What is bone ossification test: ବହୁଚର୍ଚ୍ଚିତ ବାବା ସିଦ୍ଦିକ ମର୍ଡର କେସରେ ପୋଲିସ ଏବେସୁଦ୍ଧା 3 ଜଣ ଅଭିଯୁକ୍ତକୁ ଗିରଫ କରିସାରିଛି । ସେମାନଙ୍କ ମଧ୍ୟରୁ ଜଣେ ଅଭିଯୁକ୍ତ ଧର୍ମରାଜ କଶ୍ୟପ ନିଜକୁ ନାବାଳକ ବୋଲି ଦାବି କରୁଥିଲା । ଏହାର ଯାଞ୍ଚ କରିବାକୁ କୋର୍ଟ ଅଭିଯୁକ୍ତର ବୋନ ଓସିଫିକେସନ ଟେଷ୍ଟ ବା ହାଡର ଅସ୍ଥିକରଣ ପରୀକ୍ଷା (Bone Ossification Test) କରିବାକୁ ନିର୍ଦ୍ଦେଶ ଦେଇଥିଲେ । ଏହି ପରୀକ୍ଷା ପରେ ଜଣାପଡିଲା ଯେ, ଅଭିଯୁକ୍ତ ଧର୍ମରାଜ ନାବାଳକ ନୁହେଁ ବରଂ ସାବାଳକ । ତେବେ କ'ଣ ଏହି ଓସିଫିକେସନ ଟେଷ୍ଟ ? କ'ଣ ବସ୍ତବରେ ଏହି ଟେଷ୍ଟ ଦ୍ବାରା ଜଣେ ବ୍ୟକ୍ତିର ସଠିକ୍ ବୟସ ଜଣାପଡିଥାଏ ? ଚାଲନ୍ତୁ ଜାଣିବା ଏହା ବିଷୟରେ...
Bone Ossification ଏକ ଚିକିତ୍ସା ପଦ୍ଧତି ଅଟେ, ଯାହାକି କୌଣସି ବ୍ୟକ୍ତିର ବୟସ ନିର୍ଦ୍ଧାରିତ କରିବା ପାଇଁ ହାଡ଼ର ବିଶ୍ଲେଷଣ କରିଥାଏ । ଏହି ଟେଷ୍ଟ ପାଇଁ ଶରୀରର କିଛି ହାଡ ଯେମିତିକି ବେକ ପାଖରେ ଥିବା କ୍ଲାଭିକାଲ (Clavicle), ଛାତିରେ ଥିବା ଷ୍ଟର୍ନମ (Sternum) ଓ ପେଲଭିସ (Pelvis)ର ଏକ୍ସ-ରେ କରାଯାଏ । ଏହି ହାଡଗୁଡିକ ଏଥିପାଇଁ ଚୟନ କରାଯାଏ କାରଣ ବୟସ ବଢିବା ସହିତ ଏଗୁଡିକର ଆକାରରେ ଆଶ୍ଚର୍ଯ୍ୟଜନକ ପରିବର୍ତ୍ତନ ହୋଇଥାଏ ।
ଯେହେତୁ ମଣିଷର ଶାରିରୀକ ବିକାଶ ସହିତ ଏହି ହାଡଗୁଡିକ କଠିନ ହୋଇଥାଏ ଏବଂ ପରସ୍ପର ସହ ଯୋଡି ହୋଇଯାଏ, ତେଣୁ ହାଡ ବୟସ ନିର୍ଦ୍ଧାରଣ ପାଇଁ ଏକ ପ୍ରକ୍ରିୟା ହୋଇପାରେ । ଏହି କାରଣରୁ ବାବା ସିଦ୍ଦିକ ହତ୍ୟାକାଣ୍ଡ ମାମଲାରେ ଅଭିଯୁକ୍ତର ବୟସ ଜାଣିବା ପାଇଁ ବୋନ ଓସିଫିକେସନ ଟେଷ୍ଟ ବା ହାଡ ପରୀକ୍ଷା କରାଗଲା । ଭାରତୀୟ ଅଦଲାତ ଅନେକ ମାମଲାରେ ଏହି ଟେଷ୍ଟର ସାହାରା ନେଇଥାନ୍ତି । ହେଲେ ବେଳେବେଳେ ବୟସ ନିର୍ଦ୍ଧାରଣ ପାଇଁ ବୋନ ଓସିଫିକେସନ ଟେଷ୍ଟ ପଦ୍ଧିତକୁ ଶତ ପ୍ରତିଶତ ଠିକ୍ ବିଚାର କରାଯାଏ ନାହିଁ ଏବଂ ଏଣୁ ଏହି ପ୍ରମାଣ ନିର୍ଣ୍ଣାୟକ ହୋଇନଥାଏ ।
ଏଠି କହିରଖୁଛୁ କି, ଓସିଫିକେସନ ହେଲା ଯେକୌଣସି ମଣିଷର ହାଡ ଗଠନ ପ୍ରକ୍ରିୟା, ଯାହା ବାଲ୍ୟବସ୍ଥାରୁ ନେଇ କିଶୋରବସ୍ଥା ଯାଏଁ ଚାଲେ ।