ହାଇଦ୍ରାବାଦ:'ସ୍ତ୍ରୀ 2'ର ନିର୍ମାତା ଦୀନେଶ ଭିଜନ ସିନେପ୍ରେମୀଙ୍କୁ ଦୀପାବଳି ଭେଟି ଦେଇଛନ୍ତି । ଆଜି, ଅକ୍ଟୋବର 30 ରେ, ମାଡୋକ ଫିଲ୍ମସ୍ ମାଲିକ ଦୀନେଶ ଭିଜନ୍ ତାଙ୍କର ନୂଆ ହରର୍ କମେଡି ଫିଲ୍ମ 'ଥାମା' ଘୋଷଣା କରିଛନ୍ତି । ଏହାର ରିଲିଜ ତାରିଖ ସହ ଫିଲ୍ମର ଷ୍ଟାରକାଷ୍ଟ ଉପରୁ ବି ପରଦା ଉଠାଇଛନ୍ତି । ସୋସିଆଲ ମିଡିଆରେ ଫିଲ୍ମର ଏକ ପୋଷ୍ଟର ସେୟାର କରି ଏହି ସୂଚନା ଦେଇଛନ୍ତି ନିର୍ମାତା । ତେବେ କେଉଁ ତାରକା ଆସିବେ ନଜର ଏବଂ ଫିଲ୍ମ କେବେ ରିଲିଜ ହେବ ? ଜାଣନ୍ତୁ,
'ଥାମା' କେବେ ମୁକ୍ତିଲାଭ କରିବ ?
ଏହା ଆସନ୍ତା ଦିୱାଲୀ 2025 ରେ ମୁକ୍ତିଲାଭ କରିବ । ଏକ ମୋଶନ ପୋଷ୍ଟର ସହ ଫିଲ୍ମ ଘୋଷଣା କରି ମାଡୋକ ଫିଲ୍ମସ୍ ଏହାର ଇନଷ୍ଟା ପୋଷ୍ଟରେ ଲେଖିଛନ୍ତି, "ଦୀନେଶ ଭିଜନଙ୍କ ହରର କମେଡି ୟୁନିଭର୍ସକୁ ଏକ ପ୍ରେମ କାହାଣୀ ଦରକାର... ଦୁର୍ଭାଗ୍ୟବଶତଃ ଏହା ଏକ ରକ୍ତାକ୍ତ କାହାଣୀ ।" ଏହି ଘୋଷଣା ପରେ ପ୍ରଶଂସକମାନେ ଫିଲ୍ମକୁ ନେଇ ବେଶ ଉତ୍ସାହିତ ହୋଇଛନ୍ତି । ଏଥିସହ ଫିଲ୍ମର ଷ୍ଟାରକାଷ୍ଟ ଉପରୁ ବି ପରଦା ଉଠାଇଛନ୍ତି ।
'ଥାମା' ଏହି ତାରକା ଆସିବେ ନଜର
'ଥାମା'ର ନିର୍ଦ୍ଦେଶନା ଦେବେ ଆଦିତ୍ୟ ସରପୋତଦାର । ଏହି ଚଳଚ୍ଚିତ୍ରଟି ନିରେନ ଭଟ୍ଟ, ସୁରେଶ ମାଥ୍ୟୁ ଏବଂ ଅରୁଣ ଫୁଲାରା ଲେଖିଛନ୍ତି । ଦୀନେଶ ଭିଜାନ ଏବଂ ଅମର କୌଶିକ ଏହାକୁ ପ୍ରସ୍ତୁତ କରିଛନ୍ତି । ମ୍ୟାଡକ୍ ଫିଲ୍ମସ୍ ଆକାଉଣ୍ଟରେ “ଥାମା” ଆଉ ଏକ ହିଟ୍ ଯୋଡିବ ବୋଲି ଆଶା କରାଯାଉଛି । କାରଣ ଏହି ଫିଲ୍ମରେ ବଲିଉଡ ଅଭିନେତା ଆୟୁଷ୍ମାନ ଖୁରାନା ଏବଂ ସାଉଥ ସୁନ୍ଦରୀ ରସ୍ମିକା ମନ୍ଦାନା ନଜର ଆସିବାକୁ ଯାଉଛନ୍ତି । ଏହି ଫିଲ୍ମ ସହ ପ୍ରଥମ ଥର ପାଇଁ ଉଭୟଙ୍କ ଅନସ୍କ୍ରିନ ରୋମାନ୍ସ ଦେଖିବାକୁ ମିଳିବ । ଏଥିସହ ଏହି ଫିଲ୍ମରେ ନୱାଜୁଦ୍ଦିନ ସିଦ୍ଦିକି ଏବଂ ପରେଶ ରାୱଲ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
ଏହା ମଧ୍ୟ ପଢନ୍ତୁ:39 ଦିନରେ ବି 'ସ୍ତ୍ରୀ 2' ଜଲୱା ଜାରି, 600 କୋଟି ପାର୍ କରି କଲା ନୂଆ ରେକର୍ଡ
ଏହି ହିଟ୍ ଫିଲ୍ମ ଦେଇଛନ୍ତି ନିର୍ମାତା
କହିରଖୁଛୁ କି, ମାଡୋକ ଫିଲ୍ମସ୍ ପକ୍ଷରୁ 'ମୁନ୍ଜିଆ' ଚଳିତ ବର୍ଷ ଆରମ୍ଭରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରର କାହାଣୀ ଦର୍ଶକଙ୍କୁ ବହୁତ ପସନ୍ଦ ଆସିଥିଲା । ବର୍ତ୍ତମାନ ମାଡୋକ ଫିଲ୍ମସର ଲାଟେଷ୍ଟ ରିଲିଜ ଫିଲ୍ମ 'ସ୍ତ୍ରୀ 2' ମଧ୍ୟ ବେଶ ଲୋକପ୍ରିୟତା ହାସଲ କରିଥିଲା । ଏହି ଚଳଚ୍ଚିତ୍ର ଦେଶ ତଥା ବିଶ୍ୱରେ ବିପୁଳ କଲେକ୍ସନ କରିବା ସହ ବକ୍ସ ଅଫିସରେ ନୂଆ ରେକର୍ଡ ନିଜ ନାଁରେ କରିଛି । ଘରୋଇ ବକ୍ସ ଅଫିସରେ 600 କୋଟିରୁ ଅଧିକ ରୋଜଗାର କରି ଏହା ଇତିହାସ ସୃଷ୍ଟି କରିଛି ଏବଂ ବଲିଉଡର ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
