ମୁମ୍ବାଇ: ଅନ୍ୟ ଖେଳ ଅପେକ୍ଷା କ୍ରିକେଟ ଖେଳ ଦେଖିବାକୁ ସମସ୍ତେ ପସନ୍ଦ କରନ୍ତି । ପଡିଆରେ ଯେତେବେଳେ ଛକା ଚୌକାର ବର୍ଷା ହୁଏ ସେତେବେଳେ ଦର୍ଶକଙ୍କ କରତାଳିରେ କମ୍ପି ଉଠେ ପୁରା ଷ୍ଟାଡିୟମ । ଏଥି ସହ କମେଣ୍ଟ୍ରି କରୁଥିବା ବ୍ୟକ୍ତି ମଧ୍ୟ ଛକା ଚୌକା ଲଗାଉଥିବା ବ୍ୟାଟରଙ୍କୁ ପ୍ରଶଂସାରେ ପୋତି ପକାନ୍ତି । ଜଣେ କ୍ରିକେଟରେ ମ୍ୟାଚ ଖେଳୁଥିବା ସମୟରେ ଭଲ ସଟ ମାରିବାରୁ ତାଙ୍କ ଉପରେ ଟଙ୍କା ବର୍ଷା ହୋଇଥିଲା । ମହାରାଷ୍ଟ୍ରର ଥାନେରେ ଥିବା ଏକ ଷ୍ଟାଡିୟମରେ ଏପରି ଦୃଶ୍ୟ ଦେଖିବାକୁ ମିଳିଥିଲା । କ୍ରିକେଟରଙ୍କ ଉପରେ ଜଣେ ଦର୍ଶକ ୫୦୦ ଟଙ୍କିଆ ନୋଟ ବର୍ଷା କରିଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭଇରାଲ ହେବାରେ ଲାଗିଛି ।
ଛକା ଚୌକା ମାରିବାରୁ ବ୍ୟାଟ୍ସମ୍ୟାନଙ୍କ ଉପରେ ଟଙ୍କା ବର୍ଷା:
ଛତ୍ରପତି ଶିବାଜୀ ମହାରାଜ ଷ୍ଟାଡିୟମରେ କ୍ରିକେଟ ମ୍ୟାଚ ଚାଲୁଥିବା ବେଳେ ପଓ୍ବନ ନାମକ ଜଣେ ବ୍ୟାଟ୍ସମାନ ଧୂଆଁଧାର ବ୍ୟାଟିଂ କରିଥିଲେ । ତାଙ୍କ ବ୍ୟାଟରୁ ଖାଲି ଛକା ଚୌକାର ବର୍ଷା ହେଉଥିଲା । ଯାହାକୁ ଦେଖିବା ପରେ ଦର୍ଶକ ଖୁସିରେ ନାଚି ଉଠି ପଡିଆ ମଧ୍ୟକୁ ପ୍ରବେଶ କରିଥିଲେ । ଜଣେ ଦର୍ଶକ ପଓ୍ବନଙ୍କ ବାଉଣ୍ଡୁରୀ ସଟରେ ଖୁସି ହୋଇ ତାଙ୍କ ଉପରେ ୫ଶହ ଟଙ୍କିଆ ନୋଟ ବର୍ଷା କରିଥିଲେ । ଅନ୍ୟ କିଛି ଦର୍ଶକ ଏକି ଟଙ୍କା ଗୋଟାଇ ବ୍ୟାଟ୍ସମ୍ୟାନଙ୍କୁ ଦେବା ପାଇଁ ଦୌଡୁଥିବା ଭିଡିଓରେ ଦେଖିବାକୁ ମିଳିଛି ।