ଚେନ୍ନାଇ:ପଡିଆରେ କ୍ରିକେଟରଙ୍କ ଝଗଡା ! ଟେଷ୍ଟ ମ୍ୟାଚର ପ୍ରଥମ ଦିନରେ ବବାଲ । ପନ୍ତଙ୍କ ସହିତ ପଙ୍ଗା ନେଲେ ଲିଟନ ଦାସ । ସୋସିଆଲ ମିଡିଆରେ ଭାଇରାଲ ହେଲା ଭିଡିଓ । ଚେନ୍ନାଇର ଚେପକ ଷ୍ଟାଡିୟମରେ ଆରମ୍ଭ ହୋଇଛି ଘରୋଇ ଦଳ ଭାରତ ଏବଂ ଅତିଥି ଦଳ ବାଂଲାଦେଶ ମଧ୍ୟରେ ଟେଷ୍ଟ ଟକ୍କର । ପ୍ରଥମେ ବ୍ୟାଟିଂ କରୁଛି ଭାରତ । ଫେଲ ମାରିଲେ ଭାରତର ଷ୍ଟାର ବ୍ୟାଟର । ରୋହିତ, ଗିଲ, କୋହଲି ବଡ ସ୍କୋର କରିବାରେ ବିଫଳ ହୋଇଛନ୍ତି । ତେବେ ପାଳି ସମ୍ଭାଳିଲେ ଜୟଶ୍ବାଲ ଏବଂ ପନ୍ତ । ତେବେ ପନ୍ତ ଭଲ ଖେଳୁଥିବା ସମୟରେ ଖରାପ ସର୍ଟ ଖେଳି ଆଉଟ ହୋଇଛନ୍ତି । ବ୍ୟକ୍ତିଗତ ଭାବେ ପନ୍ତ 39 ରନ ସ୍କୋର କରିଥିବା ବେଳେ ଜୟଶ୍ବାଲ ଅର୍ଦ୍ଧଶତକ ହାସଲ କରିଛନ୍ତି ।
ତେବେ ଭାରତର ସ୍କୋର 3 ଓ୍ବିକେଟ ବିନିମୟରେ ମାତ୍ର 34 ରନ ଥିଲା । ଏହା ସମୟରେ ପଡିଆକୁ ବ୍ୟାଟିଂ ପାଇଁ ଓହ୍ଲାଇଥିଲେ ଷ୍ଟାର ତଥା ଆଟାକିଂ ବ୍ୟାଟର ରିଷଭ ପନ୍ତ । ହସନ ମହମ୍ମୁଦଙ୍କ ଶାନଦାର ବୋଲିଂ ଆଗରେ ଫେଲ ମାରିଥିଲା ଭାରତୀୟ ଟିମର ଟପ୍ ଅର୍ଡର । କାରଣ ବ୍ୟାଟିଂ ଆରମ୍ଭର ମାତ୍ର ଏକ ଘଣ୍ଟା ମଧ୍ୟରେ ଭାରତ 3ଟି ଓ୍ବିକେଟ ହରାଇଥିଲା । ତେବେ ଏହା ସମୟରେ କ୍ରିଜରେ ପନ୍ତ ବ୍ୟାଟିଂ କରିବା ସମୟରେ ଲିଟନ ଦାସ ଏବଂ ପନ୍ତଙ୍କ ମଧ୍ୟରୋ ହୋଇଥିଲା ତୁତୁ ମେଁ ମେଁ ।