ୍ରଚାର । ଏହି ଅବସରରେ ଗଞ୍ଜାମ ଜିଲ୍ଲାର ଗୋପାଳପୁର ବିଧାନସଭା ନିର୍ବାଚନ ମଣ୍ଡଳୀରେ ବିଜେଡି ପ୍ରଚାର ଏକପ୍ରକାର ସରଗରମ ହୋଇଥିବା ଦେଖିବାକୁ ମିଳିଛି । ଦଳୀୟ ନେତୃବୃନ୍ଦ ଓ କର୍ମୀଙ୍କୁ ନେଇ ଶେଷ ପର୍ଯ୍ୟାୟରେ ପ୍ରଚାର କରୁଛନ୍ତି ବିଜେଡି ବାଧାୟକ ପ୍ରାର୍ଥୀ ବିକ୍ରମ କୁମାର ପଣ୍ଡା । ଆଉ ଏହି ପ୍ରଚାରରେ ସାମିଲ ହେଉଛନ୍ତି ଦଳର ସମସ୍ତ କର୍ମକର୍ତ୍ତାଙ୍କ ଠାରୁ ଆରମ୍ଭ କରି କର୍ମୀ ଏବଂ ଅଞ୍ଚଳ ବାସିନ୍ଦା ।
ନିର୍ବାଚନ ଯେତେ ପାଖେଇ ଆସୁଛି ଗୋପାଳପୁର ନିର୍ବାଚନ ମଣ୍ଡଳୀରେ ଦିନକୁ ଦିନ ଜମୁଛି ବିଜୁ ଜନତା ଦଳର ପ୍ରଚାର । ହାତରେ ବହୁତ୍ କମ୍ ସମୟ ରହିଥିବାରୁ ବିଭିନ୍ନ ପଞ୍ଚାୟତ ଠାରୁ ଆରମ୍ଭ କରି ବ୍ରହ୍ମପୁର ମହାନଗର ନିଗମର ଗୋପାଳପୁର ନିର୍ବାଚନ ମଣ୍ଡଳୀରେ ରହିଥିବା ଛଅଟି ୱାର୍ଡରେ ପରିକ୍ରମା କରି ନିଜର ପ୍ରଚାର କରୁଛନ୍ତି ବିକ୍ରମ କୁମାର ପଣ୍ଡା । ଗୋପାଳପୁର ବିଧାନସଭା ନିର୍ବାଚନ ମଣ୍ଡଳୀରେ ବିଜେଡି ପ୍ରଚାର ବେଶ ଜମୁଥିବା ବେଳେ ଏନେଇ ଇଟିଭି ଭାରତକୁ ସ୍ବତନ୍ତ୍ର ସାକ୍ଷାତକାର ଦେଇଛନ୍ତି ବିଧାୟକ ପ୍ରାର୍ଥୀ ବିକ୍ରମ କୁମାର ପଣ୍ଡା ।
ଇଟିଭି ଭାରତ, ବ୍ରହ୍ମପୁର