ହାଇଦ୍ରାବାଦ: ଖରାଦିନେ ନିଜ ଖାଦ୍ୟପେୟର ଯତ୍ନ ନେବା ଅତି ଆବଶ୍ୟକ ହୋଇଥାଏ । କାରଣ ଏହି ଦିନରେ ଖାଦ୍ୟରେ ସାମାନ୍ୟ ଗଡବଡ ଆପଣଙ୍କ ଶରୀରକୁ ଅସୁସ୍ଥ କରିଦିଏ । କୁହାଯାଏ, ଖରାଦିନେ ଯଥାସମ୍ଭବ ପାଣି ଓ ଜୁସ୍ ପିଇବା ଉଚିତ୍ । ଏହି ଋତୁରେ ଆପଣ କମ୍ ଖାଇପାରନ୍ତି କିନ୍ତୁ ଅଧିକ ପାଣି ପିଇବାକୁ ପଡିଥାଏ । ପାଣି ଓ ଜୁସ୍ ଆପଣଙ୍କ ଶରୀରରେ ଜଳର ଅଭାବ ପୁରା କରିଥାଏ ଓ ସବୁବେଳେ ହାଇଡ୍ରେଟ ରଖିଥାଏ । ତେବେ ଖରାଦିନେ ଶରୀରରେ ଜଳର ଅଭାବ ପୁରା କରିବାରେ ସବୁଠୁ ଭଲ ଫଳ ହେଲା ତାଳ, ଯାହାକି ପଇଡ ପାଣିଠାରୁ ବି ଅଧିକ ଲାଭଦାୟକ ।
ତାଳ ସାଧାରଣତଃ ଖରାଦିନେ ମିଳିଥାଏ । ଏହାକୁ ଖରାଦିନିଆ ସୁପରଫୁଡ ଭାବେ ଗଣାଯାଏ । ଏହି ଫଳ ଖାଇବା ଦ୍ବାରା ଆପଣ ଟାଇଁ ଟାଇଁ ଖରାରେ ବି କୁଲ୍ କୁଲ୍ ଅନୁଭବ କରିବେ । ତାଳ ମୁଖ୍ୟତଃ ଖରାଦିନେ ଉପକୂଳବର୍ତ୍ତୀ ଅଞ୍ଚଳରେ ମିଳିଥାଏ । ଏହାକୁ ଆଇସି ଆପଲ ବି କୁହନ୍ତି । ଏହା ଶରୀରକୁ ତାଜା ରଖିଥାଏ ଓ ଗରମରୁ ସୃଷ୍ଟି ହେଉଥିବା ରୋଗରୁ ମଧ୍ୟ ରକ୍ଷା କରିଥାଏ ।
ପଇଡ଼ ପାଣିଠୁ ବି ଅଧିକ ଲାଭଦାୟକ ତାଳ, ମିଳେ ଏହିସବୁ ଫାଇଦା (ETV Bharat) ହାଇଦ୍ରାବାଦର ଆୟୁର୍ବେଦିକ ଚିକିତ୍ସକ ଡାକ୍ତର ନହୁଷ କୁଣ୍ଟେଙ୍କ ମୁତାବକ, ''ତାଳରେ ଭିଟାମିନ-ବି, ଆଇରନ, ପୋଟାସିୟମ, ଜିଙ୍କ, କ୍ୟାଲେସିୟମ ପ୍ରଚୁର ମାତ୍ରାରେ ଥାଏ । ଯାହାକି ଆମ ଶରୀର ପାଇଁ ଖୁବ ଗୁରୁତ୍ବପୂର୍ଣ୍ଣ । ଏହାର ସ୍ବାଦ ତାଜା ନଡିଆ ଭଳି ଓ ରଙ୍ଗ ଧଳା ଜେଲି ଭଳି ହୋଇଥାଏ ।''
ଜାଣନ୍ତୁ ତାଳ ଖାଇବାର ଫାଇଦା:
- ଇମ୍ୟୁନୋ ସିଷ୍ଟମ ଦୁର୍ବଳ ହେଲେ ଲୋକଙ୍କୁ ବିଭିନ୍ନ ସଂକ୍ରାମକ ରୋଗ ହୋଇଥାଏ । ନିଜର ଇମ୍ୟୁନିଟି ବଢାଇବାକୁ ଚାହୁଁଥିଲେ ଭିଟାମିନ-Cରେ ଭରପୂର ତାଳ ଖାଇପାରିବେ ।
- ଏହା ଆପଣଙ୍କ ଶରୀରକୁ ଥଣ୍ଡା ରଖିବା ସହ ହାଇଡ୍ରେଟ ରଖିବାରେ ସାହାଯ୍ୟ କରେ ।
- ତାଳ ଖାଇବା ଦ୍ବାରା ଓଜନ ଓ ଚର୍ବି ହ୍ରାସ ପାଇଥାଏ ।
- ଏଥିରେ ପାଚନ କ୍ରିୟା ଜନିତ ସମସ୍ୟା ଭଲ ହୁଏ ଓ ଲିଭର ମଧ୍ୟ ସୁସ୍ଥ ରୁହେ ।
- ଗର୍ଭବତୀ ମହିଳାଙ୍କ ପାଇଁ ପୋଷଣରେ ଭରପୂର ହୋଇଥାଏ ତାଳ ।
Disclaimer- ଏହି ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ
