ଅନଲାଇନ ସପିଂ ପୂର୍ବରୁ ସତର୍କ ହୁଅନ୍ତୁ; ସାଇବର ଠକଙ୍କ ଜାଲରେ ପଡ଼ିବାରୁ ବର୍ତ୍ତନ୍ତୁ - Be Careful Before Shopping Online

Online Shopping Tips: ବଜାର ମୂଲ୍ୟଠାରୁ କମ୍ ମୂଲ୍ୟରେ ଏକ ଆଇଟମ୍ ଉପଲବ୍ଧ ହେବା ମାତ୍ରେ କିଛି ଲୋକ ଆଗପଛ ନ ଦେଖି ତୁରନ୍ତ ଉକ୍ତ ଜିନିଷକୁ କିଣିଦିଅନ୍ତି । କିନ୍ତୁ ଏପରି ହଠାତ ନିଷ୍ପତ୍ତିରେ ଠକେଇର ଆଶଙ୍କା ଅଧିକ । ତେଣୁ ଏଠାରେ କିଛି ଗୁରୁତ୍ବପୂର୍ଣ୍ଣ ପଏଣ୍ଟ ଅଛି ଯାହାକୁ କି ଆପଣ ଅନଲାଇନ୍ ସପିଂ କରିବା ସମୟରେ ମନେ ରଖିବା ଉଚିତ । ଅଧିକ ପଢନ୍ତୁ

ହାଇଦ୍ରାବାଦ: ହଠାତ ନିଷ୍ପତ୍ତି ସବୁ ଦୃଷ୍ଟିରୁ ହାନିକାରକ । ଏହା ଅନଲାଇନ ସପିଂ ପାଇଁ ମଧ୍ୟ ପ୍ରଯୁଜ୍ୟ । ସାମାନ୍ୟ ଅସାବଧାନତା ଆମ ବ୍ୟାଙ୍କରୁ ଟଙ୍କା ଉଡ଼େଇ ନେବ । କାରଣ ଆଜିକାଲି ଆଙ୍ଗୁଠି ଟିପରେ ସବୁକିଛି ସମ୍ଭବ ହେଉଥିବାରୁ ଠକେଇ ହେବାର ଆଶଙ୍କା ରହିଥାଏ । ଏଭଳି ପରିସ୍ଥିତିରେ କେଉଁ ସତର୍କତା ଅବଲମ୍ବନ କରାଯିବା ଉଚିତ ସେ ନେଇ ବ୍ୟାଙ୍କ ବାଜାର ଡଟ୍ କମ୍ (Bankbazaar.com) କିଛି ପରାମର୍ଶ ଦେଇଛି ।

ଅଫରଠାରୁ ସତର୍କ ରୁହନ୍ତୁ: ପର୍ବ ଏବଂ ଅନ୍ୟାନ୍ୟ ପ୍ରମୁଖ ଉତ୍ସବରେ ବିଭିନ୍ନ ସପିଂ ପ୍ଲାଟଫର୍ମ ଅଫର ଆଣନ୍ତି । ଏଥିଲାଗି ଆପଣଙ୍କୁ ଇମେଲ ଏବଂ ମୋବାଇଲକୁ ମେସେଜ ଆସେ । ଉଦାହରଣ ସ୍ବରୂପ ଜଣେ ବ୍ୟକ୍ତିଙ୍କ ନିକଟକୁ ଏକ ପ୍ରମୁଖ ଇ-କମର୍ସ ପ୍ଲାଟଫର୍ମର ସ୍ପେଶାଲ ଡିସକାଉଣ୍ଟ ଇମେଲ୍‌ ଆସିଥାଏ । ମେସେଜରେ ଏପରି କୁହାଯାଇଥିବ ଯେ ଏହି ଅଫର କେବଳ 2ଘଣ୍ଟା ପାଇଁ ଉପଲବ୍ଧ ଏବଂ 'ଆଇଟମ୍ ସୀମିତ' । ଲୋକଟି ଏହା ଏକ ଭଲ ସୁଯୋଗ ବୋଲି ସଙ୍ଗେ ସଙ୍ଗେ ଜିନିଷଟିକୁ କିଣିବାକୁ ଉଦ୍ୟମ କରେ । ଏଥିରେ ଉଲ୍ଲେଖ କରାଯାଇଥିବ ଲିଙ୍କ୍ ଖୋଲି ତାଙ୍କ କ୍ରେଡିଟ୍ କାର୍ଡର ବିବରଣୀ ଦିଅନ୍ତୁ । ଆଉ ଯେତେବେଳେ କାର୍ଡରୁ ଟଙ୍କା ଚାଲିଯାଏ ସେତେବେଳେ ବ୍ୟକ୍ତି ଜଣକ ଅନୁଭବ କରନ୍ତି ଯେ ସେ ଠକେଇର ଶିକାର ହୋଇଛନ୍ତି ।

ଏମିତି ଠକେଇରୁ ବଞ୍ଚନ୍ତୁ:-

• ସୀମିତ ସମୟ ଅଫର ବିଷୟରେ ଇମେଲ୍‌ ଏବଂ ମେସେଜ ପ୍ରତି ବିଶେଷ ସାବଧାନ ରୁହନ୍ତୁ ।
• କୌଣସି ପରିସ୍ଥିତିରେ ଇମେଲ୍‌ରେ ଲିଙ୍କ୍ ଖୋଲନ୍ତୁ ନାହିଁ । ଏହା ପରିବର୍ତ୍ତେ ସମ୍ପୃକ୍ତ ସଂସ୍ଥାର ଅଫିସିଆଲ୍ ୱେବସାଇଟକୁ ଯାଆନ୍ତୁ ।
• ବିଶେଷ ଭାବରେ ସୀମିତ ସମୟ ଅଫରଗୁଡିକ ବିଷୟରେ ମେସେଜଗୁଡ଼ିକୁ ଅଣଦେଖା କରନ୍ତୁ ।
• ଫ୍ରଡ୍‌ ଇମେଲ୍‌ଗୁଡିକ କମ୍ପାନୀ ନାମ ନେଇ ଏପରି ଠକେଇ କରନ୍ତି । ଏଗୁଡିକ ଯତ୍ନର ସହିତ ଚିହ୍ନଟ କରାଯିବା ଉଚିତ ।
• ଏପରି ସ୍ଥିତିରେ ଦେୟ ବିଷୟରେ ଦୁଇ-ଫ୍ୟାକ୍ଟର୍ ପ୍ରାମାଣିକିକରଣ (Two-factor authentication) ଫର୍ମୁଲା ବ୍ୟବହାର କରାଯିବା ଉଚିତ । ଏହା ଅତିରିକ୍ତ ସୁରକ୍ଷା ଯୋଗାଏ ।
• ଅଫର ଦୁଇଥର ଯାଞ୍ଚ କରିବା ପରେ ହିଁ ଜିନିଷ କିଣିବାକୁ ନିଷ୍ପତ୍ତି ନିଆଯିବା ଉଚିତ । ଯଦି ଆପଣ ଜାଣିଛନ୍ତି ଯେ ଆପଣ ଠକେଇର ଶିକାର ହୋଇଛନ୍ତି, ତେବେ ତୁରନ୍ତ ବ୍ୟାଙ୍କ ଏବଂ ସାଇବର କ୍ରାଇମ ଷ୍ଟେସନରେ ଅଭିଯୋଗ ଦାଖଲ କରନ୍ତୁ ।