ପୁରୀ:ରଘୁବର ଦାସ ନିଜ ପଦବୀରୁ ଇସ୍ତଫା ଦେଇଛନ୍ତି । ଓଡ଼ିଶାର ନୂଆ ରାଜ୍ୟପାଳ ହୋଇଛନ୍ତି କମ୍ଭମପତି ହରିବାବୁ । ଆଜି ପୁରୀ ଆସି ମହାପ୍ରଭୁଙ୍କୁ ଦର୍ଶନ କରିଛନ୍ତି ପୂର୍ବତନ ରାଜ୍ୟପାଳ ରଘୁବର ଦାସ । ସେ କହିଛନ୍ତି,"ଓଡ଼ିଶାବାସୀଙ୍କ ସମ୍ପର୍କ ଅଭୁଲା ସ୍ମୃତି ହୋଇ ରହିବ । ଦଳ ଯାହା ଦାୟିତ୍ଵ ଦେବ ତାହା ମୁଁ ନିର୍ବାହ କରିବି ।"
'ଓଡ଼ିଶା ଲୋକ ବହୁତ ସ୍ୱାଭିମାନୀ'
ଆଜି ଶ୍ରୀମନ୍ଦିର ଆସି ମହାପ୍ରଭୁଙ୍କୁ ଦର୍ଶନ କରିଛନ୍ତି ପୂର୍ବତନ ରାଜ୍ୟପାଳ ରଘୁବର ଦାସ । ଦର୍ଶନ କରିବା ପରେ ପୂର୍ବତନ ରାଜ୍ୟପାଳ ନିଜ ପ୍ରତିକ୍ରିୟାରେ କହିଛନ୍ତି, "ମୁଁ ଅତ୍ୟନ୍ତ ସୌଭଗ୍ୟଶାଳୀ ଯେ ମୁଁ ମହାପ୍ରଭୁ ଜଗନ୍ନାଥଙ୍କ ଭୂମିରେ ଦୀର୍ଘ 14 ମାସ କାର୍ଯ୍ୟ କରିବାର ସୁଯୋଗ ପାଇଲି। ତେବେ ଓଡ଼ିଶାର ଲୋକଙ୍କ ସହ ଏହାରି ଭିତରେ ଯେଉଁ ସମ୍ପର୍କ ସୃଷ୍ଟି ହୋଇଛି ତାହା ସାରା ଜୀବନ ସ୍ମୃତି ହୋଇ ରହିବ। ଓଡ଼ିଶାର କଳା, ସଂସ୍କୃତି, ପରମ୍ପରା ବେଶ ସମୃଦ୍ଧ। ଓଡ଼ିଶା ଲୋକ ବହୁତ ସ୍ୱାଭିମାନୀ । ଆଗାମୀ 2036 ମସିହାରେ ଓଡ଼ିଶାର ଗଠନ 100 ବର୍ଷ ପୂରଣ କରିବ । ଓଡ଼ିଶାର ନୂଆ ସରକାର ଯେଭଳି ବିକାଶ କାର୍ଯ୍ୟ ଆରମ୍ଭ କରିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଓ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦରେ 2036 ସୁଦ୍ଧା ଓଡ଼ିଶା ଏକ ବିକଶିତ ରାଜ୍ୟ ଭାବେ ପରିଗଣିତ ହେବ।"
| ଏହା ବି ପଢନ୍ତୁ...ହରିବାବୁ କମ୍ଭମପତି ହେଲେ ଓଡ଼ିଶାର ନୂଆ ରାଜ୍ୟପାଳ |