କଟକ: ନିର୍ବାଚନ ପୂର୍ବରୁ ସୁଦୃଢ଼ ହେଉଛି ପୋଲିସ। ଅପରାଧ ହ୍ରାସ କରିବା ପାଇଁ ଅନେକ ପଦକ୍ଷେପ ଗ୍ରହଣ କରୁଛି ରାଜ୍ୟ ପୋଲିସ । ଏହି କ୍ରମରେ ସାରା ରାଜ୍ୟର ସାଧାରଣ ଲୋକଙ୍କ ସେବାରେ ନିୟୋଜିତ ହେବା ପାଇଁ 285 ଟି ପୋଲିସ ଯାନର ଲୋକାର୍ପଣ ହୋଇଛି । କଟକ ଓଏମପି ଷଷ୍ଠବାଟାଲିୟନ ପରିସରରେ ପୋଲିସ ଡିଜି ଅରୁଣ କୁମାର ଷଡଙ୍ଗୀ ଏହାକୁ ଲୋକାର୍ପଣ କରିଛନ୍ତି ।
ସୂଚନା ଅନୁସାରେ, ଲୋକାର୍ପଣ ହୋଇଥିବା 285ଟି ଯାନ ମଧ୍ୟରେ 71ଟି ଚାରିଚକିଆ, 120 ଟି ସ୍କୁଟି, 94 ଟି ମୋଟର ସାଇକେଲ ରହିଛି । ଏହି ଉତ୍ସବରେ ବରିଷ୍ଠ ଆଇପିଏସ ଅଧିକାରୀମାନେ ଉପସ୍ଥିତ ଥିଲେ । ସାରା ରାଜ୍ଯରେ ଆଇନଶୃଙ୍ଖଳା ରକ୍ଷା ପାଇଁ ନିୟୋଜିତ ହେବ ଏହି ସମସ୍ତ ଯାନ । ଏଥି ପାଇଁ ରାଜ୍ୟ ସରକାର 32 କୋଟି ଟଙ୍କାର ବ୍ୟୟବରାଦ କରିଥିବା ବେଳେ ନିର୍ଭୟା ପାଣ୍ଠୀରୁ 8 କୋଟି ଖର୍ଚ୍ଚ କରାଯାଇଛି । ଏହା ଦ୍ବାରା ଆଇନ ଶୃଙ୍ଖଳାରେ ସୁଧାର ଆସିବା ସହ ମହିଳା ଓ ଶିଶୁଙ୍କ ସୁରକ୍ଷା ପାଇଁ ସ୍ବତନ୍ତ୍ର ଧ୍ୟାନ ଦିଆଯାଇପାରିବ ବୋଲି ପୋଲିସ ମହାନିର୍ଦ୍ଦେଶକ କହିଛନ୍ତି । ରାଜ୍ୟର ବିଭିନ୍ନ ପୋଲିସ ଷ୍ଟେସନରେ ଏହାକୁ ନିୟଯୋଗ କରାଯି ବେଲି କହିଛନ୍ତି ପୋଲିସ ଜିଡି ଅରୁଣ କୁମାର ଷଡଙ୍ଗୀ ।