ନ୍ୟୁ ଅର୍ଲେଆନ୍ସ:ସାରା ବିଶ୍ୱ ନୂଆବର୍ଷ ପାଳନ କରୁଥିବା ବେଳେ ଆମେରିକାର ନ୍ୟୁ ଆର୍ଲେଆନ୍ସରେ ହୃଦୟ ବିଦାରକ ଘଟଣା ଘଟିଛି । ନ୍ୟୁ ଆର୍ଲେଆନ୍ସର ବର୍ବନ ରାସ୍ତା କଡରେ ଲୋକମାନେ ଯାଉଥିବା ବେଳେ ଏକ ପିକଅପ ଟ୍ରକର ଡ୍ରାଇଭର ସେମାନଙ୍କ ଉପରେ ଗାଡି ମଡାଇ ଚାଲିଯାଇଥିଲା । ଏହି ଦୁର୍ଘଟଣାରେ ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ୩୦ ଜଣ ଆହତ ହୋଇଛନ୍ତି । ଘଟଣାକୁ ଆତଙ୍କୀ ଆକ୍ରମଣ ଭଳି ତଦନ୍ତ କରାଯାଉଛି ।
ଗାଡି ମଡାଇ ୧୦ଜଣଙ୍କୁ ହତ୍ୟା
ସୂଚନା ଅନୁଯାୟୀ, ଆଜି (ବୁଧବାର) ଭୋର ୩.୧୪ ସମୟରେ ଆମେରିକାର ନ୍ୟୁ ଆର୍ଲେଆନ୍ସର ଫ୍ରେଞ୍ଚ କ୍ୱାଟର୍ସ ଜିଲ୍ଲା ବର୍ବନ ରାସ୍ତା କଡରେ ଜନଗହଳିପୂର୍ଣ୍ଣ ଅଞ୍ଚଳରେ ଲୋକମାନେ ଯାଉଥିବା ସମୟରେ ଏକ ଟ୍ରକ ଡ୍ରାଇଭର ଲୋକମାନଙ୍କ ଉପରେ ଗାଡି ମଡାଇ ଚାଲିଯାଇଥିଲା । ଏହି ଦୁର୍ଘଟଣାରେ ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ୩୦ ଜଣ ଆହତ ହୋଇଛନ୍ତି । ଆହତମାନଙ୍କୁ ନିକଟସ୍ଥ ୫ଟି ହସ୍ପିଟାଲରେ ଭର୍ତ୍ତି କରାଯାଇଛି । ସେଠାରେ ସେମାନଙ୍କ ଚିକିତ୍ସା ଜାରି ରହିଛି ।
ପୋଲିସ ଓ ଆତତାୟୀ ମଧ୍ୟରେ ଗୁଳି ବିନିମୟ