ଚେନ୍ନାଇ : ଭାରତ ଓ ବାଂଲାଦେଶ ମଧ୍ୟରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚ୍ର ତୃତୀୟ ଦିନରେ ଭାରତ ମଜଭୁତ ସ୍ଥିତିରେ ରହିଛି । ଏହି ଟେଷ୍ଟ ମ୍ୟାଚରେ ଭାରତର ଦ୍ବିତୀୟ ପାଳିରେ ଦଳର ସ୍ଥିତିକୁ ମଜଭୁତ କରିଥିଲେ ଭାରତର ଦୁଇ ଯୁବ ତାରକା ବ୍ୟାଟର ଋଷଭ ପନ୍ତ ଓ ଶୁବମନ ଗିଲ । ଉଭୟଙ୍କ ଶତକୀୟ ପାଳି ଦଳୀୟ ସ୍କୋରକୁ 500 ପାର କରାଇବାରେ ସହାୟକ ହୋଇଥିଲା । ତେବେ ପନ୍ତ ଓ ଗିଲ ବ୍ୟାଟିଂ କରୁଥିବା ସମୟରେ ଏକ ମଜାଳିଆ ଦୃଶ୍ୟ ଦେଖିବାକୁ ମିଳିଥିଲା । ଯାହା ସୋସିଆଲ ମିଡିଆରେ ବେଶ ଭାଇରାଲ ହେଉଛି । ପନ୍ତ ନିଜେ ବ୍ୟାଟିଂ କରୁଥିବା ସମୟରେ ବାଂଲାଦେଶ ବୋଲରଙ୍କୁ ଫିଲ୍ଡିଂ ସଜାଇବାରେ ମଧ୍ୟ ସାହାଯ୍ୟ କରିଥିଲେ । ଯାହାର ଭିଡିଓ ଭାଇରାଲ ହେଉଥିବାବେଳେ ସୋସିଆଲ ମିଡିଆରେ ନେଟିଜେନ୍ସ ମଧ୍ୟ ଏହାକୁ ବେଶ ପସନ୍ଦ କରୁଛନ୍ତି ।
ବାଂଲାଦେଶର ଫିଲ୍ଡିଂ ସଜାଇଲେ ପନ୍ତ :-
ତୃତୀୟ ଦିନରେ ଋଷଭ ପନ୍ତ ବ୍ୟାଟିଂ କରୁଥିବାବେଳେ ବାଂଲାଦେଶ ପାଇଁ ଫିଲ୍ଡଂ ସଜାଇବାରେ ସାହାଯ୍ୟ କରିଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ପନ୍ତର ଏହି ସମୟର ଭିଡିଓ ଭାଇରାଲ ହେଉଛି । ଏହି ଭିଡିଓରେ ପନ୍ତ ଷ୍ଟ୍ରାଇକ୍ କରୁଥିବାବେଳେ ବାଂଲାଦେଶ ବୋଲର ଫିଲ୍ଡିଂ ସଜାଉଥିଲେ । ଏହି ସମୟରେ ପନ୍ତ କହିଥିଲେ, 'ଆରେ ଭାଇ, ଏଠାକୁ ଜଣେ ଆସିବେ..., ଜଣେ ଫିଲ୍ଡର ଏଠାକୁ ଆସିବେ... ମିଡୱିକେଟ୍ରେ.. ।' ଏହାପରେ ବାଂଲାଦେଶ ଅଧିନାୟକ ନଜମୁଲ ହୁସେନ୍ ଶାଣ୍ଟୋ ବୋଲରଙ୍କ ସହ ପନ୍ତଙ୍କ ନିର୍ଦ୍ଦେଶକୁ ଅନୁସରଣ କରି ଜଣେ ଫିଲ୍ଡରଙ୍କୁ ମଧ୍ୟ ମିଡୱିକେଟ୍କୁ ନେଇଥିଲେ ।
634 ଦିନ ପରେ ପନ୍ତଙ୍କ ଦମଦାର କମ୍ବ୍ୟାକ୍ :-