ହାଇଦ୍ରାବାଦ:ବର୍ତ୍ତମାନ ମାର୍କେଟରେ ଫୋଲ୍ଡେବଲ ସ୍ମାର୍ଟଫୋନର କ୍ରେଜ ବଢିବାରେ ଲାଗିଛି । ଏଣୁ ମୋବାଇଲ ନିର୍ମାତା କମ୍ପାନୀଗୁଡ଼ିକ ଏହି ଫୋନର ବଜାର ପ୍ରବେଶ ଉପରେ ଅଧିକ ଧ୍ୟାନ ଦେଉଛନ୍ତି । ଏହା ଦେଖିବାକୁ ଷ୍ଟାଇଲିସ ଲାଗୁଥିବା ବେଳେ ଏକ ବଡ଼ ସ୍କ୍ରିନ ମଧ୍ୟ ଗ୍ରାହକଙ୍କୁ ପ୍ରଦାନ କରୁଛି । ତେବେ ଏବେ ବଜାରକୁ ଆସିବାକୁ ଯାଉଥିବା ଥ୍ରି ଫୋଲ୍ଡେବଲ ସ୍ମାର୍ଟଫୋନ । ଏହା ଗ୍ରାହକଙ୍କ ଆବଶ୍ୟକତାକୁ ଆଖି ଆଗରେ ରଖି ବିକଶିତ କରାଯାଇଥିବା ବେଳେ ଖୁବଶୀଘ୍ର ଏହାର ବଜାର ପ୍ରବେଶ ହେବାକୁ ଯାଉଛି ।
ଚାଇନିଜ କମ୍ପାନୀ ହୁୱାଇ (Huawei) ବିଶ୍ବର ପ୍ରଥମ ଟ୍ରାଇ-ଫୋଲ୍ଡେବଲ ମୋବାଇଲ ଆଣିବାକୁ ଯାଉଛି । କମ୍ପାନୀର ସିଇଓ ରିଚାର୍ଡଙ୍କ କହିବାନୁସାରେ, ଏହି ସ୍ମାର୍ଟଫୋନ 'Huawei Mate XT' ନାମରେ ବଜାର ପ୍ରବେଶ କରିବ । ତେବେ ଏହା କେବେ ଲଞ୍ଚ ହେବ ସେ ସମ୍ପର୍କରେ କମ୍ପାନୀ ପକ୍ଷରୁ ସ୍ପଷ୍ଟ କରାଯାଇନାହିଁ । ତେବେ ଏହା କାହିଁକି ଚର୍ଚ୍ଚାରେ, ଏଥିରେ ଗ୍ରାହକଙ୍କୁ କଣ ଅତ୍ୟାଧୁନିକ ଫିଚର୍ସ ମିଳିବ ସେ ସମ୍ପର୍କରେ ଜାଣନ୍ତୁ ।
କେବେ ଲଞ୍ଚ ?
- ବିଶ୍ବର ପ୍ରଥମ ଟ୍ରାଇ-ଫୋଲ୍ଡେବଲ ମୋବାଇଲ ଆଣିବାକୁ ଯାଉଛି Huawei ।
- ଏହାର ନାମ ରହିଛି Huawei Mate XT
- ଚାଇନିଜ ମାର୍କେଟରେ ଏହା ସେପ୍ଟେମ୍ବର 10 ତାରିଖରେ ଲଞ୍ଚ ହେବାକୁ ଯାଉଛି ।
- ଭାରତୀୟ ମାର୍କେଟରେ ଏହା କେବେ ଲଞ୍ଚ ହେବ ସେ ନେଇ ସ୍ପଷ୍ଟ ସୂଚନା ମିଳିନାହିଁ ।
Huawei Mate XT ଫିଚର୍ସ:-
- 2ଟି ଇନୱାର୍ଡ ସ୍କ୍ରିନ
- ଗୋଟିଏ ଆଉଟୱାର୍ଡ ସ୍କ୍ରିନ