ପ୍ୟାରିସ (ଫ୍ରାନ୍ସ):ପାରା ଅଲିମ୍ପିକ୍ସରେ 4 ଦିନରେ ଭାରତକୁ 7 ପଦକ । ହାଇଜମ୍ପରେ ସିଲଭର ମେଡାଲ ଜିତିଲେ ନିଶାଦ କୁମାର । ଟୋକିଓରେ ବି ଜିତିଥିଲେ ରୌପ୍ୟ ପଦକ । ହାଇଜମ୍ପରେ ପୁଣି ରୌପ୍ୟ ଜିତିଲେ ନିଶାଦ କୁମାର । ପୂର୍ବରୁ ଟୋକିଓ ଅଲିମ୍ପିକ୍ସରେ ରୌପ୍ୟ ଜିତିଥିଲେ ନିଶାଦ । ପ୍ୟାରିସ ପାରା ଅଲିମ୍ପିକ୍ସରେ ଭାରତର ପଦକ ସଂଖ୍ୟା ୭କୁ ବୃଦ୍ଧି । ପ୍ୟାରିସ ପାରାଅଲିମ୍ପିକ୍ସ 2024ରେ ଭାରତକୁ 7ମ ପଦକ ମିଳିଛି । ନିଶାଦ କୁମାର ପ୍ୟାରିସ ପାରାଅଲିମ୍ପିକ୍ସ 2024 ପୁରୁଷ ଉଚ୍ଚଡିଆଁ t-47ରେ ଶାନଦାର ପ୍ରଦର୍ଶନ କରି ରୌପ୍ୟ ପଦକ ହାସଲ କରିଛନ୍ତି । ସିଲଭର ମେଡାଲ ହାସଲ ପରେ ନୂଆ ଇତିହାସ ଲେଖିଛନ୍ତି ନିଶାଦ । ସେ ଭାରତର ପାରା ଅଲିମ୍ପିକ୍ସରେ ସର୍ବକନିଷ୍ଠ ଅଥଲେଟ ଭାବେ ବ୍ୟାକ୍ ଟୁ ବ୍ୟାକ (ପଛକୁ ପଛ) ପଦକ ଜିତି ରେକର୍ଡ କରିଛନ୍ତି । ଗତ 2020 ଟୋକିଓ ପାରା ଅଲିମ୍ପିକ୍ସରେ ମଧ୍ୟ ନିଶାଦ ରୌପ୍ୟ ପଦକ ଜିତିଥିଲେ ।
ପାରାଅଲିମ୍ପିକ୍ସ 2024 ହାଇଜମ୍ପ ଫାଇନାଲ ଇଭେଣ୍ଟରେ ନିଶାଦ ରେକର୍ଡ 2.04 ମିଟର ଉଚ୍ଚଡିଆଁ ମାରିଥିଲେ । ନିଶାଦଙ୍କ ଆଗରେ ରହିଥିଲେ ଆମେରିକାର ରୋଡରିକ୍ ଟାଉନସେଣ୍ଡ ।ତେବେ ଫାଇନାଲ ଇଭେଣ୍ଟରେ ଡେଇଁଥିବା 2.04 ମିଟର ନିଶାଦଙ୍କ ସର୍ବାଧିକ ବ୍ୟକ୍ତିଗତ ଉଚ୍ଚଡିଆଁ ରେକର୍ଡ । ଆମେରିକାର ରୋଡରିକ୍ ଟାଉନସେଣ୍ଡ 2.12 ମିଟର ଡେଇଁଥିଲେ । ସେ ସ୍ବର୍ଣ୍ଣ ପଦକ ଜିତିଛନ୍ତି । ଏହା ପଛକୁ କାଂସ୍ୟ ପଦକ ଜିତିଥିବା ଆଥଲେଟ 2.00 ମିଟର ଉଚ୍ଚଡିଆଁ ମାରିଥିଲେ ।