ଭୁବନେଶ୍ବର: ପ୍ରଥମ ବିଶ୍ୱ ଓଡିଆ ଭାଷା ସମ୍ମିଳନୀର ଦ୍ବିତୀୟ ଦିନରେ ଓଡିଆ ଭାଷା ଓ ନାରୀ ସଶକ୍ତିକରଣ ବିଷୟରେ ଆଲୋଚନା ହୋଇଥିଲା । ଏଥିରେ ଅଧ୍ୟକ୍ଷତା କରିଥିଲେ ଜ୍ଞାନପୀଠ ପୁରସ୍କାରପ୍ରାପ୍ତ ବିଶିଷ୍ଟ ଔପନାସିକା ପଦ୍ମଭୂଷଣ ଡ଼ ପ୍ରତିଭା ରାୟ । ନାରୀ ସମାଜର ଧ୍ୱଜା ବୋଲି କହିଥିଲେ ସେ । ପୁରାଣ ପୃଷ୍ଠାର ନାରୀ ଦୁର୍ଗା, ସରସ୍ୱତୀ, ଲକ୍ଷ୍ମୀ ପ୍ରମୁଖ ଦେବୀଙ୍କର ଦେବୀଙ୍କର ଉଦାହରଣ ଦେଇ ନାରୀ ସଶକ୍ତି ଉପରେ ବିଶଦ ଆଲୋଚନା କରିଥିଲେ ପ୍ରତିଭା ରାୟ । ସେ କହିଥିଲେ, ''ନାରୀ ହେଉଛି ସମାଜର ଧ୍ୱଜା । ନାରୀବାଦ ସମାଜର ପ୍ରତିବାଦ କରେ । ନାରୀ ଭାବ ସମସ୍ତଙ୍କୁ ଏକତା ସୂତ୍ରରେ ବାନ୍ଧି ରଖେ ।'' ସେହିପରି ସମ୍ବଲପୁର ବିଶ୍ୱବିଦ୍ୟାଳୟର ପୂର୍ବତନ କୂଳପତି ତଥା ବିଶିଷ୍ଟ ବୈଜ୍ଞାନିକ ପଦ୍ମଶ୍ରୀ ପ୍ରିୟମ୍ବଦା ମହାନ୍ତି ହେଜମାଦି ଓଡିଆ ଭାଷା ଓ ଓଡିଶୀ ନୃତ୍ୟର କ୍ରମ ବିକାଶ ସମ୍ପର୍କରେ ଆଲୋଚନା କରିଥିଲେ ।
ନାରୀ ହେଉଛି ସମାଜର ଧ୍ୱଜା: ପଦ୍ମଭୂଷଣ ପ୍ରତିଭା ରାୟ
Published : Feb 5, 2024, 9:40 AM IST
First World Odia Language Conference: ବିଶ୍ୱ ଓଡିଆ ଭାଷା ସମ୍ମିଳନୀର ଦ୍ବିତୀୟ ଦିନରେ ନାରୀ ସଶକ୍ତିକରଣ ଉପରେ ଆଲୋଚନା । ନାରୀ ସମାଜର ଧ୍ୱଜା ବୋଲି କହିଲେ ପଦ୍ମଭୂଷଣ ଡ଼ ପ୍ରତିଭା ରାୟ । ଅଧିକ ପଢନ୍ତୁ
World odia language conference
ଏହା ମଧ୍ୟ ପଢନ୍ତୁ-ପ୍ରଥମ ବିଶ୍ଵ ଓଡିଆ ଭାଷା ସମ୍ମିଳନୀ; ପଞ୍ଚାୟତସ୍ତରରେ ସାମିଲ ହେଲେ ୯୯୪୧୩
ଆୟକର ବିଭାଗର ମୁଖ୍ୟ ତଥା ବିଶିଷ୍ଟ ଗାଳ୍ପିକା ପାରମିତା ଶତପଥୀ ଆଧୁନିକ ଓଡିଆ ସାହିତ୍ୟର ଅଭିବ୍ୟକ୍ତିର ସ୍ୱାଧୀନତା ସମ୍ପର୍କରେ ବିଶଦ ଆଲୋଚନା କରିଥିଲେ । ସେ କହିଥିଲେ, ''ଆମ ସମାଜ ଏବଂ ସାହିତ୍ୟରେ ନାରୀର ଅବଦାନ ରହିଛି । ଯାହା ସେମାନଙ୍କର ତ୍ୟାଗ, ତପସ୍ୟା ବଳରେ ସାହିତ୍ୟ ସୃଷ୍ଟି ହୋଇଛି । ସାହିତ୍ୟ ଓ ସତ୍ୟ ଏକ ଓ ଅଭିନ୍ନ । ଆଜିର ନାରୀ କବିତା, ସାହିତ୍ୟ, ବିଜ୍ଞାନ, କୃଷି, ରାଜନୀତି ଆଦି ବିଭିନ୍ନ କ୍ଷେତ୍ରରେ ସୁନାମ ଅର୍ଜନ କରିଆସୁଛନ୍ତି ।'' ଏହି ଅଧିବେଶନକୁ ହିମାଦ୍ରୀ ତନୟା ମିଶ୍ର ସଂଯୋଜନା କରିଥିଲେ । ଛାତ୍ରବକ୍ତା ଭାବରେ ଓଡ଼ିଶା ଆଦର୍ଶ ବିଦ୍ୟାଳୟ ବେଣ୍ଟପୁରର ଚୌଧୁରୀ ଅଙ୍କିତା ମିଶ୍ର ବକ୍ତବ୍ୟ ରଖିଥିଲେ । ବିଜ୍ଞାନ କାରିଗରି ବିଭାଗ ପ୍ରମୁଖ ଶାସନ ସଚିବ ଚିତ୍ରା ଅରୁମୁଗମ ଏବଂ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ପ୍ରମୁଖ ଶାସନ ସଚିବ ଉଷା ପାଢ଼ୀ ଅତିଥିଙ୍କୁ ସମ୍ବର୍ଦ୍ଧିତ କରିଥିଲେ ।
ଇଟିଭି ଭାରତ, ଭୁବନେଶ୍ବର