ରାଜକୋଟ (ଗୁଜୁରାଟ): ଭାରତ ଏବଂ ଇଂଲଣ୍ଡ ମଧ୍ୟରେ ଏଠାରେ ମଙ୍ଗଳବାର ଦିନ ଖେଳାଯାଇଥିବା ତୃତୀୟ ଟି-20 ମ୍ୟାଚରେ ଭାରତ 26 ରନରେ ପରାସ୍ତ ହୋଇଛି । ଅତିଥି ଦଳ ଇଂଲଣ୍ଡ ପକ୍ଷରୁ ଦିଆଯାଇଥିବା 172 ରନ ଟାର୍ଗେଟକୁ ପିଛା କରି ଭାରତୀୟ ଦଳ ନିର୍ଦ୍ଧିରତ 20 ଓଭରରେ 9 ଓ୍ବିକେଟ ହରାଇ ମାତ୍ର 145 ରନ ସ୍କୋର କରିଥିଲା ।
ଟିମ୍ ଇଣ୍ଡିଆ ଗତକାଲିର ପରାଜୟ ପରେ ସିରିଜ ବର୍ତ୍ତମାନ 2-1 ସ୍ଥିତିରେ ରହିଛି । ଏପଟେ କୌଣସି ବିଦେଶୀ ଦଳ 426 ଦନ ପରେ ଭାରତକୁ ଘରୋଇ ପିଚରେ ଅନ୍ତର୍ଜାତୀୟ ଟି-20 ମ୍ୟାଚରେ ହରାଇଛି । ପୂର୍ବରୁ 2023 ମସିହା ନଭେମ୍ଭର 28 ତାରିଖରେ ଗୌହାଟୀରେ ଖେଳାଯାଇଥିବା ଟି-20 ମ୍ୟାଚରେ ଅଷ୍ଟ୍ରେଲିଆ ଭାରତକୁ 5 ଓ୍ବିକେଟରେ ହରାଇଥିଲା ।
ENGLAND BEAT INDIA BY 26 RUNS IN 3RD T20I MATCH..!!!!
— Tanuj Singh (@ImTanujSingh) January 28, 2025
- This T20I series is now 2-1. 🏆 pic.twitter.com/SysLoAMx5U
ଅତିଥି ଦଳ ଇଂଲଣ୍ଡ ଏହି ମ୍ୟାଚରେ ବିଜୟ ପରେ 5 ମ୍ୟାଚ ବିଶିଷ୍ଟ ସିରିଜ ବର୍ତ୍ତମାନ 2-1 ସ୍ଥିତିରେ ରହିଛି । 172 ରନର ଲକ୍ଷ୍ୟକୁ ପିଛା କରି ଭାରତୀୟ ବ୍ୟାଟର ଆରମ୍ଭରୁ ଆକ୍ରମଣାତ୍ମକ ବ୍ୟାଟିଂ କରିଥିଲେ କିନ୍ତୁ ଗୋଟିଏ ପରେ ଗୋଟିଏ ଓ୍ବିକେଟ ପତନ ପରେ ଚେସ୍ କରିବା ମହଙ୍ଗା ସାବ୍ୟସ୍ତ ହୋଇଥିଲା । ତେବେ ନିଜ ଘରେ ଇଂଲଣ୍ଡଠୁ ହାରିବାର କଣ ରହିଛି 5ଟି ପ୍ରମୁଖ କାରଣ ।
#TeamIndia put up a fight but England won the third T20I by 26 runs!
— BCCI (@BCCI) January 28, 2025
India will look to bounce back in the fourth T20I in Pune. 👍 👍
Scorecard ▶️ https://t.co/amaTrbtzzJ#INDvENG | @IDFCFIRSTBank pic.twitter.com/t0l42NwbvX
1- ଫିକା ପଡିଗଲା ଶାମୀଙ୍କ ରିଟର୍ନ୍ସ
ଭେଟେରାନ ଭାରତୀୟ ବୋଲର ମହମ୍ମଦ ଶାମୀଙ୍କ ରିଟର୍ନ୍ସ 436 ଦିନ ପରେ ଅନ୍ତର୍ଜାତୀୟ କ୍ରିକେଟକୁ ଫିକା ପଡିଗଲା । ଶାନଦାର ଫର୍ମରେ ଥିବା ବାମହାତୀ ବୋଲର ଅର୍ଶଦୀପ ସିଂଙ୍କ ବଦଳରେ ପ୍ଲେଇଂ 11ରେ ଶାମୀଙ୍କୁ ସ୍ଥାନ ମିଳିଥିଲା । କିନ୍ତୁ ଦମଦାର ପ୍ରଦର୍ଶନ କରିବାରେ ଫେଲ ମାରିଛନ୍ତି ଶାମୀ । ସେ ଗତକାଲି ମ୍ୟାଚରେ 3 ଓଭର ବୋଲିଂ କରି 25 ରନ ଖର୍ଚ୍ଚ କରି ଗୋଟିଏ ଓ୍ବିକେଟ ହାସଲ କରିଥିଲେ ।
- Archer gets Sanju in 1st T20I.
— Johns. (@CricCrazyJohns) January 28, 2025
- Archer gets Sanju in 2nd T20I.
- Archer gets Sanju in 3rd T20I. pic.twitter.com/Peg1kOWwnr
2. ପୁଣି ଫେଲ୍ ମାରିଲେ ଓପନର ସାମସନ
ଇଂଲଣ୍ଡଠାରୁ ମ୍ୟାଚ ପରାଜୟର ଆଉ ଏକ ବଡ କାରଣ ଓପନର ସଞ୍ଜୁ ସାମସନ ଲଗାତାର ଭାବେ ତୃତୀୟ ମ୍ୟାଚରେ ଫେଲ ମାରିବା । ଟାର୍ଗେଟ ପିଛା କରି 3ଟି ମ୍ୟାଚରେ ସାମସନ ଫ୍ଲପ୍ ହୋଇଛନ୍ତି । ଅଭିଷେକ ଶର୍ମା ବିସ୍ଫୋରକ ଆରମ୍ଭ କରୁଥିବା ବେଳେ ସାମସନ ଲଗାତାର ଭାବେ ବଡ ସ୍କୋର କରିବାରେ ବିଫଳ ହୋଇଛନ୍ତି । ଗତକାଲି ମ୍ୟାତରେ ସର୍ଟପିଚ୍ ବଲକୁ ପୁଲ୍ ମାରିବାକୁ ଯାଇ ସାମସନ ମାତ୍ର 3 ରନର ବ୍ୟକ୍ତିଗତ ସ୍କରରେ ଆଉଟ ହୋଇଥିଲେ ।
England bounce back with a clinical win in Rajkot to make it 2-1 in the five T20I series👊#INDvENG 📝: https://t.co/rLa32JzewH pic.twitter.com/VeRG5hqNY4
— ICC (@ICC) January 28, 2025
3. କ୍ୟାପଟେନ୍ ସୂର୍ଯ୍ୟକୁମାରଙ୍କ ଫ୍ଲପ୍ ସୋ-
ରାଜକୋଟରେ ମଧ୍ୟ କ୍ୟାପଟେନ୍ ସୂର୍ଯ୍ୟକୁମାରଙ୍କ ଫ୍ଲପ ସୋ ଜାରି ରହିଲା । ପ୍ରଥମ ଏବଂ ଦ୍ବିତୀୟ ଟି-20 ମ୍ୟାଚରେ ବଡ ସ୍କୋର କରିବାରେ ବିଫଳ ହୋଇଥିବା ସୂର୍ଯ୍ୟକୁମାର ମଧ୍ୟ ତୃତୀୟ ମ୍ୟାଚରେ ବଡ ସ୍କୋର କରିବାରେ ବିଫଳ ହୋଇଥିଲେ । ସେ ଗତକାଲିର ମ୍ୟାଚରେ ମାତ୍ର 14 ରନ ସ୍କୋର କରି ଆଉଟ ହୋଇଥିଲେ ।
4. ଓ୍ବାଂଶିଟନ ସୁନ୍ଦରଙ୍କ ଉଭୟ ବଲ ଏବଂ ବ୍ୟାଟରେ ଖରାପ ପ୍ରଦର୍ଶନ-
ସ୍ପିନ ଅଲରାଉଣ୍ଡର ଓ୍ବାଂଶିଟନ ସୁନ୍ଦରଙ୍କ ଫ୍ଲପ ସୋ ତୃତୀୟ ମ୍ୟାଚର ଦେଖିବାକୁ ମିଳିଲା ଉଭୟ ବ୍ୟାଟ ଏବଂ ବଲରେ । ସୁନ୍ଦର ବୋଲିଂରେ ଗୋଟିଏ ଓଭର ବୋଲିଂ କରି 15 ରନ ସ୍କୋର କରିଥିବା ବେଳେ ବ୍ୟାଟିଂରେ ଧ୍ରୁବ ଜୁରେଲ ଏବଂ ଅକ୍ଷର ପଟେଲଙ୍କ ପୂର୍ବରୁ ଆସି କିଛି ଖାସ କରିପାରି ନଥିଲେ । ସୁନ୍ଦର 15ଟି ବଲ ଖେଳି ମାତ୍ର 6 ରନ ସ୍କୋର କରି ଆଉଟ ହୋଇଥିଲେ । ଯେଉଁଥି ପାଇଁ ରନ ରେଟ୍ ହାର ବଢିବା ସହିତ ବ୍ୟାଟଙ୍କ ଉପରେ ଚାପ ପଡିଥିଲା ।
5. ଲେଫ୍ଟ ଏବଂ ରାଇଟ୍ କମ୍ବିନେସନ୍ ପାଇଁ ବିଗିଡିଲା ଖେଳ-
କ୍ରିଜରେ ଲେଫ୍ଟ ଏବଂ ରାଇଟ କମ୍ବିନେସନକୁ ଅଧିକା ପ୍ରାଧାନ୍ୟ ଦେବା ମହଙ୍ଗା ସାବ୍ୟସ୍ତ ହେଲା । ଯେଉଁଥି ପାଇଁ ବ୍ୟାଟିଂ କ୍ରମରେ ଅଦଳ ବଦଳ ହେଲା ଏବଂ ସେଥିପାଇଁ ଅଧିକା ରନ ସ୍କୋର କରିବା ବ୍ୟାଟରଙ୍କ ପାଇଁ ସହଜ ହେଲା ନାହିଁ ।
