ହାଇଦ୍ରାବାଦ: ଭାରତୀୟ ବଂଶୋଦ୍ଭବ ତଥା ନାସା ମହାକାଶଚାରୀ ସୁନୀତା ୱିଲିୟମ୍ସ ଓ ସହଯୋଗୀ ବଚ୍ ୱିଲମୋର ଏକ ନିଆରା ଢଙ୍ଗରେ ନବବର୍ଷ 2025କୁ ସ୍ବାଗତ କରିଛନ୍ତି । ଉଭୟ ମହାକାଶଚାରୀ ମହାକାଶରେ ସ୍ଥାପିତ ଅନ୍ତର୍ଜାତୀୟ ସ୍ପେଶ ଷ୍ଟେସନ (ISS)ରେ ରହିଥିବା ବେଳେ ସେମାନେ 16ଥର ସୂର୍ଯ୍ୟୋଦୟ ଦେଖିଛନ୍ତି । ମହାକାଶରେ 72 କ୍ରୁ ମେମ୍ବର ଏହି ନିଆରା ଅନୁଭବକୁ ଉପଭୋଗ କରିବା ନେଇ ISSର ଅଫିସିଆଲ X ସାଇଟ୍ରେ ମଧ୍ୟ ସୂଚନା ଦିଆଯାଇଛି ।
ଭାରତୀୟ ବଂଶୋଦ୍ଭବ ତଥା ନାସା ମହାକାଶଚାରୀ ସୁନୀତା ୱିଲିୟମ୍ସ ଓ ସହଯୋଗୀ ବଚ୍ ୱିଲମୋର ଏକ ନିଆରା ଢଙ୍ଗରେ ନବବର୍ଷ 2025କୁ ସ୍ବାଗତ କରିଛନ୍ତି । ଉଭୟ ମହାକାଶଚାରୀ ମହାକାଶରେ ସ୍ଥାପିତ ଅନ୍ତର୍ଜାତୀୟ ସ୍ପେଶ ଷ୍ଟେସନ (ISS)ରେ ରହିଥିବା ବେଳେ ସେମାନେ 16ଥର ସୂର୍ଯ୍ୟୋଦୟ ଦେଖିଛନ୍ତି । ମହାକାଶରେ 72 କ୍ରୁ ମେମ୍ବର ଏହି ନିଆରା ଅନୁଭବକୁ ଉପଭୋଗ କରିବା ନେଇ ISSର ଅଫିସିଆଲ X ସାଇଟ୍ରେ ମଧ୍ୟ ସୂଚନା ଦିଆଯାଇଛି ।
As 2024 comes to a close today, the Exp 72 crew will see 16 sunrises and sunsets while soaring into the New Year. Seen here are several sunsets pictured over the years from the orbital outpost. pic.twitter.com/DdlvSCoKo1
— International Space Station (@Space_Station) December 31, 2024
ISSରେ ନିଆରା ନବବର୍ଷ
ମହାକାଶରେ 72 କ୍ରୁ ମେମ୍ବର ପୃଥିବୀଠାରୁ ପ୍ରାୟ 400 କିଲୋମିଟର ଉଚ୍ଚରେ ସ୍ଥାପିତ ହୋଇଛି । ଏହା ପୃଥିବୀ କକ୍ଷରେ ଅବସ୍ଥିତ । ଅନ୍ତର୍ଜାତୀୟ ସ୍ପେଶ ଷ୍ଟେସନ ପ୍ରତି 90 ମିନିଟରେ ପୃଥିବୀ ଚାରିପଟେ ଥରେ ଘୂରିଥାଏ । ଗୋଟିଏ ଦିନରେ ଆଇଏସଏସ ପୃଥିବୀ ଚାରିପଟେ 28ହଜାର କିମି ବେଗରେ 16ଥର ଘୂରିଥାଏ । ଏଥିଲାଗି ଡିସେମ୍ବର 31 ତାରିଖରୁ ଜାନୁଆରୀ 1 ତାରିଖ ମଧ୍ୟରେ 16ଥର ନୂଆବର୍ଷ ପାଳନ କରିବାର ସୁଯୋଗ ମିଳିଥାଏ ।
ଲମ୍ବା ମିଶନ ଓ ନିଆରା ଅନୁଭବ
ସୁନୀତା ୱିଲିୟମ୍ସ ISSର କମାଣ୍ଡର । ସେ ଜୁନ 2024ରେ ବୋଇଙ୍ଗ ଷ୍ଟାରଲାଇନର ମହାକାଶ ଯାନରେ 8ଦିନିଆ ମିଶନରେ ଯାଇ ଏବେ 8ମାସରୁ ଅଧିକ ସମୟ ଧରି ଫସି ରହିଛନ୍ତି । ବୋଇଙ୍ଗ ଷ୍ଟାରଲାଇନରେ ଯାନ୍ତ୍ରିକ ତ୍ରୁଟି ଯୋଗୁଁ ସେ ପୃଥିବୀ ଫେରିବାରେ ଅସୁବିଧା ଭୋଗିଥିଲେ । ସେ ଫେବୃଆରୀରେ ଫେରିବେ ବୋଲି ନାସା ପକ୍ଷରୁ କୁହାଯାଇଥିଲା । ମାତ୍ର କ୍ରୁ-10 ସଦସ୍ୟଙ୍କ ମିଶନ ମାର୍ଚ୍ଚ ପର୍ଯ୍ୟନ୍ତ ଘୁଞ୍ଚିଥିବାରୁ ଏବେ ସୁନୀତା ମାର୍ଚ୍ଚ ମାସ ପର୍ଯ୍ୟନ୍ତ ଆଇଏସଏସରେ ରହିବେ । ଏହି ଲମ୍ବା ମିଶନ ଯୋଗୁଁ ସୁନୀତା ମହାକାଶରେ ଏପରି ନିଆରା ଅନୁଭବ ନେବାର ସୁଯୋଗ ପାଇଛନ୍ତି ।
ISSରେ ନବବର୍ଷ ସମାରୋହ
ନୂଆବର୍ଷ ଅବସରରେ, ମହାକାଶରେ ମଧ୍ୟ ମହାକାଶଚାରୀଙ୍କ ଲାଗି ସ୍ବତନ୍ତ୍ର ଭୋଜନର ଆଯୋଜନ କରାଯାଇଛି । ଏଥିଲାଗି ପୃଥିବୀରୁ ତାଜା ଖାଦ୍ୟ ସେମାନଙ୍କ ଲାଗି ପଠାଯାଇଛି । ଏହାସହିତ ସେମାନେ ଭିଡିଓ କଲ୍ ମାଧ୍ୟମରେ ମହାକାଶରୁ ନିଜ ଆତ୍ମୀୟସ୍ବଜନଙ୍କ ସହିତ ବାର୍ତ୍ତାଳାପ କରିପାରିବେ । ଏହି ସମସ୍ତ ସୁବିଧାର ଉଦ୍ଦେଶ୍ୟ ହେଉଛି ସେମାନଙ୍କୁ ମାନସିକ ଓ ଭାବନାତ୍ମକ ସ୍ବାସ୍ଥ୍ୟକୁ ସୁସ୍ଥ ରଖିବା । ନିକଟରେ ସୁନୀତା ଓ କ୍ରୁ ମେମ୍ବର ଖ୍ରୀଷ୍ଟମାସ ପାଳନ କରିଥିଲେ । ISSକୁ ସଜାଇବା ଲାଗି ପୃଥିବୀରୁ ସେମାନଙ୍କ ଲାଗି ଜିନିଷ ମଧ୍ୟ ପଠାଯାଇଥିଲା ।
