ପ୍ୟାରିସ (ଫ୍ରାନ୍ସ): ଚଳିତ ପ୍ୟାରିସ ଅଲିମ୍ପିକ୍ସରେ ଭାରତୀୟ ଟିମକୁ ନେଇ ବାବିଦ ପିଛା ଛାଡୁନି । ଭିନେଶ ଫୋଗତଙ୍କ ମାମଲା ଶାନ୍ତ ନପଡୁଣୁ ପୁଣି ଜଣେ ରେସଲରଙ୍କ ବିବାଦୀୟ ଘଟଣା ସାମ୍ନାକୁ ଆସିଛି । କାରଣ ଏଥର ଏହି ରେସଲର ଖେଳ ପାଇଁ ନୁହେଁ ବରଂ ବିଶୃଙ୍ଖଳାଗତ ଆଚରଣ ପାଇଁ ଫସିଛନ୍ତି । ଜାଣନ୍ତୁ ପୁରା ଘଟଣା ।
ଏହା ବି ପଢନ୍ତୁ- 'ମୁଁ ହାରିଗଲି...' ଅଲିମ୍ପିକ୍ସରେ ଅଯୋଗ୍ୟ ଘୋଷିତ ପରେ କୁସ୍ତିକୁ ଭିନେଶ ଫୋଗତଙ୍କ ଅଲବିଦା - Vinesh Phogat announces retirement
ଅଲମ୍ପିକ୍ସରେ ଭାରତୀୟ ଖେଳାଳିଙ୍କ ପଦକ ଜିତିବାକୁ ଅନେଇ ବସିଥିବା ଫ୍ୟାନ୍ସଙ୍କୁ ପ୍ରତିଦିନ କିଛି ନା କିଛି ଝଟକା ମିଳୁଛି । ଆଜି ପୁଣି ଏପରି ଏକ ଘଟଣା ସାମ୍ନାକୁ ଆସିଛି କି ଜଣେ ରେସଲରଙ୍କୁ ଖେଳ ଛାଡି ଘରକୁ ଆସିବାକୁ ପଡିବ । ମହିଳା ଏକକ 50 କେଜି ବର୍ଗ ଫ୍ରି-ଷ୍ଟାଇଲ ଫାଇନାଲରେ ପ୍ରବେଶ କରି ପଦକ ପକ୍କା କରିଥିବା ଭିନେଶ ଫୋଗତ ପରେ ଅଯୋଗ୍ୟ ଘୋଷିତ ହେବା ଖବର ମଧ୍ୟରେ ପୁଣି ଏକ ଖବର ଆସିଛି କି ରେସଲର ଅନ୍ତିମ ପଙ୍ଘଲ ଘରକୁ ଫେରିବେ ବିଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ । ଅନ୍ତିମଙ୍କ ସହିତ ତାଙ୍କର ସମସ୍ତ ସପୋର୍ଟ ଷ୍ଟାଫ୍ ମଧ୍ୟ ଘରକୁ ଫେରିବେ ।
ଏହା ବି ପଢନ୍ତୁ- ଭିନେଶ ଫୋଗତଙ୍କୁ ଏବେ ବି ମିଳିପାରେ ରୌପ୍ୟ ପଦକ, ଆଜି CASରେ ଶୁଣାଣି - Paris Olympics 2024
ପ୍ୟାରିସ ଅଲିମ୍ପିକ୍ସ ଆୟୋଜନକାରୀ ଫ୍ରାନ୍ସ ଅଧିକାରୀଙ୍କ ରିପୋର୍ଟ ମୁତାବକ, ଅନ୍ତିମଙ୍କ ଭଉଣୀ ନିଶା ତାଙ୍କ ଆଇଡି କାର୍ଡ ଦେଖାଇ ଅଲିମ୍ପିକ୍ସ କ୍ରିଡା ଗ୍ରାମକୁ ପ୍ରବେଶ କରିବା ବେଳେ ଧରା ପଡିଛନ୍ତି । ଏହି ସମୟରେ ଅନ୍ତିମ ହୋଟେଲରେ ଥିଲେ । ଏପରିକି ଅନ୍ତିମଙ୍କ ଗ୍ରାମର ଦୁଇ ଜଣ ବ୍ୟକ୍ତି ମିଡିଆ ଏକ୍ରିଡିଏସନ୍ କାର୍ଡ ପ୍ୟାରିସ ଅଲମ୍ପିକ୍ସରେ ବ୍ୟବହାର କରୁଥିବା ଖବର ଆସିଛି । ତେବେ ଅନ୍ତିମ ତାଙ୍କ ଏକ୍ରିଡିଏସନ୍ କାର୍ଡକୁ ତାଙ୍କ ଭଉଣୀଙ୍କୁ ଦେଇଥିବା ଖବର ମଧ୍ୟ ଅଛି ।
ଏହା ବି ପଢନ୍ତୁ- ଭିନେଶ ଫୋଗତଙ୍କ ଅବସର ଘୋଷଣା; ସମର୍ଥନରେ ଫିଲ୍ମ ତାରକା, କହିଲେ- 'ତୁମେ ଆମ ଗର୍ବ' - Celebs On Vinesh Phogat Retirement
"ଅନ୍ତିମ ପଙ୍ଘଲ ତାଙ୍କ ଏକ୍ରିଡିଏସନ୍ କାର୍ଡକୁ ତାଙ୍କ ଭଉଣୀଙ୍କୁ ଦେଇଥିଲେ । ଏହି କାର୍ଡ ଦେଖାଇ ସେ ଅଲିମ୍ପିକ୍ସ କ୍ରୀଡା ଗ୍ରାମରେ ଏଣ୍ଟ୍ରି କରିଥାନ୍ତେ । ଏହା ଜାଣି ପାରି ଫ୍ରାନ୍ସ ଅଧିକାରୀ ଭାରତୀୟ ଅଲମ୍ପିକ୍ସ ଆସୋସିଏନକୁ ସୂଚନା ଦେଇଥିଲେ । ତେବେ ଏହି କାରଣରୁ ଅନ୍ତିମଙ୍କୁ ଘରକୁ ପଠାଇ ଦିଆଯିବ," ବୋଲି ଭାରତୀୟ ଅଲମ୍ପିକ୍ସ ଆସୋସିଏନ ରିପୋର୍ଟରେ କହିଛି ।
