ଡେରାଡୁନ: ୩୮ତମ ନ୍ୟାସନାଲ ଗେମ୍ସରେ ଓଡ଼ିଶାର ଦମଦାର ପ୍ରଦର୍ଶନ । ଉଭୟ ମହିଳା ଓ ପୁରୁଷ ବର୍ଗରେ ଓଡ଼ିଶା ଖୋ ଖୋ ଟିମ ଦ୍ବିତୀୟ ଦିନରେ ବିଜୟ ଧାରା ଜାରି ରଖିଛନ୍ତି । କ୍ରମାଗତ ବିଜୟ ସହ ଆଗକୁ ବଢ଼ି ଚାଲିଛି ଓଡ଼ିଶା ଖୋ ଖେ ଟିମ । ନ୍ୟାସନାଲ ଗେମ୍ସର ଆଜି ଦ୍ବିତୀୟ ଦିନରେ ଓଡ଼ିଶା ଖୋ ଖୋ ଟିମ (ପୁରୁଷ ବର୍ଗ) ପଶ୍ଚିମବଙ୍ଗ ଟିମ୍କୁ ପରାସ୍ତ କରିଛି । ସେହିପରି ଓଡ଼ିଶା ମହିଳା ବର୍ଗ ଖୋ ଖୋ ଟିମ ଗୁଜୁରାଟକୁ ପରାସ୍ତ କରି ବିଜୟୀ ହୋଇଛି ।
ଓଡ଼ିଶା ଖୋ ଖୋ ଟିମର ଦମଦାର ପ୍ରଦର୍ଶନ:
ଆଜି ଚୌଖମ୍ବ ହଲରେ ସକାଳ ୧୦ଟାରେ ଓଡ଼ିଶା ଏବଂ ପଶ୍ଚିମବଙ୍ଗ ମଧ୍ୟରେ (ପୁରୁଷ ବର୍ଗ)ର ଖୋ ଖୋ ମ୍ୟାଚ ଖେଳାଯାଇଥିଲା । ପ୍ରଥମ ଇନିଂସରେ ଓଡ଼ିଶା ୨୦-୧୬ରେ ଆଗୁଆ ରହିଥିଲା । ପରେ ଦ୍ବିତୀୟ ଇନିଂସରେ ଦମଦାର ପ୍ରଦର୍ଶନ ଜାରି ରଖିଥିଲେ ଓଡ଼ିଶା ଖୋ ଖୋ ଟିମ ଖେଳାଳି । ଦ୍ବିତୀୟ ଇନିଂସରେ ଓଡ଼ିଶା ୨୨-୧୪ରେ ଅଗ୍ରଣୀ ବଜାୟ ରଖିଥିଲା । ଫଳରେ ପଶ୍ଚିମବଙ୍ଗକୁ ପରାସ୍ତ କରି ୪୪-୨୮ ବ୍ୟବଧାନରେ ଆଗୁଆ ରହି ବିଜୟୀ ହୋଇଥିଲା ଓଡ଼ିଶା । ସେହିପରି ମହିଳା ବର୍ଗରେ ଓଡିଶା ଓ ଗୁଜୁରାଟ ଖୋ ଖୋ ଟିମ ମଧ୍ୟରେ ମ୍ୟାଚ ଖେଳାଯାଇଥିଲା । ଗୁଜୁରାଟକୁ ପରାସ୍ତ ଓଡ଼ିଶା ମହିଳା ଖୋ ଖୋ ଟିମ ୨୬-୧୬ରେ ଆଗୁଆ ରହି ବିଜୟୀ ହୋଇଛି ।
🏆💥 Victory for Odisha! 💥🏆
— Department of Sports, Government of Uttarakhand (@uksportsdept) January 29, 2025
Our men's Kho-Kho team shines bright at the 38th National Games! ✨ A dominant 44-28 win over West Bengal! 💪
The roar of triumph, the sweat of determination, and the spirit of champions. Odisha takes the lead! 🔥🔥#38thNationalGames… pic.twitter.com/1ozD2VkeyM
ପ୍ରଥମ ଦିନରୁ ବିଜୟ ଧାରା ଆରମ୍ଭ:
ତେବେ ଗତକାଲି ୩୮ତମ ନ୍ୟାସନାଲ ଗେମ୍ସର ପ୍ରଥମ ଦିନରୁ ହିଁ ଓଡ଼ିଶାର ଉଭୟ ପୁରୁଷ ଓ ମହିଳା ବର୍ଗର ଖୋ ଖୋ ଟିମ ସେମାନଙ୍କ ବିଜୟ ଅଭିଯାନ ଆରମ୍ଭ କରିଥିଲା । ପୁରୁଷ ବର୍ଗରେ ଓଡ଼ିଶା ଓ ଛତିଶଗଡ଼ ମଧ୍ୟରେ ଖେଳାଯାଇଥିବା ମ୍ୟାଚରେ ଛତିଶଗଡ଼କୁ ପାରସ୍ତ କରିଥିଲା ଓଡ଼ିଶା । ୪୩-୩୪ରେ ଆଗୁଆ ରହିଥିଲା ଓଡ଼ିଶା ପୁରୁଷ ବର୍ଗ ଖୋ ଖୋ ଟିମ । ସେହିପରି ମହିଳା ବର୍ଗ ଖୋ ଖୋ ଟିମ ପ୍ରଥମ ମ୍ୟାଚରେ ତାମିଲନାଡୁକୁ ସାମ୍ନା କରିଥିଲା । ପ୍ରଥମ ଦିନରୁ ହିଁ ବିଜୟର ସ୍ବାଦ ଚାଖିଥିଲେ ଓଡ଼ିଶା ମହିଳା ଟିମ । ତାମିଲନାଡୁ ଦଳକୁ ପରାସ୍ତ କରି ୩୬-୧୮ରେ ଅଗ୍ରଣୀ ରହିଥିଲା ଓଡ଼ିଶା ମହିଳା ବର୍ଗ ଖୋ ଖୋ ଟିମ୍ ।
ରଗବି ସେଭେନ୍ସ ଓଡ଼ିଶା ଟିମ୍ ବିଜୟୀ:
୩୮ତମ ନ୍ୟାସନାଲ ଗେମ୍ସର ରଗବି ସେଭେନ୍ସ ଖେଳରେ ମଧ୍ୟ ଆଜି ଓଡ଼ିଶାର ଉଭୟ ମହିଳା ଓ ପୁରୁଷ ବର୍ଗ ଟିମ ବିଜୟୀ ହୋଇଛନ୍ତି । ଓଡ଼ିଶା ରଗବି ସେଭେନ୍ସ ( ମହିଳା ବର୍ଗ) ଟିମ୍ ଉତ୍ତରାଖଣ୍ଡ ଟିମକୁ ୫୭-୦ରେ ପରାସ୍ତ କରିଛି । ସେହିପରି ପୁରୁଷ ବର୍ଗ ବିହାରକୁ ୨୯-୦ରେ ପରାସ୍ତ କରି ବିଜୟୀ ହୋଇଛି ।
🏆 Victory on the court! 🏆
— Department of Sports, Government of Uttarakhand (@uksportsdept) January 29, 2025
Odisha’s women's Kho-Kho team emerges victorious at the 38th National Games, defeating Gujarat in a thrilling showdown! 💪🔥
A huge shout-out to the champions for their unbeatable spirit and determination! 🙌👏#38thNationalGames… pic.twitter.com/WnDhpTXxnM
ସୂଚନା ଥାଉ କି, ଉତ୍ତରାଖଣ୍ଡରେ ଆୟୋଜିତ ହୋଇଥିବା ନ୍ୟାସନାଲ ଗେମ୍ସର ୩୮ତମ ସଂସ୍କରଣ ଗତକାଲି (ମଙ୍ଗଳବାର) ଠାରୁ ଆରମ୍ଭ ହୋଇଥିବା ବେଳେ ୧୮ ଦିନ ଧରି ଏହା ଫେବୃଆରୀ ୧୪ ତାରିଖ ପର୍ଯ୍ୟନ୍ତ ଚାଲିବ । ହରିଦ୍ବାର ନୈନିତାଲ, ହଲ୍ଦୱାନୀ, ରୁଦ୍ରପୁର, ଶିବପୁର ଓ ନୂଆ ତେହେରିରେ ମ୍ୟାଚ ଖେଳାଯିବ ।
