ହାଇଦ୍ରାବାଦ: ଆଉ ଏକ ବଡ ସଫଳତା ହାତେଇଲେ ଭାରତୀୟ ବଂଶୋଦ୍ଭବ ସୁନୀତା ଓ୍ବିଲିୟମ୍ସ । ପୁଣିଥରେ ଅନ୍ତରୀକ୍ଷ ଉଡାଣ ଭରିଲେ ସୁନୀତା । ତେବେ ଅନ୍ତରୀକ୍ଷକୁ ଯିବା ପୂର୍ବରୁ ଦେଇଥିବା ପ୍ରତିକ୍ରିୟା ବର୍ତ୍ତମାନ ଭାଇରାଲ ହେବାରେ ଲାଗିଛି । ଉଡାଣ ଭରିବା ପୂର୍ବରୁ ସେ କହିଥିଲେ, ମୋତେ ଅନ୍ତରୀକ୍ଷ ନେଇ ପୁଣି ଫେରାଇ ଆଣନ୍ତୁ । ପ୍ରକାଶଥାଉକି, ଭାରତୀୟ ମୂଳ ମହାକାଶଚାରୀ ସୁନୀତା ୱିଲିୟମ୍ସ ତାଙ୍କ ସହକର୍ମୀ ବେରୀ ବୁଚଙ୍କ ସହିତ ତୃତୀୟ ଥର ପାଇଁ ମହାକାଶକୁ ଯାତ୍ରା କରିଛନ୍ତି । ଆମେରିକାର ବୋଇଙ୍ଗ ଷ୍ଟାରଲାଇନର ମହାକାଶ ଯାନରେ ଆନ୍ତର୍ଜାତୀୟ ସ୍ପେସ୍ ଷ୍ଟେସନକୁ ସେମାନେ ଉଡାଣ ଭରିଛନ୍ତି ।
ଭାଇରାଲ ହେଉଛି ତାଙ୍କ ପ୍ରତିକ୍ରିୟା:ସୁନୀତା ଉଡାଣ ଭରିବା ପୂର୍ବରୁ କଣ୍ଟ୍ରୋଲକୁ ଏକ ବାର୍ତ୍ତା ପଠାଇଥିଲେ । ସେ କହିଥିଲେ, "କେଲିପ୍ସୋ ଚାଲ ଯିବା । ମୋତେ ଅନ୍ତରୀକ୍ଷଣକୁ ନେଇ ଚାଲନ୍ତୁ ଏବଂ ପୁଣିଥରେ ଫେରାଇ ଆଣନ୍ତୁ । "ତେବେ ଅନ୍ତରୀକ୍ଷ ସ୍ସେସ ଷ୍ଟେସନ ଅଭିମୁଖେ ଝିଅର ଉଡାଣ ପରେ ମାଙ୍କର ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ତାଙ୍କ ମା ବୋନୀ ପାଣ୍ଡ୍ୟା ଏକ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, "ଟେକ୍ ଅଫ୍ ହେବାର କିଛି ଘଣ୍ଟା ପୂର୍ବରୁ ମୋ ଝିଅ ପଜିଟିଭ ଏବଂ ଖୁସି ରହିଥିଲା ।" ଅନ୍ୟପକ୍ଷରୁ ନାସା ପକ୍ଷରୁ କୁହାଯାଇଛି, ଉଭୟ ସୁନୀତା ଏବଂ ବୁଚ୍ କକ୍ଷପଥରେ ଷ୍ଟାରଲିନ ମହାକାଶଯାନ ଉଡାଣ ନେଇ କଠିନ ପରିଶ୍ରମ କରିଛନ୍ତି । ପ୍ରଥମ 6 ଘଣ୍ଟା ପ୍ରଥମ 6 ଘଣ୍ଟା ଗୁରୁତ୍ବପୂର୍ଣ୍ଣ ରହିଥିଲା ।"