ହାଇଦ୍ରାବାଦ:ସ୍ବଦେଶୀ କାର ନିର୍ମାତା କମ୍ପାନୀ ମହିନ୍ଦ୍ରା ଆଣ୍ଡ ମହିନ୍ଦ୍ରା ଏହାର ଲୋକପ୍ରିୟ ମଧ୍ୟମ ଆକାର ସ୍କର୍ପିଓ-Nର ନୂଆ କାର୍ବନ ଏଡିସନ ଲଞ୍ଚ କରିଛି । ଏହି ନୂଆ କାର୍ବନ ଏଡିସନ୍ ପ୍ରିମିୟମ ଇଣ୍ଟିରିଅର ଓ ଦମଦାର ଫିଚର ସହିତ ଆସିଛି । ଏହି ଖାସ୍ ଏଡିସନ କମ୍ପାନୀର 2ଲକ୍ଷ ୟୁନିଟ୍ ବିକ୍ରିକୁ ସେଲିବ୍ରେଟ୍ କରିବା ଲାଗି ଲଞ୍ଚ କରାଯାଇଛି । ଯଦି ଆପଣ କୌଣସି ବିଳାସପୂର୍ଣ୍ଣ କାର ନେବାକୁ ଇଚ୍ଛୁକ ତେବେ ଏହା ଆପଣଙ୍କ ପାଇଁ ଏକ ବିକଳ୍ପ ହୋଇପାରେ । ଏହି କାର୍ବନ ଏଡିସନ୍ର ଦାମ, ଲୁକ୍ ଓ ବିଶେଷତା ସମ୍ପର୍କରେ ନିମ୍ନରେ ଜାଣନ୍ତୁ ।
Scorpio-N କାର୍ବନ୍ ଏଡିସନ୍: ଦାମ
ମହିନ୍ଦ୍ରା ସ୍କର୍ପିଓ-ଏନର ପେଟ୍ରୋଲ ଇଞ୍ଜିନ ଅପସନରେ Z8 MT ଭାରିଏଣ୍ର ଦାମ 19.19 ଲକ୍ଷ ଟଙ୍କା ଓ Z8L AT ଭାରିଏଣ୍ଟର ଦାମ 22.31 ଲକ୍ଷ ଟଙ୍କା ରହିଛି । ସେହିପରି ଡିଜେଲ ଇଞ୍ଜିନ ଅପସନରେ 2WD MT ଭାରିଏଣ୍ଟର ଦାମ 19.64 ଲକ୍ଷ ଟଙ୍କା ଥିବାବେଳେ Z8L 4WD AT ଭାରିଏଣ୍ଟର ଦାମ 24.89 ଲକ୍ଷ ଟଙ୍କା ରହିଛି । ସମସ୍ତ ଭାରିଏଣ୍ଟର ଦାମ ନିମ୍ନରେ ଦିଆଯାଇଥିବା ଟେବୁଲରେ ବିସ୍ତୃତ ଭାବରେ ଜାଣନ୍ତୁ:
| ଭାରିଏଣ୍ଟ | ପାୱାରଟ୍ରେନ୍ | ଟ୍ରାନ୍ସମିସନ୍ | ଇନ୍ଧନ ପ୍ରକାର | ମୂଲ୍ୟ (ଏକ୍ସ-ଶୋରୁମ୍) |
|---|
| Z8 | 2WD | ମାନୁଆଲ୍ | ପେଟ୍ରୋଲ୍ | 19,19,400 ଟଙ୍କା |
| ମାନୁଆଲ୍ | ଡିଜେଲ୍ | 19,64,700 ଟଙ୍କା |
| ଅଟୋମେଟିକ୍ | ପେଟ୍ରୋଲ୍ | 20,69,999 ଟଙ୍କା |
| ଅଟୋମେଟିକ୍ | ଡିଜେଲ୍ | 21,18,000 ଟଙ୍କା |
| 4WD | ମାନୁଆଲ୍ | ଡିଜେଲ୍ | 21,71,700 ଟଙ୍କା |
| ଅଟୋମେଟିକ୍ | ଡିଜେଲ୍ | 23,44,099 ଟଙ୍କା |
| Z8 L | 2WD | ମାନୁଆଲ୍ | ପେଟ୍ରୋଲ୍ | 20,89,500 ଟଙ୍କା |
| ମାନୁଆଲ୍ | ଡିଜେଲ୍ | 21,29,900 ଟଙ୍କା |
| ଅଟୋମେଟିକ୍ | ପେଟ୍ରୋଲ୍ | 22,31,199 ଟଙ୍କା |
| ଅଟୋମେଟିକ୍ | ଡିଜେଲ୍ | 22,76,100 ଟଙ୍କା |
| 4WD | ମାନୁଆଲ୍ | ଡିଜେଲ୍ | 23,33,100 ଟଙ୍କା |
| ଅଟୋମେଟିକ୍ | ଡିଜେଲ୍ | 24,89,099 ଟଙ୍କା |
ବ୍ଲାକ୍ ଥିମ୍ରେ ଦମଦାର ଲୁକ୍
ମହିନ୍ଦ୍ରା Scorpio-Nର କାର୍ବନ ଏଡିସନ କେବଳ Z8 ଓ ZBLର 7-ସିଟର୍ ଭାରିଏଣ୍ଟ ସହିତ ଉପଲବ୍ଧ । ଏଥିରେ ଏକ ମେଟାଲିକ୍ ବ୍ଲାକ୍ ଥିମ୍ ଦିଆଯାଇଛି, ଯାହାକି ଏହାକୁ ବେଶ ଆକର୍ଷଣୀୟ ଓ ପାୱାରଫୁଲ୍ ଲୁକ୍ ପ୍ରଦାନ କରିଥାଏ । ଏହି ଏଡିସନ୍ରେ ବ୍ଲାକଡ୍-ଆଉଟ୍ ଆଲଏ ହ୍ବିଲ୍, ସ୍ମୋକଡ୍ କ୍ରୋମ ଏକ୍ସଟେନ୍ସନ୍, ଡାର୍କ ରୁଫ୍ ରେଲ୍ସ ଓ କଣ୍ଟ୍ରାଷ୍ଟ ଷ୍ଟିଚିଂ ସହିତ ଲେଦର୍ ଫିନିଶ୍ ଇଣ୍ଟିରିଅର ସାମିଲ ଯାହାକି ଏହାକୁ ଏକ ପ୍ରିମିୟମ ଓ ଷ୍ଟାଇଲିସ୍ ଲୁକ୍ ପ୍ରଦାନ କରେ ।
ପାୱାରଫୁଲ୍ ଇଞ୍ଜିନ ଓ ଦମଦାର କାର୍ଯ୍ୟଦକ୍ଷତା
ଏହି କାର ଦୁଇଟି ପାୱାରଫୁଲ୍ ଇଞ୍ଜିନ ଅପସନ ସହିତ ଉପଲବ୍ଧ- 2.0L ଟର୍ବୋ-ପେଟ୍ରୋଲ ଇଞ୍ଜିନ ଓ 2.2L ଡିଜେଲ ଇଞ୍ଜିନ । 2.0L ଟର୍ବୋ-ପେଟ୍ରୋଲ ଇଞ୍ଜିନ ମାନୁଆଲ୍ ଟ୍ରାନ୍ସମିଶନ ସହିତ 200bhp ଓ 370nm ଟର୍କ ଉତ୍ପନ୍ନ କରୁଥିବାବେଳେ ଅଟୋମେଟିକ୍ ଗିଅରବକ୍ସ ଲାଗି 200bhp ଶକ୍ତି ଓ 3380nm ଟର୍କ ଉତ୍ପନ୍ନ କରିଥାଏ । ସେହିପରି 2.2 ଲିଟର ଡିଜେଲ ଇଞ୍ଜିନ 172bhp ଓ 370nm ଟର୍କ ଜେନେରେଟ୍ କରୁଥିବାବେଳେ ସେପଟେ ଅଟୋମେଟିକ୍ ଗିଅରବକ୍ସ ସହିତ 400nm ଟର୍କ ଜେନେରେଟ୍ କରିଥାଏ ।
Mahindra Scorpio N Carbon Edition (Image Credit: Mahindra & Mahindra) ଫିଚର କଣ ରହିଛି ?
ଏହା 8-ଇଞ୍ଚ ଟଚସ୍କ୍ରିନ ଇନଫୋଟେନମେଣ୍ଟ ସିଷ୍ଟମ, 7-ଇଞ୍ଚ ଡିଜିଟାଲ ଡ୍ରାଇଭର ଡିସପ୍ଲେ, 12 Sony ସ୍ପିକର ଅଡିଓ ସିଷ୍ଟମ, ୱେୟାରଲେସ୍ ଫୋନ ଚାର୍ଜର, ଭେଣ୍ଟିଲେଟେଡ୍ ଫ୍ରଣ୍ଟ ସିଟ୍, 6-ୱେ ବିଦ୍ୟୁତ ନିୟନ୍ତ୍ରିତ ଡ୍ରାଇଭର ସିଟ୍, ଅଟୋମେଟିକ୍ କ୍ଲାଇମେଟ୍ କଣ୍ଟ୍ରୋଲ, ସିଙ୍ଗଲ-ପେନ୍ ସନରୁଫ୍ ରହିଛି । ସେହିପରି ସୁରକ୍ଷା ଫିଚର ଭାବେ ଏଥିରେ 6ଟି ଏୟାରବ୍ୟାଗ୍, ଇଲେକ୍ଟ୍ରୋନିକ୍ ଷ୍ଟାବିଲିଟି କଣ୍ଟ୍ରୋଲ (ESC), ହିଲ୍ କଣ୍ଟ୍ରୋଲ, ଫ୍ରଣ୍ଟ ଓ ରିଅର ପାର୍କିଂ ସେନ୍ସର, ରିଭର୍ସ ପାର୍କିଂ କ୍ୟାମେରା, ଡ୍ରାଇଭର ଅସୁସ୍ଥ ହେଲେ ଏହାକୁ ଚିହ୍ନଟ, ଶିଶୁଙ୍କ ଲାଗି ସ୍ବତନ୍ତ୍ର ସିଟ୍, ଟାୟାର ପ୍ରେସର ମନିଟରିଂ ସିଷ୍ଟମ, ହ୍ବିଲରେ ଡିସ୍କ ବ୍ରେକ୍ ଆଦି ସାମିଲ ।
