କଳା ଚଣାରେ ବନାନ୍ତୁ ମୁସମୁସିଆ ପକୁଡି, ଶୀତୁଆ ସନ୍ଧ୍ୟାରେ ଆସିଯିବ ମଜା

ବେସନ ପକୁଡି ତ ବହୁତ ଖାଇଲେ, ଏବେ ଖାଆନ୍ତୁ କଳା ଚଣାରେ ପ୍ରସ୍ତୁତ ସ୍ବାଦିଷ୍ଟ ପକୁଡି । ଏହା ପାଟିକୁ ଯେତିକି ସୁଆଦିଆ ବନାଇବା ମଧ୍ୟ ସେତିକି ସହଜ । ଅଧିକ ପଢନ୍ତୁ

ଶୀତୁଆ ସନ୍ଧ୍ୟାରେ କପେ ଚା' ସହ ଗରମ ପକୁଡିର ମଜା ଟିକିଏ ଅଲଗା । କାହାକୁ ବା ପକୁଡି ଖାଇବା ଭଲ ଲାଗେନା ! ସାଧାରଣତଃ ବେସନରୁ ତିଆରି ପକୁଡି ସମସ୍ତେ ଖାଇଥାନ୍ତି । ହେଲେ ଆପଣ ଏଥର ଏକ ନୂଆ ପ୍ରକାରର ପକୁଡି ଖାଆନ୍ତୁ । ବେସନ ନୁହେଁ, କଳା ଚଣାରେ ପ୍ରସ୍ତୁତ କରନ୍ତୁ ସ୍ବାଦିଷ୍ଟ ପକୁଡି । ଶୀତୁଆ ପାଗରେ କଳା ଚଣାର ମୁସ୍‌ମୁସିଆ ପକୁଡି ପାଟିକୁ ଯେମିତି ସୁଆଦିଆ ବନାଇବା ମଧ୍ୟ ସେମିତି ସହଜ । ସବୁବେଳେ ବେସନ ପକୁଡି ଖାଇ ଯଦି ବିରକ୍ତ ହୋଇଗଲାଣି ତାହେଲେ ଆଜି ହିଁ ଘରେ ବନାନ୍ତୁ ଏହି ନିଆରା ପକୁଡି ରେସିପି । ଚାଲନ୍ତୁ ଜାଣିବା କଳା ଚଣା ପକୁଡି ପାଇଁ ଆବଶ୍ୟକୀୟ ସାମଗ୍ରୀ ଓ ଏହାର ପ୍ରସ୍ତୁତି ପ୍ରଣାଳୀ ସମ୍ପର୍କରେ...

ଆବଶ୍ୟକୀୟ ସାମଗ୍ରୀ:

• କଳା ଚଣା- 250 ଗ୍ରାମ
• କଞ୍ଚାଲଙ୍କା- 3
• ଜିରା- ଏକ ଛୋଟ ଚାମଚ
• ଧନିଆ ପତ୍ର
• ରସୁଣ- 4 କୋଲା
• ପିଆଜ- 1
• ଅଦା
• ଲୁଣ ସ୍ବାଦ ଅନୁସାରେ
• ଚାଉଳ ଅଟା- 2 ଚାମଚ
• ଧନିଆ
• ଚାଟ୍ ମସାଲା- ଅଧା ଛୋଟ ଚାମଚ
• ତେଲ

ପ୍ରସ୍ତୁତି ପ୍ରଣାଳୀ:

1. ପ୍ରଥମେ କଳା ଚଣାକୁ ଧୋଇ 8 ଘଣ୍ଟା ପାଣିରେ ଭିଜାଇ ରଖନ୍ତୁ ।
2. 8 ଘଣ୍ଟା ପରେ ଚଣାକୁ ପୁଣିଥରେ ଧୋଇ ଛାଣି ନିଅନ୍ତୁ ।
3. ଏବେ ଏକ ମିକ୍ସି ଜାରରେ ଜିରା, କଞ୍ଚା ଲଙ୍କା, ଧନିଆ ପତ୍ର, 4 କୋଲା ରସୁଣ, ଗୋଟିଏ ଇଞ୍ଚ ଅଦା ମିଶାଇ ଗ୍ରାଇଣ୍ଡ କରନ୍ତୁ ।
4. ଏହାପରେ ପାଣିରେ ଭିଜା ହୋଇଥିବା କଳା ଚଣାକୁ ଦରଦରା ପେଷନ୍ତୁ ।
5. ଏବେ ଏହି ପେଷ୍ଟକୁ ମିକ୍ସି ଜାରରୁ ବାହାର କରି ଏଥିରେ କଟା ପିଆଜ, ଧନିଆ ପତ୍ର, ଲୁଣ, ଲଙ୍କାଗୁଣ୍ଡ, ଚାଟ୍ ମସାଲା, ଚାଉଳ ଅଟାକୁ ପକାଇ ହାତରେ ଭଲ ଭାବେ ଗୋଳାନ୍ତୁ । ଏହାଦ୍ବାରା ପକୁଡି ମୁସ୍‌ମୁସିଆ ଓ ସ୍ବାଦିଷ୍ଟ ହୁଏ । (ଏହି ପକୁଡି ଚକଟା ସାମାନ୍ୟ କଠିନ ରହିବା ଭଲ । ମନେରଖିବେ ଏଥିରେ ପାଣି ମିଶାଇ ଗୁଳାଇଲେ ପକୁଡି ଅଧିକ ତେଲ ଶୋଷିଥାଏ ।)
6. ଏବେ ଏକ ପ୍ୟାନରେ ପକୁଡି ଛାଣିବା ପାଇଁ ପର୍ଯ୍ୟାପ୍ତ ମାତ୍ରାରେ ତେଲ ଦିଅନ୍ତୁ । ତେଲ ଗରମ ହେବା ପରେ ଗ୍ୟାସ୍ ମଧ୍ୟମ ଆଞ୍ଚରେ ରଖନ୍ତୁ । ଏବେ ପକୁଡି ପାଇଁ ହାତରେ ଛୋଟ ଛୋଟ ଗୁଳା କରି ତେଲରେ ପକାନ୍ତୁ ।
7. ଗୋଟିଏ ମିନିଟ୍ ପରେ ଛଣା ସାହାଯ୍ୟରେ ପକୁଡିକୁ ଏପଟ ସେପଟ ଲେଉଟାନ୍ତୁ । ଦେଖିବେ ଦୁଇପଟ ଯେପରି ଭଲରେ ଫ୍ରାଏ ହେଉଥିବ । ପକୁଡି ଭଲ ଭାବେ ଛାଣି ହେବା ପରେ ପ୍ଲେଟକୁ ବାହର କରିଦିଅନ୍ତୁ । ଏଠି ପ୍ରସ୍ତୁତ ହୋଇଗଲା ଆପଣଙ୍କ କଳା ଚଣା ପକୁଡି ।
8. ଯଦି ଆପଣଙ୍କୁ ଏହି ପକୁଡି ରେସିପି ଭଲ ଲାଗୁଥାଏ ତେବେ ଏହାକୁ ଘରେ ପ୍ରସ୍ତୁତ କରନ୍ତୁ । ସମସ୍ତେ ଖାଇବାକୁ ପସନ୍ଦ କରିବେ ।

ଏହା ମଧ୍ୟ ପଢନ୍ତୁ: ଶୀତୁଆ ସନ୍ଧ୍ୟାରେ ଚୁଟ୍‌କିରେ ଘରେ ବନାନ୍ତୁ ଭେଜ୍ ସୁପ୍ ଏହା ମଧ୍ୟ ପଢନ୍ତୁ: କେଶ ସହ ଜମାରୁ କରନ୍ତୁନି ଏହି 7 ଭୁଲ୍, ନହେଲେ ସବୁ ଝଡିଯିବ