ପୁରୀ: ନୂଆବର୍ଷରୁ ଶ୍ରୀମନ୍ଦିରରେ ନୂଆ ଦର୍ଶନ ବ୍ୟବସ୍ଥା । ଆସନ୍ତା 1 ତାରିଖରୁ ଶ୍ରୀମନ୍ଦିରରେ ଧାଡି ଦର୍ଶନ ପ୍ରକ୍ରିୟା ଆରମ୍ଭ ହେବାକୁ ଯାଉଛି । ପରୀକ୍ଷାମୂଳକ ଭାବେ 30 ଏବଂ 31ରେ ଧାଡି ଦର୍ଶନ ହେବ । ଏନେଇ ସୂଚନା ଦେଇଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।
ନୂଆ ବର୍ଷରେ ଶ୍ରୀମନ୍ଦିରରେ ନୂଆ ଦର୍ଶନ ବ୍ୟବସ୍ଥା
ଶ୍ରୀମନ୍ଦିରରେ ଧାଡି ଦର୍ଶନକୁ ନେଇ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି, "ଆସନ୍ତା 1 ତାରିଖରୁ ଶ୍ରୀମନ୍ଦିରରେ ଧାଡି ଦର୍ଶନ ପ୍ରକ୍ରିୟା । 27 ଏବଂ 28 ସୁଦ୍ଧା ପରିବର୍ତ୍ତନ ପ୍ରକ୍ରିୟା କ୍ରିୟାନୁୟନ ହୋଇଯିବ । ଗତକାଲି ମୁଖ୍ୟ ପ୍ରଶାସକଙ୍କ ସହ ସମୀକ୍ଷା ସରିଛି । କାମ ସନ୍ତୋଷ ଜନକ ଭାବେ ଚାଲିଛି । ପରୀକ୍ଷାମୂଳକ ଭାବେ 30 ଏବଂ 31ରେ ଧାଡି ଦର୍ଶନ ହେବ । 1 ରୁ ନିୟମିତ ଦର୍ଶନ ପ୍ରକ୍ରିୟାକୁ ଆସିବ । ସାତ ପାହାଚ ଦ୍ୱାର ଦେଇ ପ୍ରବେଶ , ଘଣ୍ଟି ଏବଂ ଗାରଦ ଦ୍ୱାର ଦେଇ ପ୍ରସ୍ଥାନ କରିବେ । ଘଣ୍ଟି ଦ୍ୱାରରେ ମହିଳା ଏବଂ ବରିଷ୍ଠ ନାଗରିକ ବାହାରିବେ । ଗାରଦ ଦ୍ୱାରରେ ପୁରୁଷମାନେ ଦର୍ଶନ କରି ବାହାରିବେ ।"
ଆଡ଼ଭୋକେଟ ୱେଲଫେୟାର ଫଣ୍ଡ ବୃଦ୍ଧି
ଅନ୍ୟପଟେ ଆଡ଼ଭୋକେଟ ୱେଲଫେୟାର ଫଣ୍ଡ ବୃଦ୍ଧି କରାଯିବା ନେଇ ଆଇନମନ୍ତ୍ରୀ କହିଛନ୍ତି," ରାଜ୍ୟର ଆଇନଜୀବୀ ମାନଙ୍କ କଲ୍ୟାଣ ପାଇଁ ଆମ ସରକାର ଦୃଢ଼ ସଂକଳ୍ପବଦ୍ଧ । ରାଜ୍ୟ ସରକାରଙ୍କ ପକ୍ଷରୁ ଆଇନଜୀବୀଙ୍କ ଦେହାନ୍ତ କିମ୍ବା ଅବସରକାଳୀନ ସହାୟତା ରାଶିକୁ ଦୁଇ ଗୁଣା ବୃଦ୍ଧି କରାଯାଇଛି । ପୂର୍ବରୁ ଏହା ବାର୍ଷିକ ୫ କୋଟି ଥିବାବେଳେ ଆମ ସରକାର ଚଳିତ ବଜେଟରେ ଏହି ରାଶିକୁ ବୃଦ୍ଧି କରି ୧୦ କୋଟି କରିଛନ୍ତି । ଏହି ୧୦ କୋଟି ଅର୍ଥରାଶି ରାଜ୍ୟ ସରକାରଙ୍କ ତରଫରୁ ଓଡିଶା ଆଡ଼ଭୋକେଟ ୱେଲଫେୟାର ଟ୍ରଷ୍ଟକୁ ପ୍ରଦାନ କରାଯାଇଛି । ଏଥିରେ ଆଇନଜୀବୀ ବନ୍ଧୁମାନେ ପୂର୍ବ ସହାୟତା ରାଶି ୪.୫ ଲକ୍ଷ ବଦଳରେ ଦୁଇଗୁଣା ରାଶି ଅର୍ଥାତ୍ ୯ ଲକ୍ଷ ଟଙ୍କା ସହାୟତା ରାଶି ପାଇବେ ।"
| ଏହାମଧ୍ୟ ପଢନ୍ତୁ... |