Chilika constituencyକାହାର ହେବ ଚିଲିକା ? ଜୋରଦାର ଲଢେଇ ହେବ କହିଲେ ପ୍ରାର୍ଥୀ, କାହାକୁ ଭରସା କରିବେ ଜନତା (ETV Bharat Odisha) ଖୋର୍ଦ୍ଧା: ୨୪ ନିର୍ବାଚନ ମହାସମର । ପୁରୀ ସଂସଦୀୟ କ୍ଷେତ୍ର ଅନ୍ତର୍ଗତ ଚିଲିକା ବିଧାନସଭା ମଣ୍ତଳୀକୁ ନେଇ ଚର୍ଚ୍ଚା ଲାଗିରହିଛି । ଚଳିତ ନିର୍ବାଚନରେ ଉଭୟ ବିଜେପି ଓ କଂଗ୍ରେସ ପ୍ରାର୍ଥୀ ରିପିଟ କରିଛନ୍ତି । ଚିଲିକା ରଣାଙ୍ଗନରେ ପୃଥ୍ବୀରାଜ ହରିଚନ୍ଦନ ବିଜେପି ଯୋଦ୍ଧା ସାଜିଥିବା ବେଳେ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ପ୍ରଦୀପ ସ୍ବାଇଁ । ସେପଟେ ଚିଲିକା ବିଜେଡିରେ ପରିବର୍ତ୍ତନ ଦେଖିବାକୁ ମିଳିଛି । ବିଜେଡିର ବାହୁବଳୀ ନେତା ପ୍ରଶାନ୍ତ ଜଗଦ୍ଦେବ ଏବେ ବିବାଦୀୟ ହେବା ପରେ ବିଜେପିରେ ମିଶିଛନ୍ତି । ପୁଣି ରଘୁନାଥ ସାହୁଙ୍କ ଉପରେ ଦଳ ଭରସା କରିଛି । ଅନ୍ୟପଟେ ବିଜୟୀ ନେଇ ଦୃଢୋକ୍ତି ପ୍ରକାଶ କରିଛନ୍ତି ୩ ପ୍ରାର୍ଥୀ ।
କାହାର ହେବ ଚିଲିକା ? ଜୋରଦାର ଲଢେଇ ହେବ କହିଲେ ପ୍ରାର୍ଥୀ, କାହାକୁ ଭରସା କରିବେ ଜନତା (ETV Bharat Odisha) 2024 ସାଧାରଣ ନିର୍ବାଚନରେ ଚିଲିକା ବିଧାନସଭା କ୍ଷେତ୍ର ପାଇଁ ତିନି ପ୍ରମୁଖ ଦଳ ସେମାନଙ୍କ ପ୍ରାର୍ଥୀଙ୍କ ନାମ ଘୋଷଣା କରି ସାରିଛନ୍ତି । ଚିଲିକା ନିର୍ବାଚନୀ ମୈଦାନରେ ବିଜେଡି ପ୍ରାର୍ଥୀ ରଘୁନାଥ ଓ ବିଜେପି ପ୍ରାର୍ଥୀ ପୃଥୀରାଜ ହରିଚନ୍ଦନଙ୍କ ମଧ୍ୟରେ ମୁକାବିଲା ହେବା ଏକ ପ୍ରକାର ନିଶ୍ଚିତ ହୋଇଛି । ରଘୁନାଥଙ୍କ ଉପରେ ସୁପ୍ରିମୋ ଭରସା କରିଥିବା ବେଳେ ସେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇବା ସହ ଏଥର ଚିଲିକାରେ ଶଙ୍ଖନାଦ ଶୁଣାଯିବା ଦମ୍ଭୋକ୍ତି ପ୍ରକାଶ କରିଛନ୍ତି ବିଜେଡି ପ୍ରାର୍ଥୀ ରଘୁନାଥ ଦାସ । ସେହିପରି ରାଜ୍ୟସଭା ସାଂସଦ ସୁଭାଶିଷ ଖୁଣ୍ଟିଆ ମଧ୍ୟ ଚିଲିକାରେ ଏଥର ବିପୁଳ ଭୋଟରେ ବିଜେଡି ବାଜିମାତ କରିବ ବୋଲି କହିଛନ୍ତି ।
ଏହାମଧ୍ୟ ପଢନ୍ତୁ.. ନାମାଙ୍କନ ଭରିଲେ ବହୁ କଂଗ୍ରେସ ବିଧାୟକ ଓ ସାଂସଦ ପ୍ରାର୍ଥୀ, ସ୍ବାଧୀନ ପ୍ରାର୍ଥୀ ଭାବେ ପ୍ରାର୍ଥୀପତ୍ର ଦାଖଲ କଲେ କାଳୁ - Congress Candidates File Nomination
କାହାର ହେବ ଚିଲିକା ? ଜୋରଦାର ଲଢେଇ ହେବ କହିଲେ ପ୍ରାର୍ଥୀ, କାହାକୁ ଭରସା କରିବେ ଜନତା (ETV Bharat Odisha) ବିଜେପି ପ୍ରାର୍ଥୀ ପୃଥ୍ୱୀରାଜ ହରିଚନ୍ଦନ ମୋଦିଙ୍କ ବିକଶିତ ଭାରତ ନାରାରେ ଚିଲିକାରେ ବିଜେପି ବହୁମତ ପାଇବ ବୋଲି କହିଛନ୍ତି । ରାଜ୍ୟ ସରକାରଙ୍କୁ ଟାର୍ଗେଟ କରି ଲଢେଇ ବିକାଶ ବନାମ ବିନାଶର ହେଉଛି ବୋଲି ବିଜେପି ପ୍ରାର୍ଥୀ କହିଛନ୍ତି । ସେପଟେ କଂଗ୍ରେସ ପ୍ରାର୍ଥୀ ଉଭୟ ବିଜେଡି ଓ ବିଜେପିକୁ ଟାର୍ଗେଟ କରିଛି । ଉଭୟ ଗୋଟିଏ ମୁଦ୍ରାର ୨ଟି ପାର୍ଶ୍ୱ ଅଟନ୍ତି । ଚିଲିକାରେ ଏଥର ପରିବର୍ତ୍ତନର ହାଓ୍ୱା ବହୁଥିବା ବେଳେ ଭୋଟର କଂଗ୍ରେସ ଉପରେ ଭରସା କରିବେ ବୋଲି କହିଛନ୍ତି କଂଗ୍ରେସ ପ୍ରାର୍ଥୀ ପ୍ରଦୀପ ସ୍ୱାଇଁ ।
କାହାର ହେବ ଚିଲିକା ? ଜୋରଦାର ଲଢେଇ ହେବ କହିଲେ ପ୍ରାର୍ଥୀ, କାହାକୁ ଭରସା କରିବେ ଜନତା (ETV Bharat Odisha) ୨୦୧୯ ନିର୍ବାଚନରେ ବିଜେଡିରୁ ପ୍ରଶାନ୍ତ କୁମାର ଜଗଦ୍ଦେବ, ବିଜେପିରୁ ପୃଥ୍ବୀରାଜ ହରିଚନ୍ଦନ ଓ କଂଗ୍ରେସରୁ ପ୍ରଦୀପ କୁମାର ସ୍ୱାଇଁ ଲଢିଥିବା ବେଳେ ପ୍ରଶାନ୍ତ ଜଗଦ୍ଦେବ ବିଜୀୟ ହୋଇଥିଲେ । ସେହିଭଳି ଯଦି ୨୦୧୪ ନିର୍ବାଚନକୁ ଦେଖିବା ତେବେ ବିଜେଡିରୁ ରଘୁନାଥ ସାହୁ, କଂଗ୍ରେସରୁ ମାନସୀ ପ୍ରଧାନ, ଓ ବିଜେପିରୁ ବିଭୂତିଭୂଷଣ ହରିଚନ୍ଦନ ରଣାଙ୍ଗନ ଓହ୍ଲାଇଥିଲେ । ୨୪ ନିର୍ବାଚନରେ କଂଗ୍ରେସରୁ ପ୍ରାର୍ଥୀ ହୋଇଥିବା ପ୍ରଦୀପ ସ୍ୱାଇଁ ୨୦୧୪ରେ ସ୍ୱାଧିନ ଭାବେ ଲଢିଥିଲେ ।
କାହାର ହେବ ଚିଲିକା ? ଜୋରଦାର ଲଢେଇ ହେବ କହିଲେ ପ୍ରାର୍ଥୀ, କାହାକୁ ଭରସା କରିବେ ଜନତା (ETV Bharat Odisha) ଏହି ନିର୍ବାଚନୀ କ୍ଷେତ୍ରରେ ମୋଟ ଭୋଟରଙ୍କ ସଂଖ୍ୟା 2ଲକ୍ଷ 33ହଜାର 250 ରହିଥିବା ବେଳେ ପୁରୁଷ ଭୋଟର 1ଲକ୍ଷ 21ହଜାର 680, ମହିଳା 1ଲକ୍ଷ 11ହଜାର 561 ଏବଂ ତୃତୀୟ ଲିଙ୍ଗ 9 ଜଣ ରହିଛନ୍ତି । ମେ 25 ତାରିଖରେ ନିଜ ମତ ସାବ୍ୟସ୍ତ କରିବେ ଭୋଟର । ତେବେ ଦେଖିବାର କଥା ଚିଲିକା ବାସୀ ଏଥର କାହା ଉପରେ ସେମାନଙ୍କର ଆସ୍ଥା ରଖୁଛନ୍ତି ।
ଇଟିଭି ଭାରତ, ଖୋର୍ଦ୍ଧା
