ଡର୍ବାନ୍ (ଦକ୍ଷିଣ ଆଫ୍ରିକା): ଶ୍ରୀଲଙ୍କା କ୍ରିକେଟ ଟିମର ଅଲୋଡା ରେକର୍ଡ । ଟେଷ୍ଟ କ୍ରିକେଟ ଇତିହାସରେ ସ୍କୋର କଲା ନିଜ ଦଳର ସର୍ବନିମ୍ନ ସ୍କୋର । ଦକ୍ଷିଣ ଆଫ୍ରିକାରେ ଟେଷ୍ଟ ମ୍ୟାଚରେ ଶ୍ରୀଲଙ୍କା ବ୍ୟାଟର ମାତ୍ର 42 ରନ ସ୍କୋର କରିଛନ୍ତି । ଏପଟେ ଦକ୍ଷିଣ ଆଫ୍ରିକାର ବୋଲର ମାର୍କୋ ଜନସନ ମାତ୍ର 13 ରନ ଦେଇ 7ଟି ଓ୍ବିକେଟ ଅକ୍ତିଆର କରିଛନ୍ତି ।
ପ୍ରଥମେ ଟସ୍ ଜିତି ଶ୍ରୀଲଙ୍କା ବୋଲିଂ ନିଷ୍ପତ୍ତି ନେଇଥିଲା । ଦଳୀୟ ବୋଲର ଦମଦାର ବୋଲିଂ କରିଥିଲେ । ଘରୋଇ ଦଳ ଦକ୍ଷିଣ ଆଫ୍ରିକା ମାତ୍ର 191 ରନ ସ୍କୋର କରିଥିଲା । ଏହାର ଜବାବରେ ଶ୍ରୀଲଙ୍କା ପ୍ରଥମ ଇନିଂସରେ ମାତ୍ର 42 ରନରେ ଅଲଆଉଟ ହୋଇଯାଇଛି ।
ଶ୍ରୀଲଙ୍କା କ୍ରିକେଟ୍ ଦଳ ଟେଷ୍ଟ କ୍ରିକେଟରେ ସର୍ବନିମ୍ନ ଦଳ ସ୍କୋର ରେକର୍ଡ କରିଛି । ସ୍ଥାନୀୟ କିଙ୍ଗମେଡ୍ ଡର୍ବାନ ଠାରେ ଚାଲିଥିବା ଦୁଇ ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ଟେଷ୍ଟରେ ଦକ୍ଷିଣ ଆଫ୍ରିକା ବିପକ୍ଷରେ ଶ୍ରୀଲଙ୍କା ପ୍ରଥମ ଇନିଂସରେ 42 ରନ୍ ସଂଗ୍ରହ କରିଛି । ଦକ୍ଷିଣ ଆଫ୍ରିକାର ପ୍ରଥମ ଇନିଂସ କେବଳ 191 ରନରେ ସୀମିତ ଥିଲା ।
ଶ୍ରୀଲଙ୍କା ଦଳ ମାତ୍ର 83 ବଲରେ ଆଉଟ୍ ହୋଇଥିଲେ । ଯାହାକି କୌଣସି ଦଳ ଟେଷ୍ଟ କ୍ରିକେଟରେ କମ ବଲରେ ଅଲଆଉଟ ହେବାର ଦ୍ୱିତୀୟ ରେକର୍ଡ । ଏହାପୂର୍ବରୁ, ଦକ୍ଷିଣ ଆଫ୍ରିକା ଦଳ 1924 ମସିହାରେ ଏଡବାଷ୍ଟନ୍ ଠାରେ ଇଂଲଣ୍ଡ ବିପକ୍ଷରେ 75 ବଲରେ 30 ରନରେ ଆଲଆଉଟ୍ ହୋଇଥିଲେ ।