ନୂଆବର୍ଷରେ ଲଞ୍ଚ ହେବ OnePlus 13 ସ୍ମାର୍ଟଫୋନ; ମିଳିପାରେ ଏହି ଫିଚର

ୱାନପ୍ଲସ ଏହାର ଲାଟେଷ୍ଟ ଫ୍ଲାଗସିପ୍‌ OnePlus 13 ସ୍ମାର୍ଟଫୋନକୁ ଜାନୁଆରୀ 2025ରେ ଲଞ୍ଚ କରିବାକୁ ଯୋଜନା କରୁଛି । ଏଥିରେ କେଉଁ ଫିଚର ରହିବ ଓ ଦାମ କେତେ ?

ହାଇଦ୍ରାବାଦ: ଚାଇନିଜ ସ୍ମାର୍ଟଫୋନ ନିର୍ମାତା କମ୍ପାନୀ ୱାନପ୍ଲସ ଏହାର ଲାଟେଷ୍ଟ ଫ୍ଲାଗସିପ ୱାନପ୍ଲସ-13କୁ ବିଶ୍ବସ୍ତରରେ ଜାନୁଆରୀ 2025ରେ ଲଞ୍ଚ କରିବ । ଏହାର ପ୍ରତିଦ୍ବନ୍ଦ୍ବୀ ସ୍ମାର୍ଟଫୋନ କୁହାଯାଉଥିବା iQOO 13କୁ ଚୀନ ପରେ ଆଜି ଭାରତରେ ଲଞ୍ଚ କରାଯାଇଛି । ଆସନ୍ତା ମାସରେ ୱାନପ୍ଲସ 13 ଲଞ୍ଚ ହୋଇ ଏହି ଫୋନକୁ କଡା ଟକ୍କର ଦେଇପାରେ । ତେବେ ଲଞ୍ଚ ହେବା ପୂର୍ବରୁ ୱାନପ୍ଲସ 13କୁ ନେଇ କିଛି ତଥ୍ୟ ଲିକ୍‌ ହୋଇଛି ।

OnePlus 13: ଲଞ୍ଚ୍‌ ତାରିଖ

ଚୀନରେ ୱାନପ୍ଲସ 13 କ୍ବାଲକମର ସ୍ନାପଡ୍ରାଗନ 8 ଏଲିଟ୍‌ ଚିପ୍‌ ସହିତ ଅକ୍ଟୋବର2024ରେ ଲଞ୍ଚ ହୋଇସାରିଛି । 2025 ଜାନୁଆରୀରେ ଏହା ବିଶ୍ବ ବଜାର ଲଞ୍ଚ ହୋଇପାରେ । କମ୍ପାନୀର 'R' ସିରିଜ ସ୍ମାର୍ଟଫୋନ OnePlus 13R ସହିତ ୱାନପ୍ଲସ 13କୁ ବିଶ୍ବ ବଜାରରେ ଲଞ୍ଚ କରାଯିବାର ସମ୍ଭାବନା ରହିଛି । ଚୀନରେ OnePlus 13R ସ୍ମାର୍ଟଫୋନ 'OnePlus Ace 5' ନାଁରେ ଲଞ୍ଚ ହେବ ।

ଏହା ବି ପଢନ୍ତୁ

OnePlus 13: କଣ ଆଶା କରାଯିବ ?

ଡିସପ୍ଲେ: OnePlus 13ର ଚାଇନିଜ୍ ଭାରିଏଣ୍ଟ କ୍ବାଡ୍ କଭର୍ଡ ଗ୍ଲାସ ସୁରକ୍ଷା ସହିତ 6.82 ଇଞ୍ଚ AMOLED ଡିସପ୍ଲେ ସହିତ ଆସିପାରେ । ଏହା ଏକ 3168x1440 ରିଜୋଲୁସନ ଏବଂ ସୁଗମ ଭିଜୁଆଲ୍ ପାଇଁ 120Hz ରିଫ୍ରେସ ରେଟ୍‌କୁ ସମର୍ଥନ କରିପାରେ । ଡିସପ୍ଲେ 4,500 ନିଟ୍‌ର ପିକ୍‌ ବ୍ରାଇଟନେସ୍‌, ଡଲବି ଭିଜନ୍ HDR ଏବଂ ବାୟୋମେଟ୍ରିକ୍ ପ୍ରାମାଣିକରଣ ପାଇଁ ଏକ ଅଲଟ୍ରାସୋନିକ୍ ଇନ୍-ଡିସପ୍ଲେ ଫିଙ୍ଗର ପ୍ରିଣ୍ଟ ସେନ୍ସର ଅନ୍ତର୍ଭୁକ୍ତ କରିପାରେ ।

କ୍ୟାମେରା: ଏହି ସ୍ମାର୍ଟଫୋନ ଟ୍ରିପଲ 50MP ରିଅର କ୍ୟାମେରା ସିଷ୍ଟମ ସହିତ ଆସିପାରେ । 50MP Sony LYT 808 ପ୍ରାଇମେରି ସେନ୍ସର, 50MP ଅଲଟ୍ରା ୱାଇଡ କ୍ୟାମେରା, 50MP ଟେଲିଫଟୋ ଲେନ୍ସ ଓ 32MPର ଫ୍ରଣ୍ଟ କ୍ୟାମେରା ରହିପାରେ ।

ବ୍ୟାଟେରୀ ଓ ଚାର୍ଜିଂ:ଏଥିରେ 6000mAh ବ୍ୟାଟେରୀ ସହିତ 100W ୱେୟାର୍ଡ ଫାଷ୍ଟ ଚାର୍ଜିଂକୁ ସମର୍ଥନ କରିବ । ଚୁମ୍ବକୀୟ ସଂଯୋଗ ସହିତ 50W ୱେୟାରଲେସ୍‌ ଚାର୍ଜିଂ ରହିପାରେ ।

OnePlus 13: ସ୍ପେଶିଫିକେସନ (ସମ୍ଭବତଃ)

• ଡିସପ୍ଲେ: 6.82-ଇଞ୍ଚ କ୍ବାଡ କକଭର୍ଡ AMOLED, 3168x1440 ରିଜୋଲୁସନ, 120Hz ରିଫ୍ରେସ ରେଟ୍‌, 4500 ନିଟ୍ ପିକ୍‌ ବ୍ରାଇଟନେସ୍‌, ଡଲବି ଭିଜନ HDR
• ପ୍ରୋସେସର: କ୍ବାଲକମ୍ ସ୍ନାପଡ୍ରାଗନ୍ 8 ଏଲିଟ୍
• RAM:24GB LPDDR5X ପର୍ଯ୍ୟନ୍ତ
• ଷ୍ଟୋରେଜ: 1TB UFS 4.0 ପର୍ଯ୍ୟନ୍ତ
• ପଛ କ୍ୟାମେରା: OIS ସହିତ 50MP ପ୍ରାଥମିକ (ସୋନି LYT 808), 50MP ଅଲଟ୍ରା-ୱାଇଡ୍, 50MP ଟେଲିଫୋଟୋ (3x ଜୁମ୍, OIS)
• ଆଗ କ୍ୟାମେରା: 32MP
• ବ୍ୟାଟେରୀ: 6,000mAh
• ଚାର୍ଜିଂ: 100W ୱେୟାର୍ଡ, 50W ୱେୟାରଲେସ୍‌
• ସୁରକ୍ଷା:IP68, IP69
• ମୋଟେଇ:.5..5 ମି.ମି
• ଓଜନ:210g

OnePlus 13: ଦାମ କେତେ ରହିପାରେ ?

ଭାରତରେ ପ୍ରିମିୟମ ୱାନପ୍ଲସ 13ର ଦାମ 70,000 ଟଙ୍କା ତଳେ ରହିପାରେ । ଭାରତରେ OnePlus 12ର ଦାମ 64,999 ଟଙ୍କା ରହିଥିଲା । ଯାହାକି ଫ୍ଲାଗସିପ ସେଗମେଣ୍ଟରେ ଅନ୍ୟ କମ୍ପାନୀର ସ୍ମାର୍ଟଫୋନଗୁଡ଼ିକୁ ଟକ୍କର ଦେବ ।