Vegetable stuff Manda Pitha: ଓଡ଼ିଆ ଘରେ ବାର ମାସ ଯାକ ବିଭିନ୍ନ ପର୍ବପର୍ବାଣୀ, ପୂଜା, ବ୍ରତରେ ନାନା ପ୍ରକାର ପିଠା ପ୍ରସ୍ତୁତ ହୁଏ । ସେମିତି ଏକ ମଣ୍ଡା ପିଠା । ନଡିଆ ପୁର ଦିଆ ମଣ୍ଡା ପିଠା ତ ସମସ୍ତେ ଖାଇଥିବେ । ହେଲେ କେବେ ପରିବା ପୁର ଦିଆ ସୁଆଦିଆ ମଣ୍ଡା ଖାଇଛନ୍ତି କି ? ଯଦି ନା, ତାହେଲେ ଆଜି କୁମାର ପୂର୍ଣ୍ଣିମାରେ ଘରେ ବନାନ୍ତୁ ଏହି ନିଆରା ଓ ସ୍ବାଦିଷ୍ଟ ମଣ୍ଡା ପିଠା । ଏହି ପିଠା ପାଟିକୁ ଯେମିତି ସୁଆଦିଆ, ଦେହକୁ ମଧ୍ୟ ହିତକର । ଲକ୍ଷ୍ମୀ ପୂଜା ତଥା କୁମାର ପୂର୍ଣ୍ଣିମା ଅବସରରେ ବିନା ପିଆଜ ରସୁଣରେ ଘରେ ପରିବା ମଣ୍ଡା ପ୍ରସ୍ତୁତ କରି ନିଜ ଖାଆନ୍ତୁ ଓ ପରିବାର ଲୋକଙ୍କୁ ଖୁଆନ୍ତୁ । ତେବେ ଚାଲନ୍ତୁ ଜାଣିବା କେମିତି ଏହାକୁ ତିଆରି କରିବେ ।
ଆବଶ୍ୟକୀୟ ସାମଗ୍ରୀ:-
- ସୁଜି
- ବିନ୍ସ
- ଗାଜର
- ଫୁଲକୋବି
- ବନ୍ଧାକୋବି
- ଗ୍ରୀନ ମଟର
- ଆଳୁ
- ତେଲ
- ଲୁଣ
- ହଳଦୀ
- ଧନିଆ, ଜିରା ଗୁଣ୍ଡ
- ଲଙ୍କା ଗୁଣ୍ଡ
- ଗରମ ମସାଲା
ପ୍ରସ୍ତୁତି ପ୍ରଣାଳୀ:-
ପ୍ରଥମେ ପରିବାଗୁଡିକୁ ଛୋଟ ଛୋଟ ଖଣ୍ଡ କରି କାଟିଦିଅନ୍ତୁ । ବର୍ତ୍ତମାନ ଗ୍ୟାସ୍ ଲଗାଇ କଡେଇ ବସାନ୍ତୁ । କଡେଇରେ ଅଳ୍ପ ତେଲ ଗରମ କରି ଜିରା ପକାନ୍ତୁ । ଏଥିରେ ଏକ ଛୋଟ ଚାମଚ ଅଦା ଛେଚା ପକାଇ କଟା ପରିବା ସବୁ ପକାନ୍ତୁ । ଏହାପରେ ସ୍ବାଦ ଅନୁସାରେ ଲୁଣ, ହଳଦୀ, ଜିରା ଓ ଧନିଆ ଗୁଣ୍ଡ, ଲଙ୍କା ଗୁଣ୍ଡ, ଅଳ୍ପ ଗରମ ମସାଲା ମିଶାନ୍ତୁ । ଏବେ ମସାଲାକୁ ଭଲ ଭାବେ ଗୋଳାଇ ସିଝିବା ପର୍ଯ୍ୟନ୍ତ ଢାଙ୍କୁଣିରେ ଘୋଡାଇ ରଖନ୍ତୁ ।