iPhone 15 ବିଶ୍ବରେ 3ୟ ତ୍ରୟମାସରେ ବେଷ୍ଟ ସେଲିଂ ସ୍ମାର୍ଟଫୋନ, ଦେଖନ୍ତୁ ଟପ୍‌-10 ତାଲିକା

ବିଶ୍ବବ୍ୟାପୀ 2024 ତୃତୀୟ ତ୍ରୟମାସରେ ଆଇଫୋନ 15 ବେଷ୍ଟ ସେଲିଂ ସ୍ମାର୍ଟଫୋନ ହୋଇପାରିଛି । ଟପ୍‌ 10 ତାଲିକାରେ ରହିଛନ୍ତି ଏହି କମ୍ପାନୀର ସ୍ମାର୍ଟଫୋନ...

ହାଇଦ୍ରାବାଦ: 2024 ତୃତୀୟ ତ୍ରୟମାସ (Q3 2024)ରେ ଆପଲ୍‌ର ଆଇଫୋନ 15 ସବୁଠୁ ଅଧିକ ବିକ୍ରି ହୋଇ ସର୍ବୋତ୍କୃଷ୍ଟ ସେଲିଂ ସ୍ମାର୍ଟଫୋନ ହୋଇପାରିଛି । ଆଇଫୋନ 15 ପ୍ରୋ ମ୍ୟାକ୍ସ ଓ ଆଇଫୋନ 15 ପ୍ରୋ ଠାରୁ ଏହାର ବେସ୍‌ ମଡେଲ ଅଧିକ ବିକ୍ରି ହୋଇଛି । ଟପ୍‌ 10 ତାଲିକା ଦେଖିଲେ ପ୍ରଥମ 3 ସ୍ଥାନ ଆପଲ୍‌ ହାତେଇଥିବା ବେଳ ଚତୁର୍ଥରେ ରହିଛି ସାମସଙ୍ଗ ।

କାଉଣ୍ଟରପଏଣ୍ଟ ରିସର୍ଚ୍ଚ ଗ୍ଲୋବାଲ ହ୍ୟାଣ୍ଡସେଟ୍‌ ମଡେଲ ସେଲ୍ସ ଟ୍ରାକର ଅନୁସାରେ, ଦକ୍ଷିଣ କୋରିଆର ସ୍ମାର୍ଟଫୋନ ନିର୍ମାତା କମ୍ପାନୀ ଟପ୍‌ 10 ତାଲିକାରେ ଅଧିକାଂଶ ସ୍ଥାନ ହାତେଇଥିବା ବେଳେ ଆପଲ୍‌ 4ଟି ସ୍ଥାନ ଓ ସାଓମି ଗୋଟିଏ ସ୍ଥାନ ଅଧିକାର କରିଛି । ହେଲେ ଶୀର୍ଷରେ ରହିଛି ଆଇଫୋନ 15 । ପୂର୍ବ ରିପୋର୍ଟ ଅନୁସାରେ ଆପଲ୍‌ ସେପ୍ଟେମ୍ବରରେ ଏହାର ନମ୍ବର ଲାଇନଅପର ଲାଟେଷ୍ଟ ମଡେଲ ଆଇଫୋନ 16 ସିରିଜ ଆଣିବା ପରେ ମାର୍କେଟରେ ଆଇଫୋନ 15ର ଚାହିଦା ବୃଦ୍ଧି ପାଇଥିଲା ।

iPhone 15 (Credit- Apple)

ଏହା ବି ପଢନ୍ତୁ

ଟପ୍‌-10 ବେଷ୍ଟ ସେଲିଂ ସ୍ମାର୍ଟଫୋନ (Q3 2024):-

• ଆପଲ୍‌ ଆଇଫୋନ 15
• ଆପଲ୍‌ ଆଇଫୋନ 15 ପ୍ରୋ ମ୍ୟାକ୍ସ
• ଆପଲ୍‌ ଆଇଫୋନ 15 ପ୍ରୋ
• ସାମସଙ୍ଗ ଗାଲାକ୍ସି ଏ15 4G
• ସାମସଙ୍ଗ ଗାଲାକ୍ସି ଏ15 5G
• ସାମସଙ୍ଗ ଗାଲାକ୍ସି ଏ35 5G
• ସାମସଙ୍ଗ ଗାଲାକ୍ସି ଏ05
• ଆପଲ୍‌ ଆଇଫୋନ 14
• ସାଓମି ରେଡମି 13ସି 4G
• ସାମସଙ୍ଗ ଗାଲାକ୍ସି S24

ଏହି ଶୀର୍ଷ 10 ତାଲିକା ଦେଖିଲେ ଆପଲ୍‌ର ସେୟାର ହ୍ରାସ ପାଇଛି । ସେପଟେ ସାମସଙ୍ଗର ସେୟାର 19 ପ୍ରତିଶତ ବୃଦ୍ଧି ପାଇଛି । ରିପୋର୍ଟ ଅନୁସାରେ, ପ୍ରିମିୟମ୍ ସ୍ମାର୍ଟଫୋନ୍ ପ୍ରତି ଗ୍ରାହକଙ୍କ ଆଗ୍ରହ ଆଧାର ଏବଂ ପ୍ରୋ ଆଇଫୋନ୍ ମଡେଲ ମଧ୍ୟରେ ବ୍ୟବଧାନକୁ କମ କରିଛି । ତୃତୀୟ ତ୍ରୟ ମାସରେ ପ୍ରଥମ ଥର ପାଇଁ ପ୍ରୋ ମଡେଲଗୁଡିକ ମୋଟ ଆଇଫୋନ୍ ବିକ୍ରିର ଅଧା ହୋଇଛି ।

iPhone 15 (Credit- Apple)

ରିପୋର୍ଟ ଏହା ମଧ୍ୟ ପ୍ରକାଶ କରିଛି ଯେ କ୍ରମାଗତ ତୃତୀୟ ଥର ପାଇଁ ସାମସଙ୍ଗର ଗାଲାକ୍ସି S24 Q3 2024ରେ ଶ୍ରେଷ୍ଠ 10ରେ ଏକ ସ୍ଥାନ ବଜାୟ ରଖିଛି । ଆହୁରି ମଧ୍ୟ 2018 ମସିହା ପରଠାରୁ ତୃତୀୟ ତ୍ରୟ ମାସିକରେ ପ୍ରଥମ ଥର ପାଇଁ ଏକ ଗାଲାକ୍ସି S ସିରିଜ୍ ଭାରିଏଣ୍ଟ ଶ୍ରେଷ୍ଠ ୧୦ରେ ପ୍ରବେଶ କରିଛି । ଗାଲାକ୍ସି S24 ସିରିଜର ବିକ୍ରୟ ମୁଖ୍ୟତଃ ଏହାର GenAI କ୍ଷମତା ଉପରେ ଫୋକସ ଦ୍ବାରା ସମ୍ଭବ ହୋଇଛି ।

ସାମସଙ୍ଗର ଗାଲାକ୍ସି ଏ ସିରିଜ୍ ବିଶ୍ବବ୍ୟାପୀ ଏହାର ଦୃଢ ଉପସ୍ଥିତି ଯୋଗୁଁ ଟପ୍ -10 ତାଲିକାରେ 4 ନମ୍ବର ସ୍ଥାନ ନେଇଛି । ପ୍ରତିଯୋଗିତାମୂଳକ ମୂଲ୍ୟ ଏବଂ ଲମ୍ବା ସଫ୍ଟୱେୟାର୍ ସମର୍ଥନ ଯୋଗୁଁ ଏହି ଡିଭାଇସ ୟୁଜରଙ୍କ ମଧ୍ୟରେ ବେଶ ଲୋକପ୍ରିୟ ହୋଇପାରିଛି ।