ଯାଜପୁର: ରାଜ୍ୟପାଳ ରଘୁବର ଦାସଙ୍କର ଦିନିକିଆ ଯାଜପୁର ଗସ୍ତ । ଗସ୍ତରେ ଆସି ଜିଲ୍ଲାର ଜନସାଧାରଣଙ୍କ ସହିତ ବିଭିନ୍ନ ଉନ୍ନତିମୂଳକ ଯୋଜନା ବିଷୟରେ ଆଲୋଚନା କରିଛନ୍ତି । ପ୍ରଥମେ ମା’ ବିରଜାଙ୍କ ଦର୍ଶନ ଏ ପୂଜାପାଠ ପରେ ମିଶନ ଶକ୍ତି ଭବନ ଯାଇଥିଲେ । ପରେ ଦଶରଥପୁର ବ୍ଲକ ଯାଇ ସେଠାରେ ଲୋକଙ୍କୁ ଭେଟି ଆଲୋଚନା କରିଥିଲେ ।
ଦିନିକିଆ ଯାଜପୁର ଗସ୍ତରେ ରାଜ୍ୟପାଳ ଯାଇଥିଲେ । ସେଠାରେ ସେ ଲୋକଙ୍କ ସହ ଅନେକ ଉନ୍ନୟନମୂଳକ କାର୍ଯ୍ୟ ବିଷୟରେ ଆଲୋଚନା କରିଥିଲେ । ସେ ପୂର୍ବାହ୍ନରେ ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜା ମନ୍ଦିରରେ ପହଞ୍ଚିବା ପରେ ଦର୍ଶନ କରିବା ସହିତ ମନ୍ଦିର ଚତୁଃପାର୍ଶ୍ଵରେ ପରିକ୍ରମା କରିଥିଲେ । ପରେ ସ୍ୱତନ୍ତ୍ର ପୂଜା ପାଠ କରିବା ପରେ ମିଶନ ଶକ୍ତି ଭବନ ଯାଇ ମିଶନ ଶକ୍ତିର ମହିଳାମାନଙ୍କ ସହିତ ଆଲୋଚନା କରିଥିଲେ । ଏହା ପରେ ଦଶରଥପୁର ବ୍ଲକ ଅଭିମୁଖେ ଯାତ୍ରା କରିଥିଲେ । ଏହାପରେ ରାଜ୍ୟପାଳ ରଘୁବର ଦାସ ଅପରାହ୍ନ ୨ଟାରେ ଦଶରଥପୁର ବ୍ଲକର ବିଭିନ୍ନ ଅଞ୍ଚଳକୁ ଯାଇ ଲୋକଙ୍କୁ ଭେଟିଛନ୍ତି । ପ୍ରଥମେ ଖଣ୍ଡରା ପଞ୍ଚାୟତ କାର୍ଯ୍ୟାଳୟକୁ ଯାଇ ସେଠାରେ ଏକ ସଭାରେ ଯୋଗ ଦେବା ସହ ଲୋକଙ୍କୁ ଭେଟି ସରକାରୀ ଅଧିକାରୀମାନଙ୍କ ସହିତ ଆଲୋଚନା କରିଥିଲେ । ଏହା ପରେ ରାସ୍ତାରେ ଯାଉଥିବା ବେଳେ ରାସ୍ତାକଡ଼ର ଏକ ମାଟି ଘରକୁ ଯାଇ ତାଙ୍କ ଭଲ ମନ୍ଦ କଥା ବୁଝିଥିଲେ । ଏହି ସମୟରେ ରାଜ୍ୟପାଳ ସେହି ପରିବାରକୁ ୧ ଲକ୍ଷ ଟଙ୍କା ଦେବା ସହିତ ଆବାସ ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି । ଏହି ଗସ୍ତ କାଳରେ ବିଭିନ୍ନ ପଞ୍ଚାୟତର ଲୋକ ପ୍ରତିନିଧି ଏବଂ ସଂଗଠନର କର୍ମକର୍ତ୍ତାଙ୍କ ପକ୍ଷରୁ ରାଜ୍ୟପାଳଙ୍କୁ ବିଭିନ୍ନ ଦାବିପତ୍ର ପ୍ରଦାନ କରାଯାଇଛି ।