ମାଓଗଡ଼ ମାତାଗାଡୁରେ ଜିଲ୍ଲାପାଳ: ଲୋକଙ୍କୁ ଭେଟିଲେ, ସମସ୍ୟା ଶୁଣିଲେ

Boudh collector in Moa Affected Matagadu Village: ବୌଦ୍ଧ ଜିଲ୍ଲାର ମାଓ ପ୍ରଭାବିତ ଅଞ୍ଚଳ ମାତାଗାଡୁ ଗ୍ରାମ ପରିଦର୍ଶନ କରିବା ସହ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କଲେ ଜିଲ୍ଲାପାଳ । ଅଧିକ ପଢନ୍ତୁ

ବୌଦ୍ଧ:ମାଓ ଅଧ୍ୟୁଷିତ ବୌଦ୍ଧ ଜିଲ୍ଲାର ଅତ୍ୟନ୍ତ ଦୁର୍ଗମ ଅଞ୍ଚଳରେ ପହଞ୍ଚିଲେ ଜିଲ୍ଲାପାଳ ଓ ଏସପି । ସେଠାରେ ବୁଥ ପରିଦର୍ଶନ କରିବା ସହିତ ସ୍ଥାନୀୟ ଅଧିବାସୀଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କଲେ ଜିଲ୍ଲାପାଳ । ବିଶେଷ ଭାବେ ମହିଳା ଓ ଶିଶୁମାନଙ୍କ ସମସ୍ୟା, ସ୍ବାସ୍ଥ୍ୟ ସେବା, ପାନୀୟଜଳ ଭଳି ବିଭିନ୍ନ କ୍ଷେତ୍ରରେ ବ୍ୟାପକ ସମସ୍ୟା ରହିଥିବା ନେଇ ଗ୍ରାମବାସୀମାନେ ଜିଲ୍ଲାପାଳଙ୍କ ଦୃଷ୍ଟି ଗୋଚର କରିଥିଲେ ।

ମାଓ ଅଧ୍ୟୁଷିତ ଜିଲ୍ଲାର ସବୁଠାରୁ ଦୁର୍ଗମ ଅଞ୍ଚଳରେ ଥିବା ଗ୍ରାମର ବୁଥ ପରିଦର୍ଶନ ସହିତ ସ୍ଥାନୀୟ ଅଧିବାସୀଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କଲେ ଜିଲ୍ଲାପାଳ । ସେଠାରେ ଥିବା ପୋଲିଂ ବୁଥ ପରିଦର୍ଶନ ସହିତ ଜିଲ୍ଲାପାଳ ସ୍ଥାନୀୟ ଆଦିବାସୀ ଅଧିବାସୀଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ବୌଦ୍ଧ ଜିଲ୍ଲା ସଦର ବ୍ଲକ ଅନ୍ତର୍ଗତ ଆମ୍ବଝରୀ ପଞ୍ଚାୟତର ଅତ୍ୟନ୍ତ ଦୁର୍ଗମ ଅଞ୍ଚଳ ଭାବରେ ପରିଚିତ ମାତାଗାଡୁ ଗ୍ରାମରେ ମଙ୍ଗଳବାର ଜିଲ୍ଲାପାଳ ଜେ ସୋନାଲ ଓ ଏସପି ରାଜ ପ୍ରସାଦ ଅନ୍ୟ ବିଭାଗର କର୍ମଚାରୀଙ୍କ ସହିତ ପହଞ୍ଚି ଥିଲେ । ସେଠାରେ ପହଞ୍ଚି ସେଠାରେ ପୋଲିଂ ବୁଥ ପରିଦର୍ଶନ ସହିତ ସ୍ଥାନୀୟ ଲୋକଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ ।

ବିଶେଷ ଭାବେ ମହିଳା ଓ ଶିଶୁ ମାନଙ୍କର ସମସ୍ୟା, ପାନୀୟ ଜଳର ଅଭାବ, ସ୍ବାସ୍ଥ୍ୟ ସେବା ଭଳି ବିଭିନ୍ନ କ୍ଷେତ୍ରରେ ବ୍ୟାପକ ସମସ୍ୟା ରହିଥିବା ଜିଲ୍ଲାପାଳଙ୍କ ଦୃଷ୍ଟି ଗୋଚର କରିଥିଲେ ଗ୍ରାମବାସୀ । ଖୋଦ ଜିଲ୍ଲାପାଳ ଗ୍ରାମର ଏକମାତ୍ର ନଳକୂପରୁ ପାଣି ବାହାରି ପାରୁନଥିବା ପରୀକ୍ଷା କରି ଜାଣିଥିଲେ । ଏହାଛଡା ଅଧିକାଂଶ ସମୟରେ ଏଠାରେ ମହିଳା ଓ ଶିଶୁଙ୍କ ପାଇଁ ଉଦ୍ଦିଷ୍ଟ ସୁଷମ ଖାଦ୍ୟ ଠିକରେ ମିଳୁନଥିବା ନେଇ ଗ୍ରାମର ମହିଳାମାନେ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଥିଲେ ।

ଅନ୍ୟପଟେ ଏଠାରେ ସରକାରଙ୍କ ବିଭିନ୍ନ କଲ୍ୟାଣକାରୀ ଯୋଜନା ଠିକରେ ପହଞ୍ଚି ପାରୁନଥିବା ବେଳେ ଦୁର୍ଗମ ଅଞ୍ଚଳର ବିକାଶ ତଥା ଘାଟି ରାସ୍ତାର ଉନ୍ନତିକରଣ ପାଇଁ 1 କୋଟି 40 ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ସୂଚନା ମିଳିଛି । ବୌଦ୍ଧର ଜିଲ୍ଲାପାଳଙ୍କ ମାତାଗାଡୁକୁ ଏହା ପ୍ରଥମ ଗସ୍ତ ହୋଇଥିବା ବେଳେ ମାଓ ପ୍ରଭାବିତ ଅଞ୍ଚଳ ହୋଇ ଥିବାରୁ ଜିଲ୍ଲାପାଳ ଓ ଏସପିଙ୍କ ସହିତ ସଶସ୍ତ୍ର ସୁରକ୍ଷା ବାହିନୀ ଉପସ୍ଥିତ ଥିଲେ । ଏହା ପୂର୍ବରୁ ଗତ ମାସରେ ବୌଦ୍ଧର ପୂର୍ବତନ ଉପଜିଲ୍ଲାପାଳ ରବୀନ୍ଦ୍ରନାଥ କହଁର ମଧ୍ୟ ଏହି ମାତାଗାଡୁ ଗ୍ରାମ ପରିଦର୍ଶନ କରିଥିଲେ ।

ଇଟିଭି ଭାରତ, ବୌଦ୍ଧ