ଓ୍ବାଶିଂଟନ: ଟି 20 ବିଶ୍ବକପର 11ତମ ମୁକାବିଲାରେ ଆମେରିକାର ଦମଦାର ବିଜୟ । ସୁପର ଓଭରରେ ପାକିସ୍ତାନକୁ ଧୂଳି ଚଟାଇଲା ୟୁଏସ । ଅଭିଜ୍ଞ ପାକିସ୍ତାନକୁ 5 ରନରେ ପରାସ୍ତ କରିଛି ଅନଭିଜ୍ଞ ଆମେରିକା ଟିମ । ବିଜୟ ଧାରା ଜାରି ରଖି ଗ୍ରୁପ ଏ ପଏଣ୍ଟ ତାଲିକାର ଶିର୍ଷରେ ରହିଛି ଆମେରିକା । ସେପଟେ ଟୁର୍ଣ୍ଣାମେଣ୍ଟରେ ପ୍ରଥମ ମ୍ୟାଚ ଖେଳି ପରଜାୟରୁ ଅଭିଯାନ ଆରମ୍ଭ କରିଛି ପାକ । ଦୁଇ ଦଳ ମଧ୍ୟରେ ରନ ସାମନ ହେବାରୁ ସୁପର ଓଭର ମ୍ୟାଚ ଖେଳାଯାଇଥିଲା । ଅର୍ଦ୍ଧଶତକୀୟ ପାଳି ଖେଳି ମୋନାଙ୍କ ପଟେଲ ମ୍ୟାନ ଅଫଦ ମ୍ୟାଚ ବିବେଚିତ ହୋଇଥିଲେ ।
ଗତ ରାତିରେ ଆମେରିକାର ଗ୍ରାଣ୍ଡ୍ ପ୍ରାଏରୀ ଷ୍ଟାଡିୟମରେ ଆମେରିକା ଓ ପାକିସ୍ତାନ ମଧ୍ୟରେ ମ୍ୟାଚ ଖେଳାଯାଇଥିଲା । ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲା ୟୁଏସଏ । ବ୍ୟାଟିଂ ପାଇଁ ବାବର ଆଜମଙ୍କ ବାହିନୀକୁ ଆମନ୍ତ୍ରଣ କରିଥିଲା । ଆରମ୍ଭରୁ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲେ ମଧ୍ୟ ବାବର ପାଳି ସମ୍ଭାଳିଥିଲେ । ସେ 44 ରନ କରି ଆଉଟ ହୋଇଥିଲେ । ଅନ୍ୟମାନଙ୍କ ମଧ୍ୟରେ ସହଦେବ ଖାନ 40 ଓ ଶାହିନ ଆଫ୍ରିଦ 23 ରନ କରିଥିଲେ । 20 ଓଭରରେ ଦଳ 7 ଓ୍ବିକେଟ ହରାଇ 159 ରନ କରିବାକୁ ସକ୍ଷମ ହୋଇଥିଲା । ଆମେରିକାର କେଜିଙ୍ଗେ 3 ଓ ସୌରଭ ନେତ୍ରଭାଲକର 2ଟି ଓ୍ବିକେଟ ନେଇଥିଲେ ।