ଓ୍ବାଶିଂଟନ:ଟି20 ବିଶ୍ବକପର ତୃତୀୟ ମ୍ୟାଚରେ ନାମିବ୍ୟାର ଦମଦାର ବିଜୟ । ସୁପର ଓଭରରେ ଓମାନକୁ 11 ରନରେ ହରାଇ ବିଜୟରୁ ବିଶ୍ବକପ ଅଭିଯାନ ଆରମ୍ଭ କଲା ନାମିବ୍ୟା । ଦୁଇ ଦଳର ରନ ସମାନ ହେବା ପରେ ସୁପର ଓଭର ଖେଳାଯାଇଥିଲା । ପ୍ରଥମେ ନମିବ୍ୟା ବ୍ୟାଟିଂ କରି 21 ରନ କରିଥିଲା । 22 ରନର ବିଜୟ ଲକ୍ଷ୍ୟ ପିଛା କରି ଗୋଟିଏ ଓ୍ବିକେଟ ହରାଇ ଦଳ 10 ରନ କରିବାକୁ ସମର୍ଥ ହୋଇଥିଲା ।
ଭାରତୀୟ ସମୟ ସକାଳ 6ଟାରେ କେନ୍ସିଙ୍ଗଟନ୍ ଓଭାଲ୍ ବାରବାଡୋସରେ ନାମିବ୍ୟା ଓ ଓମାନ ମଧ୍ୟରେ ମୁକାବିଲା ହୋଇଥିଲା । ଟସ ଜିତି ପ୍ରଥମେ ଫିଲ୍ଡି ନିଷ୍ପତ୍ତି ନେଇଥିଲା ନାମିବ୍ୟା । ଏହାପରେ ବ୍ୟାଟିଂ ପାଇଁ ଓମାନଙ୍କୁ ଆମନ୍ତ୍ରଣ କରିଥିଲା । ଆରମ୍ଭରୁ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ନାମିବ୍ୟାର ଘାତକ ବୋଲିଂରେ ଚିତପଟାଙ୍ଗ ହୋଇଥିଲେ ଓମାନ ବ୍ୟାଟର । ରନ କରିବାରେ ବିପଳ ହୋଇଥିଲା ଦଳର ଟପ ଅର୍ଡର । କଶ୍ୟପ ଓ ଆକ୍ୟୁବ ଖାତା ଖୋଲିବା ପୂର୍ବରୁ ଆଉଟ ହୋଇଥିବା ବେଳେ ନଶିମ 6ରନ କରି ପାଭିଲିୟନକୁ ଫେରିଥିଲେ । ମାତ୍ର 10 ରନରେ ଦଳ 3ଟି ଓ୍ବିକେଟ ହରାଇଥିଲା । ଦଳୀୟ ସ୍କୋର 96 ହୋଇଥିବା ବେଳେ ଅଷ୍ଟମ ଓ୍ବିକେଟ ପଡିଥିଲା । ଜିସାନ 22, ଖଲିଡ 34, ଆୟନ ଖାନ 15, ମହମ୍ମଦ ନଦୀମ6, ସଖିଲ 11ରନ କରିଥିଲେ । ଓଭର ସରିବା ପୂର୍ବରୁ 2ଟି ବଲ ବାକିଥାଇ ମାତ୍ର 109ରନରେ ଦଳ ଅଲ ଆଉଟ ହୋଇଥିଲା ।