ହାଇଦ୍ରାବାଦ: ଭାରତୀୟ ମହାକାଶ ଗବେଷଣା ସଂସ୍ଥା (ISRO) ଗତ କିଛି ବର୍ଷରେ ଅଦ୍ଭୂତପୂର୍ବ ସଫଳତା ହାସଲ କରିଛି । ମଙ୍ଗଳଯାନ ହେଉ କି ଚନ୍ଦ୍ରଯାନ ଇସ୍ରୋ କମ ଖର୍ଚ୍ଚରେ ସାଟେଲାଇଟ ଲଞ୍ଚ କରିବାରେ ସକ୍ଷମ ହୋଇଛି । ଏହାରି ମଧ୍ୟରେ ଇସ୍ରୋକୁ ଆଉ ଏକ ସଫଳତା ମିଳିବାକୁ ଯାଉଛି । ଆସନ୍ତା ଡିସେମ୍ବର 4 ତାରିଖରେ ଇସ୍ରୋ ଶ୍ରୀହରିକୋଟା ସ୍ପେଶପୋର୍ଟରୁ ୟୁରୋପୀୟ ମହାକାଶ ଏଜେନ୍ସି (ESA)ର ପ୍ରୋବା-3 ମିଶନକୁ ଲଞ୍ଚ କରିବାକୁ ଯାଉଛି । ESAର ଏହି ମିଶନ ସୂର୍ଯ୍ୟଙ୍କ କୋରୋନା ବା ବାହ୍ୟ ବଳୟ ଉପରେ ଗବେଷଣା କରିବ ।
କଣ ଏହି Proba-3 ମିଶନ ?
ୟୁରୋପୀୟ ମହାକାଶ ଏଜେନ୍ସି ESAର ଏହି ମିଶନ ସକଳ ଶକ୍ତିର ଆଧାର ସୂର୍ଯ୍ୟଙ୍କ ଉପରେ ଗବେଷଣା କରିବା ଉଦ୍ଦେଶ୍ୟରେ ଲଞ୍ଚ କରାଯିବ । ଏହା ପୂର୍ବରୁ ଇସ୍ରୋ 2001ରେ Proba-1 ଓ 2009ରେ Proba-2 ମିଶନକୁ ସଫଳତାର ସହିତ ଲଞ୍ଚ କରିଥିଲା । Proba-3 ମିଶନକୁ ୟୁରୋପ ଅନେକ ଦେଶର ସହାୟତାରେ ଲଞ୍ଚ କରୁଛି । ଏଥିରେ ଭାରତ ସମେତ ସ୍ପେନ, ପୋଲାଣ୍ଡ, ବେଲଜିୟମ, ଇଟାଲୀ ଓ ସ୍ବିଜରଲ୍ୟାଣ୍ଡ ମଧ୍ୟ ସାମିଲ । 200ମିଲିୟନ ୟୁରୋ ଆନୁମାନିକ ମୂଲ୍ୟର ଏହି ମିଶନ 2ବର୍ଷ ପର୍ଯ୍ୟନ୍ତ ଚାଲିବ । ଏହା ଏକ ଐତିହାସିକ ମିଶନ ହେବ କାରଣ ମହାକାଶରେ 'Precision Formation Flying' ପରୀକ୍ଷା କରାଯିବ । ଅର୍ଥାତ 2ଟି ସାଟେଲାଇଟ୍ ଏକା ସମୟରେ ଉଡି଼ବେ ।
| ଏହା ବି ପଢନ୍ତୁ |
ପ୍ରୋବା-3 ମିଶନରେ 2ଟି ସ୍ପେଶକ୍ରାଫ୍ଟ ରହିଛି, ଗୋଟିଏ ହେଉଛି Occulter ଯାହାର ଓଜନ ପ୍ରାୟ 200କେଜି ଓ ଅନ୍ୟଟି Coronagraph ଯାହାର ଓଜନ 340କେଜି । ଡିସେମ୍ବର 4 ତାରିଖରେ ଏହି ଦୁଇଟି ସାଟେଲାଇଟ୍କୁ ଲଞ୍ଚ କରାଯିବା ପରେ ଏହା ଅଲଗା ଅଲଗା ହୋଇୟିବ । କିନ୍ତୁ ପରେ ଏହାକୁ ଏକାଠି ଅଣାଯିବ, ଯାହାଦ୍ବାରା ଗୋଟିଏ ସାଟେଲାଇଟ୍ ସୋଲାର କୋରୋନାଗ୍ରାଫ ଗଠନ କରିବେ । କିଛି ଉପକରଣ ସୂର୍ଯ୍ୟଙ୍କ କିରଣକୁ ବ୍ଲକ୍ କରିବା ଦ୍ବାରା ଗବେଷକମାନେ ସୂର୍ଯ୍ୟଙ୍କ ବାହ୍ୟମଣ୍ଡଳକୁ ଭଲ ଭାବେ ଷ୍ଟଡି କରିବାରେ ସକ୍ଷମ ହେବେ ।